బడ్జెట్ రేంజ్లో స్టైలిష్గా ఎంట్రీకి సిద్ధమైన Renault Kwid Facelift వెర్షన్, ధర దాదాపు రూ. 4 లక్షలు
Renault, త్వరలో భారత మార్కెట్లో Kwid Facelift ను లాంచ్ చేయనుంది. సుమారు ₹4 లక్షల ధరతో, ఈ కారులో స్టైలిష్ డిజైన్, కొత్త టచ్స్క్రీన్ & అప్డేటెడ్ ఫీచర్లు ఉంటాయి.
Renault Kwid Facelift Launch Price Updated Features: కొత్త GST అమలు (New GST 2025) తర్వాత, రెనాల్ట్ క్విడ్ ప్రారంభ ఎక్స్-షోరూమ్ ధర రూ. 4,29,900 కు తగ్గింది. రాబోయే క్విడ్ ఫేస్లిఫ్ట్ కూడా దాదాపు ఇదే ధర పరిధిలో విడుదల కానుంది. ఈ కారు Maruti Alto K10, Maruti S-Presso, Maruti Celerio & Tata Tiago వంటి బడ్జెట్ రేటు హ్యాచ్బ్యాక్లతో పోటీ పడుతుంది.
రెనాల్ట్ క్విడ్ ఫేస్లిఫ్ట్ డిజైన్ & ఫీచర్లు
కొత్త డిజైన్
రెనాల్ట్ క్విడ్ ఫేస్లిఫ్ట్ డిజైన్ను, యూరప్లో ఎక్కువగా అమ్ముడవుతున్న డాసియా స్ప్రింగ్ ఈవీ (Dacia Spring EV) నుంచి ప్రేరణతో రూపొందించారు. ఈ కారు ముందు భాగంలో Y ఆకారపు LED DRLs (డేటైమ్ రన్నింగ్ లైట్స్) & పెంటగోనల్ హాలోజన్ హెడ్ల్యాంప్లు ఉంటాయి. క్లోజ్డ్ గ్రిల్ డిజైన్, స్క్వేర్ వీల్ ఆర్చ్లు & మందపాటి బాడీ క్లాడింగ్ ఈ కారు కొత్త రూపాన్ని బాగా మెరుగ్గా చూపిస్తాయి. డాసియా స్ప్రింగ్ EVలో ఉన్న మాదిరిగానే కొత్త స్టీల్ వీల్ కవర్లు కూడా అందిస్తారు. వెనుక భాగంలో Y ఆకారపు టెయిల్ ల్యాంప్లు & మధ్యలో రెనాల్ట్ లోగో ఉంటాయి, ఇవి కారును వెనుక వైపు నుంచి మరింత ప్రీమియంగా కనిపించేలా చేస్తాయి.
ఇంటీరియర్ & ఫీచర్లు
రెనాల్ట్ క్విడ్ ఫేస్లిఫ్ట్ క్యాబిన్లో కూడా అనేక మార్పులు ఉంటాయి. ఇందులో పెద్ద 10-అంగుళాల టచ్స్క్రీన్ ఇన్ఫోటైన్మెంట్ సిస్టమ్, కొత్త 7-అంగుళాల డిజిటల్ ఇన్స్ట్రుమెంట్ క్లస్టర్ & నవీకరించబడిన స్టీరింగ్ వీల్ డిజైన్ ఉంటాయి. డ్యూయల్-టోన్ ఇంటీరియర్ & ఆధునిక లక్షణాలు దాని ఇంటీరియర్ రూపాన్ని మరింత మెరుగుపరుస్తాయి. అయితే, ప్రొడక్షన్ మోడల్లో 10-అంగుళాల స్క్రీన్ అందుబాటులో ఉంటుందా లేదా అనేది లాంచ్ తర్వాత మాత్రమే స్పష్టంగా తెలుస్తుంది.
ఇంజిన్ & పవర్
రెనాల్ట్ క్విడ్ ఫేస్లిఫ్ట్ను ICE వేరియంట్గా అందిస్తే, అది ఇప్పటికే ఉన్న 1.0 లీటర్ పెట్రోల్ ఇంజిన్ ద్వారా శక్తిని పొందే అవకాశం ఉంది. ఈ ఇంజిన్ 69 PS పవర్ & 92.5 Nm టార్క్ ఉత్పత్తి చేస్తుంది. ట్రాన్స్మిషన్ ఎంపికలలో 5-స్పీడ్ మాన్యువల్ & 5-స్పీడ్ AMT ఉన్నాయి.
రెనాల్ట్ క్విడ్కు CNG ఆప్షన్ కూడా అందుబాటులో ఉంది, కానీ దీనిని ఫ్యాక్టరీలో అమర్చడం లేదు. ప్రభుత్వం ఆమోదించిన కిట్ను డీలర్ స్థాయిలో ఇన్స్టాల్ చేస్తారు. CNG కిట్ ధర దాదాపు రూ. 75,000.
ఆంధ్రప్రదేశ్ & తెలంగాణలో ధర
తెలుగు రాష్ట్రాల్లో, రెనాల్ట్ క్విడ్ ప్రారంభ ఎక్స్-షోరూమ్ ధర రూ. 4.30 లక్షలు. దీని రిజిస్ట్రేషన్ కోసం దాదాపు రూ. 60,000, ఇన్సూరెన్స్ కోసం దాదాపు రూ. 24,000, ఇతర అవసరమైన ఖర్చులు చెల్లించిన తర్వాత.. రెనాల్ట్ క్విడ్ ప్రారంభ ఆన్-రోడ్ ధర దాదాపు రూ. 5.14 లక్షలు అవుతుంది.
కొత్త రెనాల్ట్ క్విడ్ ఫేస్లిఫ్ట్ 2025 విలాసవంతమైన డిజైన్ & ఆధునిక లక్షణాలతో, అత్యంత అందుబాటు విభాగంలో గణనీయమైన మార్పును తీసుకురాగలదు. సుమారు ₹4.30 లక్షల ప్రారంభ ధరతో, ఇది తెలుగు ప్రజలకు స్టైలిష్ & బడ్జెట్-ఫ్రెండ్లీ ఆప్షన్గా నిలుస్తుంది.
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
