రూ.8.71 లక్షల కియా సోనెట్‌ను రూ.1.30 లక్షల డౌన్‌పేమెంట్‌తో కొనొచ్చు! EMI, ఫైనాన్స్ డీటెయిల్స్ ఇవే!

కియా సోనెట్ కారు కొనే ప్లాన్‌లో ఉన్నారా? ఎక్స్ షోరూమ్ ధర, ఆన్ రోడ్ రేట్, కనీస డౌన్ పేమెంట్, వడ్డీ రేట్లు & నెలవారీ ఈఎంఐ పూర్తి లెక్కలు ఇక్కడే తెలుసుకోండి!

తెలుగులో ఆటోమొబైల్‌ వార్తలు

Source : https://x.com/

Kia Sonet Price And Features Telugu: ప్రస్తుతం, కాంపాక్ట్ SUV విభాగానికి ఉన్న క్రేజ్ గురించి ప్రత్యేకంగా చెప్పాల్సిన పనిలేదు. ఈ సెగ్మెంట్‌లో, కియా సోనెట్ ‍(Kia Sonet) తనదైన స్టైలిష్ లుక్స్ & మోడ్రన్‌ ఫీచర్లతో బాగా ఆకట్టుకుంటోంది. మీరు ఈ కారును సొంతం చేసుకోవాలనుకుంటే మీ దగ్గర భారీ బడ్జెట్ ఉండాల్సిన అవసరం లేదు. సరైన ప్లానింగ్‌తో ఈజీ ఫైనాన్స్ ఆఫర్లను వెతికిపట్టుకుంటే చాలు. కనీస డౌన్‌పేమెంట్‌తోనే, అంటే రూ.1.30 లక్షలు ముందుగా కట్టి ఈ స్మార్ట్ కారును మీ ఇంటి ముందు నిలబెట్టొచ్చు. మిగిలిన డబ్బును ఈజీ EMIల్లో చెల్లించొచ్చు.

 కియా సోనెట్ ఎక్స్ షోరూమ్ & ఆన్ రోడ్ ధరల వివరాలు

ప్రస్తుతం మన మార్కెట్లో కియా సోనెట్ ప్రారంభ ఎక్స్ షోరూమ్ ధర రూ.7.41 లక్షలు కాగా, టాప్ వేరియంట్ రూ. 14.09 లక్షల వరకు అందుబాటులో ఉంది. రోడ్డు పన్నులు, ఇన్సూరెన్స్ & ఇతర రిజిస్ట్రేషన్ ఛార్జీలు కలిపి బేస్ వేరియంట్ ఆన్‌-రోడ్‌ ధర సుమారు రూ. 8.71 లక్షలు అవుతుంది.

 కనీస డౌన్‌పేమెంట్ & కార్ లోన్ కాలిక్యులేషన్

ఈ కారు కొనడానికి మీ దగ్గర అమౌంట్ మొత్తం ఒకేసారి లేకపోయినా కంగారు పడాల్సిన పనిలేదు. బ్యాంకులు & ప్రముఖ ఫైనాన్స్ సంస్థలు ఎక్స్ షోరూమ్ ధరపై 80 శాతం కంటే ఎక్కువ రుణాన్ని అందిస్తున్నాయి.

 కనీస డౌన్‌పేమెంట్: బేస్ వేరియంట్ (HTE Petrol) కోసం మీరు దాదాపు రూ. 1.30 లక్షలు డౌన్‌పేమెంట్ చెల్లిస్తే సరిపోతుంది.

 రుణం మొత్తం (Loan Amount): మిగిలిన సుమారు రూ. 7.41 లక్షలను కార్ లోన్‌ రూపంలో సర్దేయొచ్చు.

ఇది కూడా చదవండి: సుజుకి నుంచి వస్తున్న చవకైన ఎలక్ట్రిక్‌ కారు ఇదే కావచ్చు! e Sky ప్రత్యేకతలు ఇవే

 వడ్డీ రేట్లు & నెలవారీ ఈఎంఐ (EMI) ఎంతంటే?

సాధారణంగా.. స్టేట్ బ్యాంక్ ఆఫ్ ఇండియా, హెచ్‌డీఎఫ్‌సీ, ఐసీఐసీఐ వంటి ప్రముఖ బ్యాంకులు 8 శాతం నుంచి 9.5 శాతం వార్షిక వడ్డీ రేటుతో కార్ లోన్స్ ఇస్తున్నాయి.

ఒకవేళ మీరు 8 శాతం వడ్డీ రేటుతో 5 సంవత్సరాల రుణ వ్యవధి (60 నెలలు)కి లోన్ తీసుకుంటే, మీ నెలవారీ EMI సుమారు రూ.15,023 అవుతుంది. ఇది Gen-Z & వర్కింగ్ ప్రొఫెషనల్స్‌కు చాలా అనుకూలమైన ఫైనాన్స్ ఆప్షన్‌గా చెప్పవచ్చు.

 ఏ కంపెనీలు బెస్ట్ కార్ లోన్ ఆఫర్లు ఇస్తున్నాయి?

ప్రస్తుతం SBI Car Loan, HDFC Bank, Axis Bank & ICICI Bank సంస్థలు ఆటో ఎక్స్‌పో &  ఫెస్టివ్ ఆఫర్లలో భాగంగా ప్రాసెసింగ్ ఫీజు మినహాయింపులు అందిస్తున్నాయి. అలాగే Kia Finance ద్వారా తక్కువ డాక్యుమెంటేషన్‌తో చాలా వేగంగా లోన్ అప్రూవల్స్ లభిస్తున్నాయి.

ఇది కూడా చదవండి: రాయల్ ఎన్‌ఫీల్డ్ Goan Classic 350 కంటే తక్కువ ధర!.. మార్కెట్‌లోకి సరికొత్త హోండా 'రెబల్ 300'

తక్కువ వడ్డీ రేటు పడాలంటే..

కార్ లోన్ తీసుకునే ముందు మీ సిబిల్‌ (CIBIL Score) 750 కంటే ఎక్కువ ఉండేలా చూసుకోండి. మంచి సిబిల్ స్కోర్ ఉంటే బ్యాంకులు మీ లోన్‌ అప్లికేషన్‌ను తిరస్కరించవు, పైగా.. తక్కువ వడ్డీ రేట్లకే లోన్ ఆఫర్ చేస్తాయి. EMI వ్యవధిని 5 ఏళ్లకు మించకుండా ప్లాన్ చేసుకుంటే వడ్డీ భారం గణనీయంగా తగ్గుతుంది.

ఇంకా ఇలాంటి ఆటోమొబైల్‌ వార్తలు & అప్‌డేట్స్‌ కోసం "ABP దేశం" 'ఆటో' సెక్షన్‌ని ఫాలో అవ్వండి.

మరిన్ని చదవండి

రూ.15 వేల EMIకి ఏయే కార్లు కొనుగోలు చేయవచ్చు ? లిస్ట్ చూసి డిసైడ్ చేసుకోండి

30,000 జీతం ఉన్నవారు కారు కొనడం సాధ్యమేనా? అందుకు ఏం చేయాలి