Royal Enfield Himalayan 750 వచ్చేస్తోంది.. క్రూజ్ కంట్రోల్, TPMS సహా అడ్వాన్స్‌డ్‌ ఫీచర్లు
Royal Enfield Himalayan 750 అధికారిక చిత్రాలు విడుదలయ్యాయి. Cruise Control, Traction Control, TPMS, రెండు రకాల వీల్స్, ఐదు రంగుల వివరాలు తెలుసుకోండి.
Royal Enfield Himalayan 750 Details: కొంతకాలంగా టెస్ట్ మ్యూల్స్ రూపంలో కనిపిస్తూ, టీజర్లతో ఆసక్తి పెంచుతున్న రాయల్ ఎన్‌ఫీల్డ్ హిమాలయన్ 750 ఎట్టకేలకు అధికారికంగా బయటకు వచ్చింది. కంపెనీ ఇప్పటివరకు ఈ బైక్ పూర్తి స్పెసిఫికేషన్లను వెల్లడించలేదు. ఇప్పుడు.. ఈ మోటార్‌సైకిల్‌ డిజైన్, రంగులు, కొన్ని ముఖ్యమైన ఫీచర్లకు సంబంధించిన వివరాలు అందుబాటులోకి వచ్చాయి. నవంబర్ 3న ఇటలీలోని మిలన్‌లో ప్రారంభం కానున్న EICMA 2026 వేదికగా పూర్తి వివరాలను వెల్లడించే అవకాశం ఉంది.
రాయల్ ఎన్‌ఫీల్డ్ తయారు చేస్తున్న బైక్‌లలో ఇదే అత్యధిక ఇంజిన్ సామర్థ్యం కలిగిన మోడల్‌గా నిలవనుంది. దీని ఇంజిన్ సామర్థ్యం 750cc లేదా దానికి దగ్గరగా ఉంటుందని కంపెనీ అధికారికంగా ధృవీకరించింది. భారత మార్కెట్లో ఈ బైక్‌ను ఈ నెల (నవంబర్) చివరిలో జరిగే Motoverse 2026 సందర్భంగా విడుదల చేసే అవకాశం ఉంది.
హిమాలయన్ 750లో కీలక ఫీచర్లు
ఇప్పటికే బయటికొచ్చిన వివరాల ప్రకారం, Himalayan 750లో చాలా అడ్వాన్స్‌డ్‌ ఫీచర్లు ఉండనున్నాయి. వీటిలో క్రూజ్ కంట్రోల్, ట్రాక్షన్ కంట్రోల్, టైర్ ప్రెజర్ మానిటరింగ్ సిస్టమ్ (TPMS), అడ్జస్టబుల్ సస్పెన్షన్ ముఖ్యమైనవి.
బైక్ కుడివైపు స్విచ్ క్యూబ్‌పై క్రూజ్ కంట్రోల్ బటన్లు కూడా అధికారిక ఫొటోల్లో కనిపించాయి. అలాగే కొత్త LED హెడ్‌లైట్ అసెంబ్లీ ఉండే అవకాశం ఉంది. ఈ ఫీచర్లన్నీ అన్ని వేరియంట్లలోనూ అందుబాటులో ఉంటాయా? లేక కొన్ని ప్రత్యేక వేరియంట్లకే పరిమితం చేస్తారా? అనేది EICMAలో పూర్తి వివరాలు వెల్లడైన తర్వాతే స్పష్టమవుతుంది.
వీల్స్ విషయంలోనూ రెండు ఆప్షన్లు ఉన్నాయి. అల్లాయ్ వీల్స్‌తో పాటు క్రాస్-స్పోక్ వీల్స్ కూడా అందుబాటులోకి రానున్నాయి. ఈ రెండు రకాల వీల్స్‌లోనూ ట్యూబ్‌లెస్ టైర్లను ఉపయోగించుకునే అవకాశం ఉంటుంది.
ఇది కూడా చదవండి: 2027లో ఈ అద్భుతమైన బైక్స్ ఎంట్రీ.. మీరు కొరుకునే లగ్జరీ బైక్స్ ఉన్నాయా చూడండి
ఐదు రంగుల్లో అందుబాటులోకి..
