మారుతి కారు కొనాలనుకుంటున్నారా? ఈ నెలలో రూ.2.10 లక్షల వరకు భారీ డిస్కౌంట్లు!
మారుతి సుజుకి, నెక్సా కార్లపై భారీ డిస్కౌంట్లు ప్రకటించింది. Invictoపై రూ.2.10 లక్షల వరకు, Grand Vitaraపై రూ.95 వేల వరకు & ఇతర మోడళ్లపై ఆకర్షణీయమైన ఆఫర్లు అందుబాటులో ఉన్నాయి.
Maruti Cars July 2026 Offers: జులై నెలలో కొత్త కారు కొనుగోలు చేయాలని భావిస్తున్న వారికి మారుతి సుజుకి గుడ్ న్యూస్ చెప్పింది. ప్రీమియం నెక్సా (Nexa) శ్రేణిలో కొన్ని మోడళ్లపై భారీ డిస్కౌంట్లు ప్రకటించింది. మోడల్ను బట్టి నగదు తగ్గింపు, ఎక్స్ఛేంజ్ బోనస్, స్క్రాపేజ్ బోనస్, లాయల్టీ బోనస్ & కార్పొరేట్ బెనిఫిట్స్ను అందిస్తోంది. అయితే ఎక్స్ఛేంజ్ & స్క్రాపేజ్ బెనిఫిట్స్ రెండింటినీ ఒకేసారి పొందే అవకాశం లేదు. అలాగే లాయల్టీ బోనస్ ఇప్పటికే మారుతి కారు కలిగినవాళ్లకు మాత్రమే వర్తిస్తుంది.
ఈ నెలలో అత్యధిక ప్రయోజనం Maruti Invicto కొనుగోలుదారులకు లభిస్తోంది. ఈ ప్రీమియం MPVపై మొత్తం రూ.2.10 లక్షల వరకు బెనిఫిట్స్ను కంపెనీ అందిస్తోంది. ఇందులో రూ.50 వేల వరకు నగదు తగ్గింపు, రూ.1 లక్ష వరకు ఎక్స్ఛేంజ్ బోనస్, రూ.50 వేల లాయల్టీ బోనస్ & రూ.10 వేల కార్పొరేట్ బెనిఫిట్ ఉన్నాయి. ప్రస్తుతం Invicto ధర రూ.24.97 లక్షల నుంచి రూ.28.60 లక్షల వరకు ఉంది.
Maruti Grand Vitaraపై కూడా భారీ ఆఫర్లు అందుబాటులో ఉన్నాయి. Sigma పెట్రోల్ MT వేరియంట్పై గరిష్టంగా రూ.95 వేల వరకు ప్రయోజనాలు లభిస్తున్నాయి. Delta పెట్రోల్ వేరియంట్పై రూ.85 వేల వరకు బెనిఫిట్స్ ఉన్నాయి. Zeta & Alpha పెట్రోల్ వేరియంట్లపై రూ.25 వేల నగదు తగ్గింపుతో పాటు ఉచితంగా 5 సంవత్సరాల ఎక్స్టెండెడ్ వారంటీని కంపెనీ అందిస్తోంది.
ఇది కూడా చదవండి: భారత్లోకి Volkswagen Tayron కొత్త వేరియంట్ రాక ఖరారు - తక్కువ ధరతో అదిరే ఫీచర్లు!
Grand Vitara స్ట్రాంగ్ హైబ్రిడ్ వేరియంట్లపై జీరో రోడ్ ట్యాక్స్ బెనిఫిట్తో పాటు 5 సంవత్సరాల ఎక్స్టెండెడ్ వారంటీ, రూ.50 వేల వరకు ఎక్స్ఛేంజ్ బోనస్, రూ.30 వేల అప్గ్రేడ్ లాయల్టీ బోనస్ & రూ.10 వేల కార్పొరేట్ బెనిఫిట్ కూడా లభిస్తున్నాయి. Delta CNG & Zeta CNG వేరియంట్లపై మొత్తం రూ.90 వేల వరకు ప్రయోజనాలు ఉన్నాయి. Grand Vitara ధర ప్రస్తుతం రూ.10.76 లక్షల నుంచి రూ.19.72 లక్షల వరకు ఉంది.
ఆఫ్ రోడ్ ప్రియులకు నచ్చే Maruti Jimnyపై కూడా కంపెనీ రూ.45 వేల వరకు నగదు తగ్గింపును కొనసాగిస్తోంది. అన్ని వేరియంట్లపై ఈ ఆఫర్ వర్తిస్తుంది. Jimny ధర రూ.12.39 లక్షల నుంచి రూ.14.52 లక్షల వరకు ఉంది.
కుటుంబ అవసరాలకు అనువైన Maruti XL6పై రూ.45 వేల వరకు ఆఫర్లు అందుబాటులో ఉన్నాయి. ఇందులో రూ.20 వేల వరకు నగదు తగ్గింపుతో పాటు రూ.25 వేల వరకు స్క్రాపేజ్ బోనస్ లభిస్తోంది. ఈ ఆఫర్ పెట్రోల్ & CNG వేరియంట్లకు వర్తిస్తుంది. XL6 ధర రూ.11.57 లక్షల నుంచి రూ.14.52 లక్షల వరకు ఉంది.
ఇది కూడా చదవండి: 1200 కిలోమీటర్ల రేంజ్తో అదిరిపోయే ఫీచర్స్తో వస్తున్న SUVలు!
ప్రీమియం హ్యాచ్బ్యాక్ Maruti Baleno కొనుగోలుదారులకు కూడా కంపెనీ ఆకర్షణీయమైన ఆఫర్లు అందిస్తోంది. పెట్రోల్ మాన్యువల్ & AMT వేరియంట్లపై రూ.40 వేల వరకు బెనిఫిట్స్ ఉన్నాయి. CNG వేరియంట్లపై రూ.35 వేల వరకు ప్రయోజనాలు లభిస్తున్నాయి. Baleno ధర రూ.5.99 లక్షల నుంచి ప్రారంభమై రూ.9.17 లక్షల వరకు ఉంటుంది.
కాంపాక్ట్ క్రాస్ఓవర్ Maruti Fronxపై గరిష్టంగా రూ.25 వేల వరకు ప్రయోజనాలు లభిస్తున్నాయి. టర్బో పెట్రోల్ వేరియంట్లపై రూ.10 వేల నగదు తగ్గింపు & రూ.15 వేల స్క్రాపేజ్ బోనస్ అందిస్తున్నారు. నేచురల్లీ ఆస్పిరేటెడ్ పెట్రోల్ & CNG వేరియంట్లపై నగదు తగ్గింపు లేకపోయినా రూ.15 వేల వరకు స్క్రాపేజ్ బోనస్ అందుబాటులో ఉంది. Fronx ధర రూ.6.85 లక్షల నుంచి రూ.11.84 లక్షల వరకు ఉంది.
కొత్త Maruti కారు కొనుగోలు చేయాలని భావిస్తున్న వారికి జూలై నెల మంచి అవకాశం. ముఖ్యంగా Grand Vitara, Invicto వంటి ప్రీమియం మోడళ్లపై భారీ డిస్కౌంట్లు అందుబాటులో ఉండటంతో కొనుగోలుదారులు పెద్ద మొత్తంలో డబ్బును ఆదా చేసుకునే అవకాశం ఉంది. నగరాన్ని బట్టి & స్టాక్ లభ్యతను బట్టి ఆఫర్లలో మార్పులు ఉండే అవకాశం ఉంది, కొనే ముందు మీ సమీప Nexa డీలర్ను సంప్రదించడం మంచిది.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
