2026 New Ev Car, Facelift Launches in India: 2026లో రాబోయే ఈవీ కార్, ఫేస్ లిఫ్ట్ మోడళ్లివే.. కార్ లవర్స్ ఎంతోకాలంగా ఎదురు చూస్తున్న అప్ డేట్ డీటైల్స్..
వచ్చే ఏడాది చేయబోయే లాంఛ్ లో ఈవీ కార్లతోపాటు ఫేస్ లిఫ్టులు ప్రముఖ పాత్ర పోషిస్తున్నాయి. కార్ లవర్స్ చాలా కాలంగా ఎదురు చూస్తున్న ఫేస్ లిఫ్టులు వచ్చే ఏడాది లాంచ్ అవనున్నట్లు సమాచారం.
2026 New Ev Car, Facelift Models Latest News: 2026లో భారత మార్కెట్ను ఆకర్షించనున్న టాప్ 10 కార్లలో హోండా ఎలక్ట్రిక్ ఎస్యూవీ , మూడు ఫేస్లిఫ్ట్ మోడళ్ల వివరాలు తెలుసుకుందాం. హోండా ఎలక్ట్రిక్ ఎస్యూవీ (Honda Electric SUV), హోండా సంస్థ పూర్తిగా భారతదేశంలో రూపొందించిన ఎలక్ట్రిక్ ఎస్యూవీ ఇది కావడం విశేషం. ఇది భారతదేశంలోనే కాకుండా జపాన్ వంటి మార్కెట్లకు కూడా ఎగుమతి అయ్యే అవకాశం ఉంది. ఈ మోడల్ విడుదల వివరాలు ఇంకా స్పష్టంగా లేనప్పటికీ, నవంబర్లో టోక్యో మోటార్ షోలో హోండా దీనిపై ఒక స్పష్టమైన ప్రకటన చేయనుంది. దీని ధర సుమారు ₹13-20 లక్షల మధ్య ఉండే అవకాశం ఉంది.
ఈ కొత్త ఎలక్ట్రిక్ కారులో పర్ఫార్మెన్స్, స్పేస్, ఫీచర్లు, టెక్నాలజీపై చాలా ఫోకస్ పెట్టారు. ఈ కారులో 360-డిగ్రీ కెమెరా , LED హెడ్ల్యాంప్లు, టెయిల్ ల్యాంప్లు, విశాలమైన 2వ వరుస, వైర్లెస్ ఆండ్రాయిడ్ ఆటో, ఆపిల్ కార్ప్లే, లేన్ వాచ్, అధిక నాణ్యత గల స్పీకర్లు, లెథరెట్ అప్హోల్స్ట్రీ, వెంటిలేటెడ్ సీట్లు వంటి అధునాతన ఫీచర్లు ఉండే అవకాశం ఉందని తెలుస్తోంది.
ఫేస్ లిఫ్టులు..
వచ్చే ఏడాది స్కోడా , వోక్స్వ్యాగన్ తమ నాలుగు మోడళ్లకు ఫేస్లిఫ్ట్లను తీసుకురానున్నాయి: అవి కుషాక్ (Kushaq), టైగూన్ (Taigun), స్లావియా (Slavia), , వర్టస్ (Virtus). ఈ లాంచ్లు మార్చి నుండి నవంబర్ మధ్యలో, దీపావళికి ముందు ఉండవచ్చు. ఈ నాలుగు కార్లకు ముందు, వెనుక డిజైన్లో కొన్ని మార్పులు ఉంటాయి. ఎస్యూవీలకు (కుషాక్, టైగూన్) పనోరమిక్ సన్రూఫ్, 360-డిగ్రీ కెమెరా, , ADAS (అడ్వాన్స్డ్ డ్రైవర్ అసిస్టెన్స్ సిస్టమ్స్) వంటి ముఖ్యమైన ఫీచర్లు రానున్నాయి. ఇంజిన్ పరంగా, 1-లీటర్ టర్బో పెట్రోల్ , 1.5-లీటర్ టర్బో పెట్రోల్ ఇంజిన్లు, గేర్బాక్స్లు మారవు. ధర ప్రస్తుత టాప్-ఎండ్ మోడళ్ల కంటే ₹1-1.5 లక్షలు పెరిగే అవకాశం ఉంది, సుమారు ₹13 లక్షల నుండి ₹23-24 లక్షల వరకు ఉండవచ్చు.
మహీంద్రా నుంచి..
ఇక, మహీంద్రా XUV700 ఫేస్లిఫ్ట్ (Mahindra XUV700 Facelift), ఎక్కువగా ఎదురుచూస్తున్న ఫేస్లిఫ్ట్లలో ఒకటి. ఈ అప్డేట్లో లోపల మూడవ స్క్రీన్, వెనుక సన్ బ్లైండ్స్, 5G కనెక్టివిటీ, 360-డిగ్రీ కెమెరా, మెరుగైన నాణ్యత, అద్దాలలో ADAS సెన్సార్లతో కూడిన మెరుగైన ADAS ఫీచర్లు వంటివి రావొచ్చు. ఇంజిన్ పరంగా, 2-లీటర్ టర్బో పెట్రోల్ , 2.2-లీటర్ డీజిల్ ఇంజిన్ ఆప్షన్లు, అలాగే ఆల్-వీల్ డ్రైవ్ ఆప్షన్ కూడా కొనసాగుతుంది. ధర టాప్-ఎండ్ మోడల్కు ₹1-1.5 లక్షల వరకు పెరగవచ్చు, దీని ధర ₹13 లక్షల నుండి ₹32 లక్షల వరకు ఉండవచ్చు.
మారుతి కూడా..
మారుతి బాలెనో & ఫ్రాంక్స్ ఫేస్లిఫ్ట్ (Maruti Baleno & Fronx Facelift) లో ప్రధానమైన అప్డేట్ ఇంజిన్ విభాగంలో ఉండనుంది. 1.2-లీటర్ 4-సిలిండర్ ఇంజిన్కు బదులుగా, 1.2-లీటర్ 3-సిలిండర్ ఇంజిన్ రానుంది. అత్యంత ముఖ్యమైన అప్డేట్ ఏంటంటే, ఈ రెండు కార్లలో హైబ్రిడ్ టెక్నాలజీ వచ్చే అవకాశం ఉంది. 25-28 కి.మీ రేంజ్ మైలేజీని అందిస్తుంది. 1.2-లీటర్ పెట్రోల్, 1.2-లీటర్ సిఎన్జి , 1.2-లీటర్ హైబ్రిడ్ ఆప్షన్లు అందుబాటులో ఉంటాయి. హైబ్రిడ్ వేరియంట్ సాధారణ బాలెనో కంటే ₹1-1.5 లక్షలు ఎక్కువ ధర ఉండవచ్చు. చిన్నపాటి డిజైన్ మార్పులతో పాటు, సన్రూఫ్, వైర్లెస్ ఛార్జింగ్ ప్యాడ్ వంటి కొన్ని అదనపు ఫీచర్లు రావచ్చని నిపుణులు పేర్కొంటున్నారు.
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
