Buying Car EMI: 30,000 జీతం ఉన్నవారు కారు కొనడం సాధ్యమేనా? అందుకు ఏం చేయాలి

₹30 వేల జీతం ఉన్న వారు కూడా కారు కొనుగోలు చేయవచ్చు. అయితే డౌన్ పేమెంట్ కోసం నగదు ఏర్పాటు చేసుకుని, EMI, బడ్జెట్ ప్లానింగ్‌తో కారు కొని దర్జాగా తిరగవచ్చు.

30,000 జీతం ఉన్నవారు కారు కొనడం సాధ్యమేనా? అందుకు ఏం చేయాలి

Source : AI

Show Quick Read

Key points generated by AI, verified by newsroom

• ₹30,000 జీతంతో సరైన ప్రణాళికతో కారు కొనుగోలు సాధ్యం.
• 20-4-10 నియమం ప్రకారం, EMI జీతంలో 10% మించకూడదు.
• ఇంటి ఖర్చులతో పాటు కారు నిర్వహణ వ్యయాలు పరిగణించాలి.
• వడ్డీ రేట్లు పోల్చి ఎక్కువ డౌన్‌పేమెంట్ చేయడం లాభదాయకం.

చాలామంది ఉద్యోగస్తులకు ఇల్లు కొనడం, లేక కట్టుకున్న తర్వాత మరొక కోరిక కారు కొనాలని ఉంటుంది. దీని కోసం సరైన సమయం కోసం వేచి చూస్తుంటారు. ఒకవేళ ఇల్లు లేకపోయినా ఫ్యామిలీ ప్రయాణాల కోసం కారు ఉండాలని భావిస్తారు. నెలకూ రూ.30 వేలు సంపాదించే వ్యక్తి ఆ జీతంతో కారు కొనడం సాధ్యమేనా అనే ప్రశ్న వస్తుంది. దీనికి సమాధానం అవును అని చెప్పవచ్చు. కాకపోతే సరైన ప్లానింగ్, సరైన లెక్కలతో నిర్ణయం తీసుకోవాలి. బ్యాంకులు, ఫైనాన్స్ కంపెనీలు EMIలతో కార్ లోన్లు ఇస్తున్నాయి. దీనివల్ల ఒకేసారి మొత్తం నగదు చెల్లించాల్సిన అవసరం లేకుండానే కారు సొంతం చేసుకోవచ్చు. మన ఆదాయంతో పాటు ఖర్చులను సరైన రీతిలో అంచనా వేసి అనుకున్నది దక్కించుకోవడం పెద్ద సమస్య కాదు. కారు కొనడానికి సంబంధించిన పూర్తి అవకాశాలను ఇప్పుడు తెలుసుకుందాం.

ఎంత EMI చెల్లించడం

ఫైనాన్స్ నిపుణులు 20- 4- 10 అనే ఒక సాధారణ రూల్ చెబుతారు. ఈ లెక్క ప్రకారం, కారు కొనుగోలు చేయడానికి కనీసం 20 శాతం డబ్బు డౌన్ పేమెంట్‌గా మనం చెల్లించాలి. లోన్‌ను గరిష్టంగా 4 సంవత్సరాలలో (48 నెలలు) తీర్చివేయడానికి ప్లాన్ చేసుకోవాలి. లేకపోతే 5 ఏళ్ల టర్మ్ ఎంచుకోవాలి. ప్రతి నెలా చెల్లించే EMI మీ మొత్తం జీతంలో 10 శాతానికి మించకుండా చూసుకోవాలని సూచించారు.

ఒకవేళ ఒకరి నెల జీతం ₹30,000 ఉంటే, ఈ లెక్కన నెలకు EMI సుమారు 5,000 నుండి ₹7,000 వరకు ఉండేలా చూసుకోవాలి. ప్రస్తుతం మార్కెట్లో ₹4 లక్షల నుండి ₹6 లక్షల ప్రారంభ ధరలో అనేక మంచి చిన్న, బడ్జెట్ కార్లు ఉన్నాయి. ఈ కార్లు మీ EMIకి సులభంగా లభిస్తాయి. సరైన డౌన్ పేమెంట్ చేసి లోన్ తీసుకుంటే, 30 వేల రూపాయల జీతం ఉన్న వ్యక్తి కూడా ప్లాన్ చేసి ప్రతి నెలా వాయిదాలను సులబంగా చెల్లించవచ్చు.

ఏ విషయాలలో జాగ్రత్త వహించాలి?

కారు కొనేముందు కేవలం EMI లెక్కలు చెక్ చేస్తే సరిపోదు. మరికొన్ని ముఖ్యమైన విషయాలను కస్టమర్లు గుర్తుంచుకోవాలి. మొదటగా, EMI పోను ఇంటి అద్దె, కరెంట్ బిల్లు, మంచినీటి బిల్లులు, నిత్యావసర ఖర్చులు, ఇతర ఇంటి ఖర్చులు ఇబ్బంది లేకుండా గడిచేలా ఉన్నాయో లేదో చూసుకోవాలి. ఇది కాకుండా కారు కొన్న తర్వాత పెట్రోల్ లేదా డీజిల్ ఖర్చు, కార్ సర్వీసింగ్, ఇన్సూరెన్స్, మెయింటెనెన్స్ వంటి ఖర్చులకు డబ్బులు ఉండేలా ప్లాన్ చేసుకోవాలి.

కేవలం ఫ్యామిలీ జర్నీ కోసం తీసుకున్న కారు అయితే రెగ్యూలర్ పెట్రోల్, డీజిల్ ఖర్చుల ఉండవు. కాబట్టి వీటి కోసం ముందుగానే బడ్జెట్ ఉంచాలి. లోన్ తీసుకునే ముందు పలు బ్యాంకుల వడ్డీ రేట్లను పోల్చి చూసుకోవాలి. దీనివల్ల తక్కువ వడ్డీకే సరైన కారు లోన్ లభిస్తుంది. అలాగే వీలైనంత ఎక్కువ మొత్తాన్ని డౌన్ పేమెంట్‌గా చెల్లించడం వల్ల లోన్ మొత్తంతో పాటు చెల్లించే వడ్డీ, EMI రెండూ తగ్గుతాయి.