MG Majestor SUV Launched: ఎమ్జీ మెజస్టర్ ఎస్‌యూవీ లాంచ్: టయోటా ఫార్చూనర్‌కు గట్టి పోటీగా వచ్చిన సరికొత్త ఫ్లాగ్‌షిప్ మోడల్.. 

ఎమ్జీ మోటార్ ఇండియా సరికొత్త లగ్జరీ ఫ్లాగ్‌షిప్ మోడల్ ఎమ్జీ మెజస్టర్ ఎస్‌యూవీని అదిరిపోయే ఆఫ్ రోడింగ్ ఫీచర్లతో భారత మార్కెట్లోకి రిలీజ్ చేసింది.

ఎమ్జీ మెజస్టర్ ఎస్‌యూవీ

Source : twitter

Show Quick Read

Key points generated by AI, verified by newsroom

• MG Majestor SUV భారత మార్కెట్లోకి, ధర రూ. 40.99 లక్షల నుండి ప్రారంభం.
• రూ. 41,000 టోకెన్ మొత్తంతో ప్రీ-బుకింగ్స్, తొలి 3000 మందికి ప్రత్యేక ఆఫర్లు.
• 2.0 లీటర్ ట్విన్-టర్బో డీజిల్ ఇంజిన్, 8-స్పీడ్ ఆటోమేటిక్ ట్రాన్స్మిషన్.
• లగ్జరీ ఇంటీరియర్స్, 12.3-అంగుళాల టచ్‌స్క్రీన్, ADAS ఫీచర్లు అందుబాటులో.

MG Majestor SUV Launched In India Check Price Specifications Features: ఎమ్జీ మోటార్ ఇండియా (MG Motor India) తన మోస్ట్ అవేటెడ్ లగ్జరీ కార్ ఎమ్జీ మెజస్టర్ (MG Majestor) ఎస్‌యూవీని భారత మార్కెట్లో అఫీషియల్‌గా లాంచ్ చేసింది. ఈ సరికొత్త ప్రీమియం మోడల్ 4x2 ఏటీ వేరియంట్ ధర ఎక్స్-షోరూమ్ వద్ద రూ. 40.99 లక్షలుగా ఉండగా, టాప్ ఎండ్ 4x4 ఏటీ వేరియంట్ ధర రూ. 44.99 లక్షలుగా కంపెనీ నిర్ణయించింది. ఎమ్జీ పోర్ట్‌ఫోలియోలోనే ఐసీఈ (ఇంటర్నల్ కంబషన్ ఇంజన్) విభాగంలో ఇది అత్యంత ఖరీదైన ఫ్లాగ్‌షిప్ ఎస్‌యూవీగా నిలిచింది. మార్కెట్లో ఇది టయోటా ఫార్చూనర్, స్కోడా కొడియాక్, జీప్ మెరిడియన్, ఇసుజు ఎమ్‍యూ-ఎక్స్ వంటి పాపులర్ మోడళ్లకు గట్టి పోటీ ఇవ్వనుంది.

రూ. 41,000 టోకెన్ అమౌంట్‌తో బుకింగ్స్.. 

ఈ పవర్‌ఫుల్ ఎస్‌యూవీకి సంబంధించిన ప్రీ-బుకింగ్స్ ఇప్పటికే ప్రారంభమయ్యాయి. ఇంట్రెస్ట్ ఉన్న కస్టమర్లు ఆన్‌లైన్ లో లేదా తమకు దగ్గరలోని ఎమ్జీ డీలర్‌షిప్‌ను విజిట్ చేసి రూ. 41,000 టోకెన్ అమౌంట్ చెల్లించి బుక్ చేసుకోవచ్చు. ఫస్ట్ బుక్ చేసుకునే 3,000 మంది కస్టమర్ల కోసం కంపెనీ ఒక స్పెషల్ కాంప్లిమెంటరీ ప్యాకేజీని అనౌన్స్ చేసింది. దీని కింద ఐదేళ్ల అన్‌లిమిటెడ్ కిలోమీటర్ల వారంటీ, ఐదేళ్ల రోడ్‌సైడ్ అసిస్టెన్స్, ఐదేళ్ల పాటు లేబర్-ఫ్రీ సర్వీస్ కాంట్రాక్ట్‌ను కస్టమర్లు ఉచితంగా పొందుతారు.

