టాటా సియెర్రా వెయిటింగ్‌ పీరియడ్‌: డీజిల్‌, ఆటోమేటిక్‌ వేరియంట్ల కోసం ఎక్కువ కాలం ఆగాల్సిందే!

టాటా సియెర్రా బుక్‌ చేసిన తర్వాత కారు మీ చేతికి రావడానికి ఎంత సమయం పడుతుంది? పెట్రోల్‌, డీజిల్‌, ఆటోమేటిక్‌, మాన్యువల్‌ వేరియంట్ల వారీగా వెయిటింగ్‌ పీరియడ్‌ వివరాలు ఇక్కడ చదవండి.

టాటా సియెర్రా ధర

Source : https://x.com/

Show Quick Read

Key points generated by AI, verified by newsroom

• టాటా సియెర్రా SUVకి భారీ స్పందన, 70,000 బుకింగ్స్ దాటింది.
• డీజిల్, ఆటోమేటిక్ వేరియంట్లకు 3-4 నెలల వెయిటింగ్ పీరియడ్.
• హై స్పెక్స్, మున్నార్ మిస్ట్ కలర్ మోడళ్లకు ఎక్కువ ఎదురుచూడాలి.
• రూ.11.49 లక్షల నుండి ధర, క్రెటా, సెల్టోస్ ప్రధాన ప్రత్యర్థులు.

Tata Sierra Waiting Period: టాటా మోటార్స్‌ మళ్లీ మార్కెట్‌లోకి తీసుకొచ్చిన టాటా సియెర్రా SUV ఇప్పటికే భారీ స్పందన తెచ్చుకుంది. లాంచ్‌ అయిన మొదటి రోజే దాదాపు 70,000 బుకింగ్స్‌ నమోదు కావడం చూస్తే, ఈ కారుపై ఎంత డిమాండ్‌ ఉందో అర్థమవుతోంది. జనవరి 15 నుంచి కస్టమర్‌ డెలివరీలు ప్రారంభమయ్యాయి. అయితే, ఇప్పటికీ చాలామందిలో ఒకే ప్రశ్న - సియెర్రాను బుక్‌ చేస్తే ఎంత కాలానికి ఈ కారు చేతికి వస్తుంది?       

వేరియంట్‌ను బట్టి మారే వెయిటింగ్‌ పీరియడ్‌             

డీలర్‌ వర్గాల సమాచారం ప్రకారం, టాటా సియెర్రా వెయిటింగ్‌ పీరియడ్‌ సగటున 3 నుంచి 4 నెలల వరకు ఉంది. అయితే ఇది అన్ని వేరియంట్లకు ఒకేలా ఉండదు. డీజిల్‌ వేరియంట్లకు డిమాండ్‌ ఎక్కువగా ఉండటంతో, అవి పెట్రోల్‌ వేరియంట్లతో పోలిస్తే 2 నుంచి 4 వారాలు ఎక్కువగా వెయిట్‌ చేయాల్సిన పరిస్థితి కనిపిస్తోంది.          

ఆటోమేటిక్‌ వేరియంట్లకు ఎక్కువ డిమాండ్‌     

సియెర్రాలో ఆటోమేటిక్‌ ట్రాన్స్‌మిషన్‌ ఉన్న వేరియంట్లకు డిమాండ్‌ ఎక్కువ. అందుకే, మాన్యువల్‌ వేరియంట్లతో పోలిస్తే ఆటోమేటిక్‌ మోడళ్లకు 15 నుంచి 30 రోజులు అదనపు వెయిటింగ్‌ ఉంటుంది. ముఖ్యంగా టర్బో పెట్రోల్‌ వేరియంట్‌ పూర్తిగా ఆటోమేటిక్‌లోనే అందుబాటులో ఉండటం వల్ల, దాని కోసం వెయిట్‌ మరింత పెరుగుతోంది.

స్పెక్స్‌ ఎక్కువైతే వెయిట్‌ కూడా ఎక్కువే

టాటా సియెర్రా మొత్తం 7 ట్రిమ్స్‌లో లభిస్తోంది, అవి - Smart, Pure, Pure+, Adventure, Adventure+, Accomplished, Accomplished+. డీలర్ల మాట ప్రకారం, హై స్పెక్‌ ట్రిమ్స్‌కి డిమాండ్‌ ఎక్కువగా ఉండటంతో, ఈ వేరియంట్లకు వెయిటింగ్‌ పీరియడ్‌ కూడా ఎక్కువగా ఉంది.

ఈ కలర్‌ ఎంచుకుంటే ఎక్కువ రోజులు ఎదురుచూపే

సియెర్రా కారును Andaman Adventure, Pristine White, Pure Grey, Bengal Rouge, Coorg Cloud, Munnar Mist వంటి కలర్‌ ఆప్షన్లలో తీసుకోవచ్చు. ఇవన్నీ కాకుండా, Munnar Mist కలర్‌కి డిమాండ్‌ ఎక్కువగా ఉండటంతో, ఈ కలర్‌ బుక్‌ చేస్తే వెయిటింగ్‌ పీరియడ్‌ మరింత పెరుగుతుంది.

ఇంజిన్‌ ఆప్షన్లు

టాటా సియెర్రా మూడు ఇంజిన్‌ ఎంపికలతో వస్తోంది.

106hp న్యాచురల్‌ ఆస్పిరేటెడ్‌ పెట్రోల్‌

160hp టర్బో పెట్రోల్‌

118hp డీజిల్‌

టర్బో పెట్రోల్‌ ఆటోమేటిక్‌లో మాత్రమే లభిస్తే, మిగతా రెండు ఇంజిన్‌లకు మాన్యువల్‌ గేర్‌బాక్స్‌ ఎంపిక కూడా ఉంది.

ధర & ప్రత్యర్థులు

టాటా సియెర్రా ధర రూ.11.49 లక్షల నుంచి రూ.21.49 లక్షల (ఎక్స్‌-షోరూమ్‌ ధర) వరకు ఉంటుంది. ఈ SUVకి హ్యుందాయ్‌ క్రెటా, కియా సెల్టోస్‌, స్కోడా కుషాక్‌, టయోటా హైరైడర్‌, హోండా ఎలివేట్‌ వంటి మిడ్‌సైజ్‌ SUVలు ప్రధాన ప్రత్యర్థులు.

గమనిక: వెయిటింగ్‌ పీరియడ్‌ ప్రాంతాన్ని బట్టి కూడా మారవచ్చు. కచ్చితమైన సమాచారం కోసం మీ దగ్గరలోని టాటా డీలర్‌ను సంప్రదించడం మంచిది.

ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.

మరిన్ని చదవండి

ప్రపంచంలోనే పవర్‌ఫుల్‌ కార్‌: కేవలం 1.9 సెకన్లలోనే 100km స్పీడ్‌, మంటల్లోనూ కాలని బ్యాటరీలు