Summer car care tips: సమ్మర్‌లో మీ కారును జాగ్రత్తగా కాపాడుకోవాలంటే, ఈ టిప్స్ తప్పకుండా పాటించాల్సిందే!

సమ్మర్ లో ఎండ తీవ్రత అధికంగా ఉంటుంది. అధిక ఉష్ణోగ్రతల కారణంగా కార్లలో పలు సమస్యలు తలెత్తే అవకాశం ఉంటుంది. అయితే, వేసవిలో కార్లను జాగ్రత్తగా కాపాడుకోవాలంటే కొన్ని చిట్కాలను పాటించాలి.

Photo Credit: Pixabay

భారత్ లో ఈ ఏడాది ఎండల తీవ్రత అధికంగా ఉంది. ఏప్రిల్ నుంచే ఎండలు మండిపోతున్నాయి. చాలా ప్రాంతాల్లో 35 డిగ్రీలకు పైనే ఉష్ణోగ్రతలు నమోదు అవుతున్నాయి. ఈ నెలలో మరింతగా పెరిగే అవకాశం ఉంది. ఈ నేపథ్యంలో  సమ్మర్ లో కార్లను జాగ్రత్త కాపాడుకునేందుకు తీసుకోవాల్సిన జాగ్రత్తల గురించి తెలుసుకుందాం..

1. బ్యాటరీని పరిశీలించండి  

కారు బ్రేక్‌డౌన్‌లకు బ్యాటరీ ఫెయిల్యూర్ అత్యంత సాధారణ కారణం. అధిక ఉష్ణోగ్రతల నుంచి కారు బ్యాటరీని సరిగ్గా కాపాడకపోతే దాని లైఫ్ టైమ్ తగ్గిపోతుంది. వేడి తీవ్రతకు  ఎలక్ట్రోలైట్ త్వరగా ఆవిరైపోతుంది. అందుకే, తరుచుగా బ్యాటరీలోని లిక్విడ్ స్థాయిని తనిఖీ చేయండి. అవసరమైతే డిస్టిల్ వాటర్ తో టాప్ అప్ చేయండి.

2. ఎయిర్ కండిషనింగ్

మీరు ఎండలో ప్రయాణం చేసే సమయంలో ఏసీ అనేది చాలా ముఖ్యం. తయారీదారులు ప్రతి రెండు సంవత్సరాలకు ఒకసారి ఎయిర్ కన్ సిస్టమ్‌లను రీగ్యాస్ చేయాలని సిఫార్సు చేస్తున్నారు. సో, క్రమం తప్పకుండా ఏసీ పనితీరును పరిశీలిస్తూ ఉండాలి. అవసరమైతే ఎయిర్ కన్ సిస్టమ్‌లను రీగ్యాస్ చేయించాలి.     

3. టైర్లు

వేడి వాతావరణం కారు టైర్లలో గాలి ఒత్తిడిని పెంచుతుంది. ఎక్కువ గాలి ఉంటే, ఒత్తిడి పెరిగి కారు రన్నింగ్ లో ఉండగా టైర్లు పేలిపోయే అవకాశం ఉంటుంది. ఎప్పటికప్పుడు టైర్లలోని గాలి ప్రెషర్ ను పరిశీలిస్తూ ఉండాలి.     

4. ఆయిల్స్ తనిఖీ చేయండి

ఇంజిన్ లోని కూలెంట్ ఆయిల్, ఇంజిన్ ఆయిల్ స్థాయిలను గమనిస్తూ ఉండాలి. బ్రేక్, క్లచ్, పవర్ స్టీరింగ్ ఆయిల్ ను కూడా నెలకు ఒకసారి తనిఖీ చేయాలి. వేడి వాతావరణంలో, ఆయిల్స్ త్వరగా ఆవిరైపోయే అవకాశం ఉంటుంది.  

5. బెల్ట్ అప్

ఉష్ణోగ్రతలు పెరగడం మూలంగా కారు ఇంజిన్ బేలో ఉండే  డ్రైవ్‌బెల్ట్ తెగిపోయే అవకాశం ఉంటుంది. అందుకే వేసవిలో తరుచుగా బెల్టులను గమనించాలి. కూలింగ్ ఫ్యాన్ సరిగ్గా పని చేస్తుందో లేదో చూస్తూ ఉండాలి.

6. వైపర్ బ్లేడ్‌లను గమనించండి

తీవ్ర వేడి కారణంగా వైపర్ బ్లేడ్ లు వేడెక్కి గ్లాస్ మీద రబ్బరు మరకలు పడే అవకాశం ఉంటుంది. అందుకే, వేసవిలో ఎక్కువగా వైపర్ వినియోగం లేకుండా చూసుకోవాలి.   

7. కారును శుభ్రంగా ఉంచండి

కారు విండ్‌ స్క్రీన్ నుంచి దుమ్మును తరుచుగా క్లీన్ చేయాలి. వేసవిలో దుమ్ము, పక్షిరెట్టలు, కీలకాల మూలంగా పెయింట్ పాడైపోయే అవకాశం ఉంటుంది. అందుకే తరుచుగా నీటితో శుభ్రం చేసుకోవడం మంచింది.     

8. కచ్చితంగా సర్వీస్ చేయించండి

కారు ఇంజిన్ సర్వీస్ విషయంలో అలసత్వం ప్రదర్శించకూడదు. వేసవి కదా, చేయించుకోవచ్చులే అనుకోకూడదు. కచ్చితంగా సర్వీస్ చేయించాలి. వేసవిలో సర్వీస్ చేయించడం ద్వారా ఏవైనా సమస్యలు ఉంటే సరిచేసే అవకాశం ఉంటుంది.    

9. బ్రేక్‌డౌన్ కవర్‌ను ముందుగానే తీసుకోండి

రికవరీ సర్వీస్ మెంబర్‌షిప్ పొందడానికి కారు చెడిపోయే వరకు వేచి చూడాల్సిన అవసరం లేదు. ముందుగానే కొనుగోలు చేయడం మంచిది.   

10. బయలుదేరే ముందు స్టాక్ అప్ చేయండి

మీరు ఒంటరిగా ఉన్నట్లయితే మీతో కొన్ని అత్యవసర సామాగ్రిని తీసుకెళ్లండి. వాటర్ బాటిల్స్, స్నాక్స్, టార్చ్‌, ఫోన్ ఛార్జర్‌ మీతో ఉంచుకోవడం మంచిది. డ్రైవింగ్ లైసెన్స్, బీమా పాలసీ దగ్గరే ఉంచుకుంటే మరీ మంచిది.