పవర్‌ఫుల్ ట్విన్ టర్బో డీజిల్ ఇంజన్..

ఈ మెజస్టర్ ఎస్‌యూవీలో 215 హెచ్‌పీ పవర్, 479 ఎన్ఎమ్ టార్క్‌ను జనరేట్ చేసే 2.0 లీటర్ ట్విన్-టర్బో డీజిల్ ఇంజన్‌ను అమర్చారు. ఇది జెడ్ఎఫ్ (ZF) 8-స్పీడ్ ఆటోమేటిక్ ట్రాన్స్‌మిషన్‌తో పేర్ అప్ అయి వస్తుంది. అడ్వాన్స్‌డ్ ఆఫ్ రోడింగ్ కోసం ఇందులో ప్రత్యేకమైన 4x4 సిస్టమ్‌తో పాటు 'ఎమ్-హబ్' (M-Hub) ఆల్-టెర్రైన్ మేనేజ్‌మెంట్ సాఫ్ట్‌వేర్ ఇచ్చారు. ఇది 10 రకాల డ్రైవ్ మోడ్స్ ఆఫర్ చేస్తుంది. కఠినమైన దారుల్లో ఈజీగా వెళ్లేందుకు ఎమ్-క్రాన్ (M-Crawl) ఫంక్షన్, త్రీ డిఫరెన్షియల్ లాక్స్ ఉన్నాయి. దీని వాటర్ వేడింగ్ కెపాసిటీ (నీటిలో ప్రయాణించే సామర్థ్యం) 810 మిమీ వరకు ఉండటం విశేషం.

లగ్జరీ ఇంటీరియర్ క్యాబిన్.. 

డిజైన్ పరంగా ఫ్రంట్ సైడ్ మ్యాట్రిక్స్ స్టైల్ గ్రిల్, ఫాల్కన్ ఇన్‌స్పైర్డ్ డీఆర్‌ఎల్స్, స్ప్లిట్ హెడ్‌ల్యాంప్స్ ఉన్నాయి. సైడ్ ప్రొఫైల్ లో 19-ఇంచ్ అల్లాయ్ వీల్స్, వెనుక వైపు కనెక్టెడ్ ఎల్ఈడీ టెయిల్ లైట్స్ కారుకు ప్రీమియం లుక్‌ను ఇస్తున్నాయి. ఇంటీరియర్ డ్యాష్‌బోర్డ్ పియానో-బ్లాక్ ట్రిమ్, సిల్వర్ యాక్సెంట్స్ తో లగ్జరీగా రీడిజైన్ అయింది. క్యాబిన్ లో 12.3-ఇంచ్ టచ్‌స్క్రీన్ ఇన్ఫోటైన్‌మెంట్, ఐ-స్మార్ట్ 2.0 కనెక్టెడ్ టెక్నాలజీ, 12-స్పీకర్ జేబీఎల్ (JBL) సౌండ్ సిస్టమ్, మసాజ్ ఫంక్షన్ ఉన్న వెంటిలేటెడ్ సీట్లు, పనోరమిక్ సన్‌రూఫ్ ఉన్నాయి. సేఫ్టీ కోసం లెవెల్ 2 అడాస్ (ADAS), 360 డిగ్రీ కెమెరా, ఆరు ఎయిర్‌బ్యాగ్స్ లభిస్తున్నాయి.

మరిన్ని చదవండి

హీరో సూపర్ స్ప్లెండర్ ఎక్స్‌టెక్ 2.0 లాంచ్: సరికొత్త డిజైన్, మైలేజ్ ఫీచర్లతో వచ్చిన అప్‌డేటెడ్ బైక్

ఇండియాలో ఈ100 ఇంధన విప్లవం - క్లీనర్ మొబిలిటీ దిశగా అడుగులు.. ఫ్లెక్స్ ఫ్యూయల్ వాహనాలకు కొత్త బూస్ట్