ఫుల్ ట్యాంక్తో 1000 కి.మీ రేంజ్.. ఫార్చునర్కు పోటీ ఇవ్వనున్న MG Majestor, Jetour T2 Hybrid
Toyota Fortunerకు గట్టి పోటీనిచ్చేలా భారత ఆటోమొబైల్ మార్కెట్లో త్వరలోనే 2 కొత్త SUVలు విడుదల కానున్నాయి. వీటి ప్రత్యేకతలతో పాటు మైలేజీ వివరాలు తెలుసుకోండి.
అద్భుతమైన ఫీచర్లు, రోడ్ కెపాసిటీ కోసం టయోటా ఫార్చ్యూనర్ను కస్టమర్లు బాగా ఇష్టపడతారు. భారత ఆటో మార్కెట్లో ఫార్చ్యూనర్కు నేరుగా పోటీనిచ్చే కొత్త ఆప్షన్లు అందుబాటులోకి రాబోతున్నాయి. విశేషం ఏంటంటే ఈ కొత్త SUVలు కేవలం పవర్ఫుల్ మాత్రమే కాదు, ఆకట్టుకునే ఫీచర్లు, లేటెస్ట్ టెక్నాలజీ పరంగా ఇతర వాహనాలకు గట్టి పోటీ ఇస్తాయి. ఏప్రిల్ 20న MG Majestor లాంచ్ కానుంది. పెద్దగా, పవర్ఫుల్గా ఉండే SUV కావాలనుకునే వారి కోసం Majestorను రూపొందించారు. సైజ్ పరంగా ఇది ఫార్చ్యూనర్ కంటే కొంచెం పెద్దదిగా ఉంటుంది. ఇందులో డీజిల్ ఇంజన్ ఇచ్చారు. భారత కస్టమర్లకు ఇప్పటికీ పెద్ద ప్లస్ పాయింట్గా ఉంది.
MG Majestor స్పెషాలిటీ ఏమిటి?
ఎంజీ మాజెస్టర్ (MG Majestor) SUV హై గ్రౌండ్ క్లియరెన్స్, బలమైన బిల్డ్ క్వాలిటీతో వస్తుంది. ఇది గతుకుల రోడ్లు, ఆఫ్-రోడింగ్కు సరైన ఎంపికగా ఉంటుంది. కేవలం పటిష్టంగా ఉండటం మాత్రమే కాకుండా, ఇందులో ఆధునిక ఫీచర్లపై కూడా ఫోకస్ చేశారు. ఉదాహరణకు మాజేస్టర్లో పెద్ద టచ్స్క్రీన్, అడ్వాన్స్డ్ కనెక్టివిటీ, సేఫ్టీ ఫీచర్లు, ప్రీమియం ఇంటీరియర్ వంటి ఫీచర్లు వస్తున్నాయి. ఈ SUV MG షోరూమ్ల ద్వారా కొనుగోలు చేయవచ్చు. దాంతో ఇది కస్టమర్లకు మరింత తేలికగా అందుబాటులో ఉంటుంది.
ఫుల్ ట్యాంక్పై Jetour T2 Hybrid రేంజ్
మరోవైపు JSW గ్రూప్ తొలిసారిగా తన సొంత బ్రాండ్ పేరుతో SUVని లాంచ్ చేయడానికి సిద్ధంగా ఉంది. ఈ SUV Jetour T2 తరహాలోనే వస్తుంది. అయితే ఇందులో భారత మార్కెట్కు అనుగుణంగా కొన్ని మార్పులు, మెరుగులు దిద్ది తీసుకొస్తున్నారు. ఈ SUV టెక్నాలజీ పరంగా చాలా అడ్వాన్స్డ్గా ఉంటుంది. ఇందులో ప్లగ్-ఇన్ హైబ్రిడ్ సిస్టమ్ లభిస్తుంది. ఈ SUVలో 1.5 లీటర్ టర్బో పెట్రోల్ ఇంజన్తో పాటు డ్యూయల్ ఎలక్ట్రిక్ మోటార్ సెటప్ ఇచ్చారు. దీనిని ఇంటెలిజెంట్ డ్యూయల్ మోటార్ (i-DM) టెక్నాలజీ అని పిలుస్తారు. దీని మొత్తం పవర్ 300 bhp కంటే ఎక్కువ. ఇది ఈ సెగ్మెంట్లోని పలు కంపెనీల SUVల కంటే దీనిని మరింత పవర్ఫుల్గా చేస్తుంది.
దీని లాంగ్ రేంజ్ సేల్స్లో హెల్ప్ చేస్తుంది. ఒకసారి ఫుల్ ఛార్జ్, ఫుల్ ట్యాంక్తో ఇది 1000 కిలోమీటర్ల కంటే ఎక్కువ దూరం రేంజ్ ఇస్తుంది. దీని లుక్ బాక్సీగా మరియు మస్కులర్గా ఉంటుంది, వెనుక భాగంలో స్పేర్ వీల్ అమర్చి ఉంటుంది. ఇది Jetour T2 Hybridకు క్లాసిక్ SUV లుక్ను ఇస్తుంది. వాహనం సైజ్ విషయానికి వస్తే దీని పొడవు సుమారు 4,785 మి.మీ ఉంటుంది. ఇది ఎస్యూవీని చాలా విశాలంగా (Spacious) మారుస్తుంది. ధర పరంగా చూస్తే, Jetour T2 ఆధారిత SUV, MG Majestor కంటే కొంచెం తక్కువ ధరకే అందుబాటులోకి వస్తుంది. తక్కువ ధరలో ఎక్కువ టెక్నాలజీ, మెరుగైన మైలేజ్ కోరుకునే వారిని ఇది ఆకట్టుకుంటుంది.
టాప్ హెడ్ లైన్స్
ట్రెండింగ్ వార్తలు
