Kia Carens Clavis EV: భారతదేశంలో చవకైన 3-రో ఎలక్ట్రిక్ MPV - 490 km రేంజ్‌ - ధర ఎంతంటే?
Kia Carens Clavis EV: కియా, కొత్త ఎలక్ట్రిక్ MPV Carens Clavis EVని భారతదేశంలో లాంచ్‌ చేసింది. ఇది రెండు బ్యాటరీ ఎంపికలతో లభిస్తుంది, 490 km వరకు రేంజ్‌ ఇస్తుంది.
Kia Carens Clavis EV Price, Range And Features In Telugu: కియా, తన మొట్టమొదటి మాస్ మార్కెట్ ఎలక్ట్రిక్ MPV కారెన్స్ క్లావిస్ EV ని రీసెంట్‌గా భారతదేశంలో విడుదల చేసింది. దీని ఎక్స్‌-షోరూమ్‌ ప్రారంభ ధర (Kia Carens Clavis EV ex-showroom price) రూ. 17.99 లక్షలు & టాప్ వేరియంట్ ఎక్స్‌-షోరూమ్‌ ధరను రూ. 24.49 లక్షలుగా నిర్ణయించారు. ఇది, ఇటీవల విడుదల చేసిన ICE (ఇంజిన్ ఆధారిత) కారెన్స్ క్లావిస్‌కు ఎలక్ట్రిక్ వెర్షన్.
బ్యాటరీ ఎంపికలు & డ్రైవింగ్‌ రేంజ్‌
కారెన్స్ క్లావిస్ EV ని రెండు బ్యాటరీ ఎంపికలతో (42 kWh & 51.4 kWh) లాంచ్‌ చేశారు. పెద్ద బ్యాటరీ ప్యాక్‌ (51.4 kWh)తో ఇది దాదాపు 490 కిలోమీటర్ల డ్రైవింగ్‌ రేంజ్‌ ఇస్తుంది. చిన్న బ్యాటరీ వేరియంట్ (42 kWh) దాదాపు 404 కిలోమీటర్ల దూరం ప్రయాణిస్తుందని కంపెనీ పేర్కొంది. కియా, ఈ బ్యాటరీలకు 8 సంవత్సరాల వారంటీ ఇస్తోంది & రెండు AC ఛార్జర్ ఆప్షన్స్‌ కూడా అందిస్తోంది.
కారెన్స్ క్లావిస్ EV 171 hp పవర్‌ను ఉత్పత్తి చేస్తుంది & 4-లెవెల్‌ రీజెనరేటివ్‌ బ్రేకింగ్ సిస్టమ్‌ను ఈ కారుకు అమర్చారు. అంటే.. ఆఫీస్‌కు డైలీ అప్‌ అండ్‌ డౌన్‌తో పాటు లాంగ్‌ డ్రైవ్స్‌ ప్లాన్‌ చేసేవాళ్లకు కూడా ఇది సూటబుల్‌ ఆప్షన్‌.
డిజైన్ & ఎక్స్‌టర్నల్‌ అప్‌డేట్స్‌
క్లావిస్ EV, స్టాండర్డ్‌ కారెన్స్ మోడల్ నుంచి భిన్నంగా కనిపించేలా డిజైన్‌ను కొంచం మార్చారు. యాక్టివ్ ఏరో ఫ్లాప్‌లు, ముందు భాగంలో ఛార్జింగ్ పోర్ట్ & కొత్త 17-అంగుళాల ఏరో-ఆప్టిమైజ్డ్ వీల్స్‌తో ఈ ఎలక్ట్రిక్ MPVని అప్డేట్ చేశారు.
ఫీచర్లు & టెక్నాలజీలు
కారెన్స్ క్లావిస్ EV ని ఫీచర్‌-రిచ్‌గా తీర్చిదిద్దాహు. ఈ EVలో చాలా ప్రీమియం & స్మార్ట్ ఫీచర్లు అందించారు. ఇది V2L & V2V టెక్నాలజీతోనూ పని చేస్తుంది. అంటే, ఈ కారు ఒక పవర్‌హౌస్‌ లాంటింది. V2L అంటే వెహికల్-టు-లోడ్, ఈ EV బ్యాటరీ నుంచి ఛార్జింగ్ లైట్లు, హీటర్‌, పోర్టబుల్‌ కూలర్‌, మినీ రిఫ్రిజిరేటర్‌ వంటి ఇతర పరికరాలు & ఉపకరణాలను ఛార్జ్ చేసుకోవచ్చు లేదా నేరుగా పవర్‌ తీసుకోవచ్చు. V2V అంటే వెహికల్-టు-వెహికల్, ఈ EV నుంచి మరొక EVని కూడా ఛార్జ్ చేయవచ్చు. ఎక్కడైనా ఆగిపోయిన వేరే ఎలక్ట్రిక్ వాహనాన్ని ఛార్జ్ చేయడానికి లేదా జంప్-స్టార్ట్ చేయించడానికి ఇది అవకాశం కల్పిస్తుంది.
ఇంకా... కొత్త ఫ్లోటింగ్ కన్సోల్, బాస్ మోడ్, పవర్డ్ డ్రైవర్ సీటు, పనోరమిక్ సన్‌రూఫ్, 12.3 అంగుళాల స్క్రీన్ వంటి అడ్వాన్స్‌డ్‌ ఫీచర్లు, ప్రయాణాన్ని ఎంజాయ్‌ చేయడానికి 8-స్పీకర్ బోస్ ఆడియో సిస్టమ్ & కుటుంబ సభ్యుల భద్రత కోసం లెవల్ 2 ADAS, కనెక్టెడ్‌ కార్ టెక్నాలజీ & 6 ఎయిర్‌ బ్యాగ్‌లు వంటి సాంకేతికతలు ఇందులో ఉన్నాయి.
క్లావిస్ EV మార్కెట్ పోటీలో నిలబడగలదా?
కారెన్స్ క్లావిస్ అనేది ICE-కన్వర్టెడ్ EV అయినప్పటికీ చాలా బలంగా కనిపిస్తుంది. దీని ధర BYD eMax 7 కంటే తక్కువ & భారతదేశంలో అత్యంత తక్కువ ధర 3-వరుసల సీట్ల EV. దీని ధర, ఫీచర్లు & పరిధిని పరిగణనలోకి తీసుకుంటే.. ప్రస్తుత EV విభాగంలో ఇది బలమైన పోటీదారుగా నిలబడగలదు.
టాప్ హెడ్ లైన్స్
ట్రెండింగ్ వార్తలు
