Maruti Fronx Flex: మారుతి ఫ్రాంక్స్‌కు బూస్టులా మారిన కొత్త స్పెషల్ టెక్నాలజీ! నిర్వహణ ఖర్చులు భారీగా తగ్గింపు!

Maruti Fronx Flex: కొత్త ఫ్రాంక్స్ E85 FFV, గతంలో మారుతి సుజుకి వ్యాగన్ఆర్ ఫ్లెక్స్ ఫ్యూయల్ కాన్సెప్ట్ మోడల్‌లో కనిపించిన 1.2-లీటర్ పెట్రోల్ ఇంజిన్, అప్‌డేట్ చేసిన వెర్షన్‌తో పనిచేస్తుంది.

మారుతి ఫ్రాంక్స్‌కు బూస్టులా మారిన కొత్త స్పెషల్ టెక్నాలజీ! నిర్వహణ ఖర్చులు భారీగా తగ్గింపు!

Source : X.com

Show Quick Read

Key points generated by AI, verified by newsroom

Maruti Fronx Flex: ఈ సంవత్సరం మారుతి సుజుకి రెనాల్ట్‌కు చాలా ముఖ్యమైంది. ఈ కాంపాక్ట్ SUV కొత్త E85 FFV (ఫ్లెక్స్-ఫ్యూయల్ వెహికల్) మోడల్‌ను కంపెనీ త్వరలో విడుదల చేయనుంది. ఈ కారు అత్యంత ముఖ్యమైన లక్షణం ఏమిటంటే ఇది 85 శాతం ఇథనాల్, 15 శాతం పెట్రోల్ మిశ్రమంతో నడపగలదు. ఇది నిర్వహణ ఖర్చులను తగ్గించవచ్చు. పెట్రోల్‌పై ఆధారపడటాన్ని తగ్గించవచ్చు. ఈ సంవత్సరం ఈ కొత్త SUVని మార్కెట్లోకి ప్రవేశపెట్టడానికి కంపెనీ సన్నాహాలు చేస్తోంది. 

కొత్త మారుతి ఫ్రాంక్స్ ఎలా ఉంటుంది?

కొత్త ఫ్రాంక్స్ E85 FFV 1.2-లీటర్ పెట్రోల్ ఇంజిన్ అప్‌డేట్ చేసిన వెర్షన్ ద్వారా శక్తిని పొందుతుంది. మారుతి సుజుకి వ్యాగన్ఆర్ ఫ్లెక్స్ ఫ్యూయల్ కాన్సెప్ట్ మోడల్‌లో ఇలాంటి ఇంజిన్ గతంలో కనిపించింది. అయితే, కంపెనీ ఇంకా పూర్తి శక్తి, టార్క్ గణాంకాలను అందించలేదు. ఈ ఇంజిన్ E85 ఇంధనం కోసం రూపొందంచినట్టు చెబుతున్నారు. దీని ఫలితంగా కాలుష్యం తగ్గుతుంది. ఇంధన సామర్థ్యం పెరుగుతుంది. సాంప్రదాయ పెట్రోల్ ఇంజిన్ల కంటే ఎక్కువ మన్నికైనవి, సమర్థవంతమైనవిగా మారనున్నాయి. 

E85 ఫ్లెక్స్-ఫ్యూయల్ టెక్నాలజీ అంటే కారు 85 శాతం ఇథనాల్,15 శాతం గ్యాసోలిన్ మిశ్రమంతో సజావుగా నడిచేలా రూపొందించారు. దీనికి వాహనం ఇంధన వ్యవస్థలో నిర్దిష్ట మార్పులు అవసరం. E85 ఇంధనం సుమారు 100 నుంచి 110 వరకు ఆక్టేన్ రేటింగ్‌ను కలిగి ఉంది, ఇది స్మూత్‌ ఇంజిన్ పనితీరు మెరుగైన శక్తిని అనుమతిస్తుంది. కార్బన్ ఉద్గారాలను  ఇంజిన్ అరుగుదలను తగ్గిస్తుంది.

డిజైన్ -ఫీచర్లు

డిజైన్ -ఫీచర్ల పరంగా, కొత్త ఫ్రాంక్స్ E85 FFV ప్రస్తుత ఫ్రాంక్స్ లాగానే దాని మోడల్‌ను నిలుపుకుంటుంది. ఇది వేవ్-స్టైల్ గ్రిల్, పదునైన LED DRLలు, ముందు భాగంలో ప్రొజెక్టర్ హెడ్‌ల్యాంప్‌లను కలిగి ఉంటుంది. జియోమెట్రికల్‌గా రూపొందించిన అల్లాయ్ వీల్స్ దీనితో పాటు ఉంటాయి. వెనుక భాగంలో కనెక్ట్ ేసిన LED టెయిల్‌ల్యాంప్‌లు SUVకి ఆధునిక రూపాన్ని ఇస్తాయి. లోపల, కారు డ్యూయల్-టోన్ డాష్‌బోర్డ్, పెద్ద టచ్‌స్క్రీన్ ఇన్ఫోటైన్‌మెంట్ సిస్టమ్, స్మార్ట్‌ఫోన్ కనెక్టివిటీని కలిగి ఉంటుంది.

మరిన్ని చదవండి

Tata Nexon లేదా Maruti Brezza .. EMI కట్టడంలో ఏ కారు చౌక? ఈ విషయాలు తెలుసుకోండి

30 లక్షల మైల్ స్టోన్ ని దాటిన మారుతి సుజుకి డిజైర్.. దీని ఫీచర్లు, ధర, మైలేజీ వివరాలు