Rolls Royce on Rent: వెడ్డింగ్‌ కోసం రోల్స్‌ రాయిస్‌ బుక్‌ చేస్తే ఖర్చెంత?, గంటకు ఎంత రెంటో తెలిస్తే షాక్‌ అవుతారు!

Rolls Royce rent per hour: రోల్స్ రాయిస్ కారును కొనడం చాలా కష్టం, దాని అధిక ధరే దీనికి కారణం. కొంతమంది ఒక్కసారైనా డ్రైవ్‌ చేయాలని కలలు కంటారు, దానిని అద్దెకు తీసుకుంటారు.

పెళ్లి కోసం రోల్స్ రాయిస్ బుక్ చేసుకుంటారా?

Source : https://x.com/

Rolls Royce wedding car rental Hyderabad Vijayawada: రోల్స్ రాయిస్ కారు సంపదకు చిహ్నం. అది సాధారణ ప్రజలకే కాదు, చాలా మంది ధనవంతులకు కూడా అందుబాటు లేదు. అంతెందుకు, కోట్ల మంది భారతీయులు తమ నిజ జీవితంలో రోల్స్‌ రాయిస్‌ కారును చూడలేరు కూడా, ఎందుకంటే అవి పెద్ద నగరాల్లో మాత్రమే ఉన్నాయి. మన దేశంలో ఈ లగ్జరీ కార్లు ప్రముఖ పారిశ్రామికవేత్తలు, కొందరు సినిమా నటుల దగ్గర మాత్రమే ఉన్నాయి. రోల్స్ రాయిస్ కార్లు విలాసానికి & రాజసానికి పాపులర్‌ అయ్యాయి. 

లగ్జరీ కారు అనగానే రోల్స్ రాయిస్ కారు పేరే మొదట స్ఫురించడం సహజం. అధిక ధర కారణంగా రోల్స్ రాయిస్ కారు కొనడం చాలా కష్టం. కొంతమంది, ముఖ్యంగా యూత్‌ ఈ కారును జీవితంలో కనీసం ఒక్కసారైనా నడపాలని లేదా ఆ కారులో ప్రయాణించాలని కలలు కంటారు. ఆ కలను నిజం చేసుకోవడానికి దారులు వెదుకుతారు. రోల్స్‌ రాయిస్‌ డ్రైవింగ్‌ కలను వాస్తవంలోకి తెచ్చే ఒక మార్గం.. దానిని అద్దెకు తీసుకోవడం. వివాహాలకు రోల్స్ రాయిస్ కారును అద్దెకు తీసుకోవచ్చు.

రోల్స్ రాయిస్ కారు అద్దె ఎంత?
రోల్స్ రాయిస్ కారును కొనడమే కాదు, దానిని అద్దెకు తీసుకోవడం కూడా అంత ఈజీ కాదు. ఒక్క రోజుకు ఒకటి అద్దెకు తీసుకుంటే లక్షల రూపాయలు ఖర్చవుతుంది. రోల్స్‌ రాయిస్‌ కారును ఒక రోజుకు అద్దెకు తీసుకునే ఖర్చుతో ఒక కొత్త చిన్న కారును లేదా పెద్ద సెకండ్‌ హ్యాండ్‌ కారును కొనుక్కోవచ్చు. పెళ్లి కోసం రోల్స్ రాయిస్ కారు అద్దెకు తీసుకుంటే, 8 గంటల డ్రైవ్ లేదా 80 కి.మీ.కు రూ. 2.99 లక్షలు చెల్లించాలి. 

రోల్స్ రాయిస్ కారును ఎక్కడ అద్దెకు తీసుకోవాలి?
ఇండియామార్ట్ నుంచి రోల్స్ రాయిస్ కార్లు అద్దెకు కూడా అందుబాటులో ఉన్నాయి, అక్కడ మీరు గంటకు రూ. 79,999 కి రోల్స్ రాయిస్ కారు రెంట్‌పై తీసుకోవచ్చు. అయితే, ఈ రోల్స్ రాయిస్ కార్ల రెంటల్‌ ప్రైస్‌ చెన్నైకి సంబంధించినవి. హైదరాబాద్‌, విజయవాడ సహా ఇతర చోట్ల మారవచ్చు. 

రోల్స్ రాయిస్ కార్లు భారతదేశంలో బాగా ప్రాచుర్యం సంపాదించాయి. ప్రస్తుతం, మన దేశంలో నాలుగు రోల్స్ రాయిస్ మోడల్స్ అమ్ముడవుతున్నాయి, వాటిలో ఘోస్ట్ అత్యంత తక్కువ ధరతో వస్తుంది. ఈ నాలుగు మోడళ్ల ధరలు రూ. 7 కోట్ల నుంచి రూ. 12 కోట్ల వరకు ఉంటాయి.​​​​​​​​​​

కారు ఫీచర్లు ఎలా ఉన్నాయి? 
రోల్స్ రాయిస్ కార్లు ఫ్రంట్ ఎయిర్‌ బ్యాగ్‌లు , ఫార్వర్డ్ కొలిషన్ వార్నింగ్, ఆటోమేటిక్ ఎమర్జెన్సీ బ్రేకింగ్, హై బీమ్ అసిస్ట్ & బ్రేక్ అసిస్ట్ వంటి అడ్వాన్స్‌డ్‌ ఫీచర్లతో వస్తాయి. సాధారణంగా రోల్స్ రాయిస్ కార్లను కస్టమైజ్‌ చేసి ఇస్తారు. అంటే, కస్టమర్‌కు ఇష్టమైన రంగు, నచ్చిన విధంగా సీటింగ్‌ & ఇతర ఫీచర్లను డిజైన్‌ చేసి ఇస్తారు. అందుకే, ఒకే మోడల్‌ రోల్స్‌ రాయిస్‌ కారు ఏ ఇద్దరి దగ్గరా ఒకేలా ఉండదు, కొన్ని మార్పులు కనిపిస్తాయి. 

మరిన్ని చదవండి

Hyundai Tucson మాత్రమే తోపు కాదు, దాని బదులు కొనదగిన 11 SUVలు ఇవిగో