Alto Vs Celerio Vs WagonR: ఆల్టో, సెలెరియో, వ్యాగన్ఆర్ - మూడు కార్లలో ఏది బెస్ట్?

Maruti Suzuki Mileage: మారుతి సుజుకి మనదేశంలో విక్రయిస్తున్న చవకైన కార్లలో ఆల్టో, సెలెరియో, వ్యాగన్ ఆర్ ముందంజలో ఉంటారు. వీటిలో ఏది బెస్ట్ ఆప్షన్?

బెస్ట్ మారుతి కారు ఏది

Source : Maruti Suzuki

Maruti Suzuki Affordable Cars Mileage: తక్కువ ధర కార్ల విషయానికి వస్తే మారుతి సుజుకి కార్ల పేరు అగ్రస్థానంలో ఉంటుంది. కంపెనీ కార్లు చవకైన ధరతో పాటు మంచి మైలేజీని కూడా ఇవ్వడం వల్ల చాలా మంది ఇష్టపడతారు. మీరు చాలా కాలంగా తక్కువ ధరలో మారుతి కారును కొనుగోలు చేయాలని ప్లాన్ చేసుకుంటూ ఏ కార్లు మంచి మైలేజీని ఇస్తాయో అనే అయోమయంలో ఉంటే ఇక్కడ మీకు మూడు బెస్ట్ ఆప్షన్‌ల గురించి తెలుసుకుందాం.

మారుతి ఆల్టో కే10 (Maruti Alto K10)
భారత మార్కెట్లో ఏదైనా కారు చవక అని అంటే అది మారుతి ఆల్టో కే10. ఆల్టో ఎక్స్ షోరూమ్ ధర రూ. 3.99 లక్షల నుంచి మొదలై రూ. 5.96 లక్షల వరకు ఉంది. మైలేజీ గురించి చెప్పాలంటే ఆల్టో కే10 పెట్రోల్ వేరియంట్ లీటరుకు 24.39 నుంచి 24.90 కిలోమీటర్ల మైలేజీని ఇస్తుంది. సీఎన్‌జీ వేరియంట్ కిలోగ్రాముకు 33.40 నుంచి 33.85 కిలోమీటర్ల మైలేజీని ఇస్తుంది.

కంపెనీ మారుతి సుజుకి ఆల్టో కే10లో 1.0 లీటర్ 3 సిలిండర్ ఇంజన్‌ను అందించింది. ఈ ఇంజన్ గరిష్టంగా 66 బీహెచ్‌పీ పవర్‌తో 89 ఎన్ఎం గరిష్ట టార్క్‌ను ఉత్పత్తి చేస్తుంది. దీంతో పాటు ఇది 5 స్పీడ్ మాన్యువల్ లేదా ఏఎంటీ గేర్‌బాక్స్‌తో పెయిర్ అయి ఉంటుంది. ఈ కారులో సీఎన్‌జీ ఆప్షన్ కూడా అందుబాటులో ఉంది.

మారుతి సుజుకి సెలెరియో (Maruti Suzuki Celerio)
ఈ కాంపాక్ట్ హ్యాచ్‌బ్యాక్ కారు 1.0 లీటర్ పెట్రోల్ ఇంజన్‌ను కలిగి ఉంది. ఇది 67 పీఎస్ పవర్, 89 ఎన్ఎం టార్క్‌ను ఉత్పత్తి చేస్తుంది. ఇది 5 స్పీడ్ మాన్యువల్ ట్రాన్స్‌మిషన్, 5 స్పీడ్ ఏఎంటీ ట్రాన్స్‌మిషన్‌ను పొందుతుంది. దాని సీఎన్‌జీ వెర్షన్‌లో ఈ ఇంజన్ 5 స్పీడ్ మాన్యువల్ ట్రాన్స్‌మిషన్‌తో మాత్రమే వస్తుంది. 56.7 పీఎస్ పవర్, 82 ఎన్ఎం టార్క్‌ను జనరేట్ చేస్తుంది. ఇందులో 60 లీటర్ సీఎన్‌జీ ట్యాంక్ అందుబాటులో ఉంది.

మారుతి సెలెరియో పెట్రోల్ వేరియంట్ లీటరుకు దాదాపు 26 కిలోమీటర్ల మైలేజీని ఇస్తుంది. అయితే సీఎన్‌జీ వేరియంట్ కిలోగ్రాముకు 34 కిలోమీటర్ల మైలేజీని ఇస్తుంది. ఇది యాపిల్ కార్ ప్లే, ఆండ్రాయిడ్ ఆటో, ఏసీ వెంట్స్, మ్యూజిక్ కంట్రోల్‌తో కూడిన 7 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ వంటి ఫీచర్లను కలిగి ఉంది.

మారుతి సుజుకి వ్యాగన్ఆర్ (Maruti Suzuki WagonR)
కంపెనీ మారుతి సుజుకి వ్యాగన్ఆర్‌లో 998 సీసీ ఇంజన్‌ను అందించింది. ఈ ఇంజన్ గరిష్టంగా 55.92 బీహెచ్‌పీ పవర్‌తో 89 ఎన్ఎం పీక్ టార్క్‌ను ఉత్పత్తి చేస్తుంది. అలాగే ఈ కారులో మాన్యువల్ లేదా ఆటోమేటిక్ ట్రాన్స్‌మిషన్ ఆప్షన్ ఉంటుంది. కంపెనీ తెలుపుతున్న దాని ప్రకారం ఈ కారు దాదాపు 23 కిలోమీటర్ల మైలేజీని ఇస్తుంది. అలాగే ఈ కారు సీఎన్‌జీ వేరియంట్ కూడా మార్కెట్లో అందుబాటులో ఉంది.

మారుతి సుజుకి వ్యాగన్ఆర్ ఎక్స్ షోరూమ్ ధర రూ. 5.54 లక్షల నుంచి మొదలై రూ. 7.33 లక్షల వరకు ఉంటుంది. అలాగే మార్కెట్‌లో, ఈ కారు హ్యుందాయ్ గ్రాండ్ ఐ10 నియోస్, టాటా టియాగో, రెనో క్విడ్ వంటి వాహనాలకు ప్రత్యక్ష పోటీని ఇస్తుంది.