జావా కొత్త బైక్ 42 All stars లాంచ్‌.. 60కి పైగా మార్పులు, కొత్త డిజైన్ - ధర ఎంతంటే?
జావా 42 ఆల్ స్టార్స్ బైక్ భారత మార్కెట్లోకి లాంచ్‌ అయింది. ఈ బైక్‌లో 60కి పైగా మార్పులు, కొత్త డిజైన్ ఉన్నాయి.
Jawa 42 All stars Price And Specifications Telugu: జావా కంపెనీ, Jawa 42 మోటార్‌ సైకిల్‌లో భారీ మార్పులు చేసింది. కొత్త '42 ఆల్ స్టార్స్' వేరియంట్‌ను మార్కెట్లోకి తీసుకొచ్చింది. ఈ బైక్‌లో 60కి పైగా మార్పులు చేసినట్లు కంపెనీ తెలిపింది. డిజైన్ నుంచి చాసిస్ వరకు అనేక అప్డేట్స్ ఇచ్చింది. జావా 42 ఆల్ స్టార్స్ ప్రారంభ ధర రూ.1.80 లక్షలు (ఎక్స్-షోరూమ్). వేరియంట్‌ను బట్టి ధర రూ.1.90 లక్షల వరకు ఉంటుంది. ఈ బైక్ డెలివరీలు సెప్టెంబర్ 14 నుంచి ప్రారంభం కానున్నాయి.
కొత్త లుక్‌లో జావా 42
కొత్త జావా 42లో డిజైన్‌కు ప్రత్యేక ప్రాధాన్యం ఇచ్చారు. సైడ్ ప్యానెల్స్‌ను రీడిజైన్ చేశారు. వెనుక ఫెండర్‌ను వెడల్పుగా మార్చారు. కొత్త అల్లాయ్ వీల్స్ ఇచ్చారు. అప్‌స్వెప్ట్ ట్విన్ ఎగ్జాస్ట్‌ను కూడా అందించారు.
వెనుక టైర్ పరిమాణాన్ని కూడా పెంచారు. ఇప్పుడు 150/70-17 వెడల్పాటి వెనుక టైర్‌ను ఉపయోగించారు. దీంతో బైక్‌కు మరింత బ్రాడర్‌ లుక్ వచ్చింది. రోడ్డుపై గ్రిప్ కూడా మెరుగుపడే అవకాశం ఉంది.
సీటులోనూ మార్పులు చేశారు. అదనపు కుషనింగ్ ఇచ్చారు. అయితే జావా 42కు ప్రత్యేకమైన ఫ్లాట్ బెంచ్ తరహా సీటు డిజైన్‌ను కొనసాగించారు.
రౌండ్ హెడ్‌ల్యాంప్ & 13.2 లీటర్ల ఫ్యూయల్ ట్యాంక్ వంటి పాత డిజైన్ అంశాలను అలాగే ఉంచారు. కొత్త ఎగ్జాస్ట్ డిజైన్ వల్ల నీటిలో బైక్ నడిపే సామర్థ్యం కూడా మెరుగుపడుతుందని జావా చెబుతోంది.
చాసిస్‌లోనూ అప్డేట్స్
జావా 42 ఆల్ స్టార్స్‌లో కేవలం లుక్ మాత్రమే మార్చలేదు. ఫ్రేమ్ & స్వింగ్‌ఆర్మ్ స్టిఫ్‌నెస్‌లో కూడా మార్పులు చేశారు. బైక్ బరువు పంపిణీ, రైడింగ్ పొజిషన్, హ్యాండ్లింగ్ & కంఫర్ట్‌పై కూడా పని చేశారు. ఈ మార్పులతో బైక్ మరింత చురుగ్గా, నియంత్రణలో ఉండేలా తయారైందని కంపెనీ చెబుతోంది. అదే సమయంలో కొత్త రైడర్లకు కూడా సులభంగా ఉండే స్వభావాన్ని కొనసాగించింది.
ఇది కూడా చదవండి: బైక్ మోడిఫికేషన్స్‌.. మన దేశంలో ఏవి చట్టబద్ధం? ఏవి నిషేధం? ఇలా చేస్తే ఫైన్ తప్పదు!
బ్రేకింగ్ & సస్పెన్షన్
బైక్‌లో ముందు 280 మిల్లీమీటర్ల డిస్క్ బ్రేక్ ఉంది. వెనుక 240 మిల్లీమీటర్ల డిస్క్ బ్రేక్ ఇచ్చారు. డ్యూయల్ ఛానల్ ABS స్టాండర్డ్‌గా అందించారు.
ముందు భాగంలో 35 మిల్లీమీటర్ల టెలిస్కోపిక్ ఫోర్క్స్ ఉన్నాయి. వెనుక గ్యాస్ ఫిల్డ్ ట్విన్ షాక్ అబ్జార్బర్స్ ఇచ్చారు. వీటిలో ప్రీలోడ్ అడ్జస్ట్‌మెంట్ సదుపాయం ఉంది.
బైక్ మొత్తం బరువు 175 కిలోలు. వీల్‌బేస్ 1,369 మిల్లీమీటర్లు. గ్రౌండ్ క్లియరెన్స్ 173 మిల్లీమీటర్లు.
ఇంజిన్‌లో మార్పుల్లేవు
కొత్త జావా 42 ఆల్ స్టార్స్‌లో అదే 294.72cc ఇంజిన్ కొనసాగించారు. ఇది సింగిల్ సిలిండర్, 4-స్ట్రోక్, లిక్విడ్ కూల్డ్, DOHC ఇంజిన్. దీనికి 6 స్పీడ్ గేర్‌బాక్స్‌ను జత చేశారు. ఈ ఇంజిన్ 7,950 rpm వద్ద 27.19hp పవర్ అందిస్తుంది. 6,000 rpm వద్ద 26.3Nm టార్క్ ఉత్పత్తి చేస్తుంది.
ఇది కూడా చదవండి: ఇండియాలో కార్ మోడిఫికేషన్స్‌పై రూల్స్ ఇవే.. ఏవి చట్టబద్ధం? ఏవి నేరం?
ధర ఎంతంటే?
జావా 42 ఆల్ స్టార్స్ మొత్తం ఆరు రంగుల్లో అందుబాటులో ఉంటుంది. బ్లాక్ & ఐవరీ కలర్ వేరియంట్ ధర రూ.1.80 లక్షలు. ఆల్ స్టార్స్ బ్లాక్ & నెబ్యులా బ్లూ వేరియంట్ల ధర రూ.1.90 లక్షలు. ఇవన్నీ ఎక్స్-షోరూమ్ ధరలు.
జావా 42 ఆల్ స్టార్స్‌తో కంపెనీ తన ఆల్ స్టార్స్ సిరీస్‌ను పూర్తి చేసింది. ఇప్పటికే 42 FJ & 42 Bobber మోడళ్లు ఈ సిరీస్‌లో ఉన్నాయి. కొత్త 42 All Stars ఈ కుటుంబంలో ఫ్లాగ్‌షిప్ మోడల్‌గా నిలిచింది.
ఇంకా ఇలాంటి ఆటోమొబైల్‌ వార్తలు & అప్డేట్స్ కోసం "ABP దేశం" 'ఆటో' సెక్షన్‌ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