Himalayan 750 మొత్తం ఐదు రంగుల్లో కనిపించింది, అవి - అంటార్కిటిక్ సిల్వర్, సైబీరియా వైట్, వైకింగ్ బ్రాంజ్, టెక్టోనిక్ బ్లాక్, అజ్టెక్ గ్రీన్.
వేరియంట్ల వివరాలపై ప్రస్తుతం పూర్తి స్పష్టత లేదు. రాయల్ ఎన్‌ఫీల్డ్ గత మోడళ్లలో అనుసరించిన విధానాన్ని పరిశీలిస్తే, రంగుల ఆధారంగా వేరియంట్ల ధరల్లో తేడాలు ఉండవచ్చని అంచనా.
Antarctic Silver రంగులో ఉన్న బైక్‌కు ఎక్కువ సంఖ్యలో ప్రత్యేక యాక్సెసరీలు అమర్చారు. దీనికి ట్యూబ్‌లెస్ స్పోక్ వీల్స్ కూడా ఉన్నాయి. అందువల్ల ఇది టాప్ వేరియంట్ అయ్యే అవకాశం ఉంది. ఈ బైక్‌లో కనిపిస్తున్న యాక్సెసరీలు మోడల్ కోసం ప్రత్యేకంగా రూపొందించిన యాక్సెసరీ కేటలాగ్‌పై కూడా ఒక అంచనాను ఇస్తున్నాయి.
Siberia White, Viking Bronze రంగుల బైక్‌లలోనూ ట్యూబ్‌లెస్ స్పోక్ వీల్స్ ఉన్నాయి. అయితే వీటిలో యాక్సెసరీలు కొంత తక్కువగా కనిపిస్తున్నాయి. అందువల్ల ఇవి మధ్యస్థాయి వేరియంట్లు కావచ్చని భావిస్తున్నారు.
మరోవైపు Tectonic Black, Aztec Green రంగుల్లో కనిపించిన బైక్‌లకు అల్లాయ్ వీల్స్ ఉన్నాయి. ఇవి బేస్ వేరియంట్లు అయ్యే అవకాశం ఉందని అంచనా.
ఇది కూడా చదవండి: ట్రాఫిక్‌లో క్లచ్ బాధ వద్దు.. రూ.6 లక్షల్లో వచ్చే ఈ 6 సెకండ్ హ్యాండ్ ఆటోమేటిక్ కార్లను పరిశీలించండి
పూర్తి వివరాలు ఎప్పుడు తెలుస్తాయి?
Himalayan 750 గతంలో చాలాసార్లు టెస్ట్ రైడ్స్ సందర్భంగా కనిపించింది. ఇప్పుడు విడుదలైన అధికారిక చిత్రాల్లో బైక్ డిజైన్‌ను మరింత స్పష్టంగా చూడవచ్చు. ముఖ్యంగా వీల్స్, స్విచ్ క్యూబ్, యాక్సెసరీల వివరాలు బయటపడ్డాయి.
నవంబర్ 3న మిలన్‌లో EICMA 2026 ప్రారంభం కానుంది. అక్కడ, రాయల్ ఎన్‌ఫీల్డ్ తన అత్యాధునిక మోటార్‌సైకిల్‌గా పేర్కొంటున్న Himalayan 750కు సంబంధించిన పూర్తి స్పెసిఫికేషన్లను వెల్లడించే అవకాశం ఉంది.
భారత్‌లో ఈ బైక్ లాంచ్ నవంబర్ చివర్లో జరిగే Motoverse 2026లో ఉండవచ్చని అంచనా. ఇంజిన్ పనితీరు, వేరియంట్ల వారీగా ఫీచర్లు, ధర వంటి వివరాలు అధికారిక ప్రకటన తర్వాతే తెలియనున్నాయి.
ఇంకా ఇలాంటి ఆటోమొబైల్‌ వార్తలు & అప్‌డేట్స్‌ కోసం "ABP దేశం" 'ఆటో' సెక్షన్‌ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
