Renault Triber మంచిచెడులు - కొనే ముందు కచ్చితంగా తెలుసుకోవాల్సిన విషయాలు
Renault Triber Review: ఫ్యామిలీ-ఫ్రెండ్లీ, బడ్జెట్ MPV కావాలనుకుంటే ట్రైబర్ మంచి ఎంపిక. కానీ, ఈ కారులోని మంచిచెడులను సరిగ్గా అర్ధం చేసుకున్నప్పుడే అసలైన విలువ తెలుస్తుంది.
2025 Renault Triber Pros And Cons In Telugu: భారతీయ మార్కెట్లో తక్కువ ధరలో 7 సీటర్ MPV కావాలనుకునే వారికి రెనాల్ట్ ట్రైబర్ మంచి ఆప్షన్. 2019లో వచ్చిన ఈ కారు, ఇప్పుడు 2025 ఫేస్లిఫ్ట్తో కొత్త ఫీచర్లు, అదనపు సేఫ్టీ టెక్నాలజీతో మరింత ఆకర్షణీయంగా మారింది. కానీ, కొనుగోలు చేసేముందు ఈ MPV (మల్టీ పర్పస్ వెహికల్) బలాలు, బలహీనతలు రెండూ తెలుసుకోవడం అవసరం.
రెనాల్ట్ ట్రైబర్లో ఉన్న ముఖ్యమైన ప్రయోజనాలు
1. ఆకర్షణీయమైన ధర
- ఆంధ్రప్రదేశ్ & తెలంగాణలో ట్రైబర్ ధరలు రూ. 6.3 లక్షల నుంచి ప్రారంభమై, టాప్-స్పెక్కు రూ. 9.17 లక్షల వరకు ఉంటాయి.
- దీనితో పోల్చుకుంటే, మారుతి ఎర్టిగా ధరలు రూ. 9.12 లక్షల వద్ద మొదలవుతాయి, కియా కారెన్స్ ధరలు రూ. 11.41 లక్షల నుంచి మొదలవుతాయి.
- అంటే టాప్-ఎండ్ ట్రైబర్ ఆటోమేటిక్ (AMT) వేరియంట్ అయినా రూ. 9.17 లక్షలకే దొరుకుతుంది. ప్రస్తుతం మార్కెట్లో లభించే అత్యంత చవకైన ఆటోమేటిక్ 7 సీటర్ MPV ఇదే.
2. మూడో వరుస సీట్లలోనూ విశాలమైన స్పేస్
- సబ్-4 మీటర్లలో వచ్చినా, ట్రైబర్ మూడో వరుస సీట్లలో మంచి హెడ్రూమ్, సరైన కంఫర్ట్ ఇస్తుంది.
- సీట్లు అడ్జస్టబుల్ హెడ్రెస్టులతో వస్తాయి.
- వాడకంలో లేనప్పుడు ఆ సీట్లు తీయగలిగేలా ఉంటాయి, అప్పుడు బూట్స్పేస్ 625 లీటర్ల వరకు పెరుగుతుంది.
- అదనంగా CNG ఫిట్మెంట్ ఆప్షన్ కూడా ఉండటం వల్ల విస్తృతంగా వాడుకోగల వినియోగదారులకు ఇది సరిగ్గా సరిపోతుంది.
3. ఫీచర్లు & సేఫ్టీ
- 6 ఎయిర్బ్యాగ్స్, ABS, EBD, TPMS, Isofix, 3-పాయింట్ సీటు బెల్టులు - ఇవన్నీ స్టాండర్డ్గా వస్తాయి.
- మిడ్ ట్రిమ్ (Techno) నుంచే సరైన ఫీచర్లు లభిస్తాయి:
- 15 అంగుళాల వీల్స్, ప్రొజెక్టర్ హెడ్లాంప్స్
- ఎలక్ట్రిక్ ORVM అడ్జస్ట్మెంట్
- 8 అంగుళాల టచ్స్క్రీన్ (Android Auto, Apple CarPlay సపోర్ట్తో)
- స్టీరింగ్ మౌంటెడ్ కంట్రోల్స్, కూల్డ్ సెంటర్ కన్సోల్
- రెండో వరుసలో 12V చార్జింగ్ సాకెట్.
- అంటే, బేస్ వేరియంట్ సింపుల్గానే ఉన్నా, మిడ్-రేంజ్ మోడల్స్ ఫీచర్లు, సేఫ్టీ రెండింటిలోనూ బాగా బలంగా ఉంటాయి.
రెనాల్ట్ ట్రైబర్లో ఉన్న పరిమితులు
1. ఇంజిన్ పరిమితి
- కేవలం ఒకే ఇంజిన్ ఆప్షన్: 72hp, 1.0 లీటర్ 3-సిలిండర్ నేచురల్లీ ఆస్పిరేటెడ్ పెట్రోల్.
- అవుట్పుట్ తక్కువగా ఉండటం వల్ల పూర్తి లోడ్తో నడిపేటప్పుడు, లేదా ఎత్తైన రోడ్లపై డ్రైవింగ్ చేస్తే ఇంజిన్ను బాగా వర్క్ చేయించాల్సి ఉంటుంది.
- టర్బో-పెట్రోల్ ఆప్షన్ లేకపోవడం దీని పెద్ద లోపం.
- 5-స్పీడ్ మాన్యువల్ స్టాండర్డ్, AMT మాత్రం కేవలం టాప్ వేరియంట్లోనే ఉంటుంది.
2. ఇంటీరియర్ క్వాలిటీ
- డాష్బోర్డ్, డోర్ ట్రిమ్స్లో ఎక్కువ భాగం హార్డ్ ప్లాస్టిక్స్తో తయారైంది.
- SUV స్టైల్ డాష్బోర్డ్ (Kiger తరహాలో) డిజైన్ బాగానే ఉన్నా, సాఫ్ట్-టచ్ మెటీరియల్స్ ఉంటే మరింత ప్రీమియం ఫీల్ వచ్చేది.
- అయినప్పటికీ, చవక ధరను దృష్టిలో పెట్టుకుంటే ఇది పెద్ద మైనస్ కాకపోవచ్చు.
ఫైనల్గా...
రెనాల్ట్ ట్రైబర్ ధర పరంగా అద్భుతమైన 7 సీటర్ ఆప్షన్.
తక్కువ బడ్జెట్లో 7 సీటర్ కావాలనుకునేవారికి ఇది సరైన ఎంపిక.
సేఫ్టీ ఫీచర్లు బాగున్నాయి, స్పేస్ కూడా బాగా అందిస్తుంది.
అయితే, శక్తివంతమైన ఇంజిన్, ప్రీమియం ఇంటీరియర్ కోరుకునే వారికి ఇది పూర్తిగా తృప్తి ఇవ్వకపోవచ్చు.
మొత్తానికి, ఫ్యామిలీ-ఫ్రెండ్లీ, బడ్జెట్ MPV కావాలనుకుంటే ట్రైబర్ మంచి ఎంపిక. కానీ ఎక్కువ పవర్, లగ్జరీ ఫీలింగ్ కావాలనుకుంటే ఎర్టిగా లేదా కారెన్స్ వైపు చూడడం మంచిది.
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
