Nitish Kumar Reddy Buys Range Rover: SRH యంగ్ సెన్సేషన్ నితీష్ రెడ్డి గ్యారేజ్ లోకి కొత్త అతిథి.. కోట్లు విలువ చేసే రేంజ్ రోవర్ కొన్న తెలుగు కుర్రాడు!
సన్‌రైజర్స్ ఆల్‌రౌండర్ నితీష్ కుమార్ రెడ్డి లగ్జరీ కారు రేంజ్ రోవర్ ఆటోబయోగ్రఫీని సొంతం చేసుకున్నాడు. ఐపీఎల్ 2026లో అద్భుత ప్రదర్శన చేస్తున్న ఈ 22 ఏళ్ల క్రికెటర్ తన కలల వాహనాన్ని కొనుగోలు చేశాడు.
Nitish Kumar Reddy News: ఐపీఎల్ 2026 సీజన్‌లో తన ఆల్‌రౌండ్ ప్రదర్శనతో అందరినీ ఆకట్టుకుంటున్న సన్‌రైజర్స్ హైదరాబాద్ (SRH) యంగ్ స్టార్ నితీష్ కుమార్ రెడ్డి ఒక కొత్త మైలురాయిని చేరుకున్నాడు. కేవలం 22 ఏళ్ల వయస్సులోనే అత్యంత ఖరీదైన ‘రేంజ్ రోవర్ ఆటోబయోగ్రఫీ’ (Range Rover Autobiography) ఎస్‌యూవీని తన గ్యారేజ్ లోకి చేర్చుకున్నాడు. ఈ కారు కొనుగోలుతో సంజయ్ దత్, శిల్పా శెట్టి, జాన్వీ కపూర్ వంటి బాలీవుడ్ సెలబ్రిటీల సరసన నితీష్ నిలిచాడు. ఏప్రిల్ 18న చెన్నై సూపర్ కింగ్స్ పై ఎస్‌ఆర్‌హెచ్ సాధించిన అద్భుత విజయంలో నితీష్ బౌలింగ్ కీలక పాత్ర పోషించింది. ఆ విజయం అందించిన జోష్ లోనే ఈ లగ్జరీ కారును ఇంటికి తీసుకొచ్చాడు.
Nitish kumar reddy vth his new Range Rover.
— ఆరంజ్ అడిక్ట్ 🔥⛽🪵 (@SunrisersAddict) April 20, 2026
Inspiration on and off the field 💪@NKReddy07 🚗✨ pic.twitter.com/wbz7CFQBLV
గోల్డ్ ఫినిష్‌తో అదిరిపోయే లుక్..
సోషల్ మీడియాలో వైరల్ అవుతున్న వీడియోల ప్రకారం, నితీష్ ‘బటుమి గోల్డ్’ (Batumi Gold) కలర్ లో ఉన్న రేంజ్ రోవర్ ను ఎంచుకున్నాడు. తన కుటుంబ సభ్యులతో కలిసి ఈ కొత్త కారులో షికారు చేస్తున్న దృశ్యాలు అభిమానులను ఆకట్టుకుంటున్నాయి. ఈ కారు డెలివరీ తీసుకుంటున్న సమయంలో నితీష్ ముఖంలో సంతోషం స్పష్టంగా కనిపిస్తోంది. కేవలం గోల్డ్ మాత్రమే కాకుండా శాంటోరిని బ్లాక్, ఫుజి వైట్ వంటి రంగుల్లో కూడా ఈ కారు లభిస్తుంది. ప్రస్తుతం నితీష్ ఎంచుకున్న ఈ గోల్డ్ షేడ్ రోడ్డుపై వెళ్తుంటే కళ్లు తిప్పుకోలేనంత స్టైలిష్ గా కనిపిస్తోంది.
పవర్ - పర్ఫార్మెన్స్ వివరాలు..
రేంజ్ రోవర్ ఆటోబయోగ్రఫీ టాప్ వేరియంట్ లో 4.4 లీటర్ V8 ఇంజిన్ ఉంది . ఇది 522 hp పవర్, 750 Nm టార్క్‌ను ఉత్పత్తి చేస్తుంది. కేవలం 4.6 సెకన్లలోనే సున్నా నుండి 100 కిలోమీటర్ల వేగాన్ని అందుకోవడం దీని ప్రత్యేకత. ఈ కారు గరిష్ట వేగం గంటకు 250 కిలోమీటర్లు. ఇందులో డీజిల్, ప్లగ్-ఇన్ హైబ్రిడ్ ఆప్షన్లు కూడా ఉన్నప్పటికీ నితీష్ ఏ మోడల్ తీసుకున్నాడో ఇంకా తెలియలేదు. మైల్డ్ హైబ్రిడ్ సిస్టమ్ సపోర్ట్ ఉండటం వల్ల డ్రైవింగ్ చాలా స్మూత్ గా ఉంటుంది.
హై-టెక్ ఫీచర్లు - సేఫ్టీ..
కారు లోపల కంఫర్ట్ విషయంలో రాజీ పడలేదు. పవర్ అడ్జస్ట్‌మెంట్, మసాజ్ ఫంక్షన్ ఉన్న సీట్లు ప్రయాణంలో అలసటను తగ్గిస్తాయి. మెరిడియన్ 29-స్పీకర్ సరౌండ్ సౌండ్ సిస్టమ్ వల్ల కారు ఒక కాన్సర్ట్ హాల్ లా మారుతుంది. 360-డిగ్రీ కెమెరా, ఏడీఏఎస్ (ADAS) వంటి అడ్వాన్స్‌డ్ సేఫ్టీ ఫీచర్లు ఇందులో ఉన్నాయి. ఫోర్-జోన్ క్లైమేట్ కంట్రోల్ ప్రయాణికులకు విఐపి కంఫర్ట్ అందిస్తుంది. ఒక సామాన్య నేపథ్యం నుండి వచ్చిన తెలుగు కుర్రాడు నితీష్, తన కష్టంతో ఇంతటి స్థాయికి చేరుకోవడం అందరికీ స్ఫూర్తినిస్తోంది. ఐపీఎల్ లో సక్సెస్ కావడమే కాకుండా ఇలాంటి లగ్జరీ కార్లను సొంతం చేసుకోవడం అతని ఎదుగుదలకు నిదర్శనమ‌ని విశ్లేష‌కులు అంటున్నారు.
టాప్ హెడ్ లైన్స్
ట్రెండింగ్ వార్తలు
