Hyundai i20 Knight Edition లాంచ్‌ - స్టైల్, స్పోర్టీ ఫీచర్లు కోరుకునే కస్టమర్ల కోసం పర్‌ఫెక్ట్‌ డిజైన్
Hyundai i20 Knight Edition Launch: హ్యుందాయ్ i20 నైట్ ఎడిషన్ కొత్త అవతార్‌లో విడుదలైంది. స్పోర్టీ ఫీచర్లు & ప్రీమియం ఇంటీరియర్‌తో, దీని ధర రూ. 9.15 లక్షల నుంచి మొదలవుతుంది.
Hyundai i20 Knight Edition Price, Mileage And Features: హ్యుందాయ్ బ్రాండ్‌ నుంచి మరో యూత్‌ఫుల్‌ మోడల్‌ లాంచ్‌ అయింది. ఈ కంపెనీ, తన ప్రసిద్ధ హ్యాచ్‌బ్యాక్ i20 నైట్ ఎడిషన్‌ను ఇండియాలో లాంచ్‌ చేసింది. కొత్తగా వచ్చిన ప్రధాన మార్పు ఏంటంటే.. ఈ కారు ఇప్పుడు ముదురు రంగులో & మరింత స్టైలిష్ లుక్స్‌తో వచ్చింది. స్టైల్ & స్పోర్టినెస్ రెండింటినీ కోరుకునే కస్టమర్లను దృష్టిలో ఉంచుకుని హ్యుందాయ్ కంపెనీ నైట్ ఎడిషన్‌ను ప్రత్యేకంగా డిజైన్ చేసింది.
నైట్ ఎడిషన్ ధర ఎంత, ఏ వేరియంట్లలో లభిస్తుంది?
ఆంధ్రప్రదేశ్‌, తెలంగాణలో Hyundai i20 Knight Edition ప్రారంభ ఎక్స్-షోరూమ్ ధరను రూ. 9.15 లక్షలుగా కంపెనీ నిర్ణయించింది. ఈ కారును కొనాలంటే.. ఎక్స్-షోరూమ్ ధరకు రిజిస్ట్రేషన్‌ ఛార్జీలు, రోడ్డు పన్ను, బీమా, ఇతర అవసరమైన ఖర్చులు కలిపి చెల్లించాలి. అప్పుడు దీని అసలైన ధర (ఆన్‌-రోడ్‌ రేటు) ధర వస్తుంది.
హ్యుందాయ్, ఈ ప్రత్యేక ఎడిషన్‌ను (i20 Knight Edition) స్పోర్ట్జ్ (O) & ఆస్టా (O) వేరియంట్లలో ప్రవేశపెట్టింది. ఇది మాత్రమే కాదు, i20 N Line లోని N8 & N10 ట్రిమ్‌లలో కూడా ఈ ఎడిషన్ అందుబాటులో ఉంటుంది. మీరు మరింత స్పోర్టీ వెర్షన్‌ను ఇష్టపడితే, i20 N లైన్ నైట్ ఎడిషన్ మీకు సూటవుతుంది, దీని ప్రారంభ ధర రూ. 11.43 లక్షలు (ఎక్స్-షోరూమ్).
నైట్ ఎడిషన్‌లో కొత్తదనం & ప్రత్యేకతలు ఏంటి?
హ్యుందాయ్ ఐ20 నైట్ ఎడిషన్‌లో ముఖ్యంగా చూడాల్సిన విషయం దాని డార్క్ & స్పోర్టీ డిజైన్. ఇందులో బ్లాక్ అల్లాయ్ వీల్స్, బ్లాక్ రూఫ్ రెయిల్స్, స్కిడ్ ప్లేట్లు, బ్లాక్ ORVMs & సైడ్ సిల్ గార్నిష్ ఉన్నాయి. దీంతో పాటు, రియర్‌ స్పాయిలర్ & మ్యాట్ బ్లాక్ హ్యుందాయ్ లోగో కూడా వచ్చి చేరింది, ఇది మరింత ఆకర్షణీయంగా ఉంటుంది. అలాగే, క్యాబిన్ లోపల పూర్తిగా నల్లటి థీమ్, బ్రాస్‌ ఇన్సర్టస్‌ & బ్రాస్‌ హైలైట్స్‌తో కూడిన నల్లటి సీటింగ్‌ ఇవ్వబడ్డాయి. స్పోర్టీ మెటల్ పెడల్స్ కూడా కారుకు ప్రీమియం లుక్ ఇస్తాయి.
ఇంజిన్ & పనితీరు
హ్యుందాయ్ ఐ20 నైట్ ఎడిషన్‌లో సాంకేతికంగా ఎటువంటి మార్పులు చేయలేదు. మునుపటి లాగే అదే 1.2-లీటర్ పెట్రోల్ ఇంజిన్‌తో ఇది పెర్ఫార్మ్‌ చేస్తుంది. ఇప్పటి వరకు ఉన్న 5-స్పీడ్ మాన్యువల్ & CVT గేర్‌బాక్స్ ఎంపికలతోనే అందుబాటులో ఉంటుంది. i20 N Line Knight Edition లో 1.0-లీటర్ టర్బో పెట్రోల్ ఇంజిన్ ఉంటుంది, దీనిని మీరు 6-స్పీడ్ మాన్యువల్ & DCT గేర్‌బాక్స్‌తో డ్రైవ్ చేయవచ్చు.
ఐ20 నైట్ ఎడిషన్ ఎవరి కోసం?
ప్రీమియం లుకింగ్ హ్యాచ్‌బ్యాక్ కోరుకునే కస్టమర్ల కోసం ఈ ప్రత్యేక ఎడిషన్ రూపొందింది. ముఖ్యంగా.. జెన్-జెడ్ & యువత కోసం డిజైన్ చేశారు. డార్క్-థీమ్ స్టైలింగ్‌ వల్ల ఇది మరింత ఆకట్టుకుంటుంది. హ్యుందాయ్ ఐ20 నైట్ ఎడిషన్ అనేది స్టైల్, స్పోర్టినెస్ & ప్రాక్టికల్‌ ఫీచర్లను కలిపి రూపొందించిన ఒక ఆకర్షణీయమైన ప్యాకేజీ.
టాప్ హెడ్ లైన్స్
ట్రెండింగ్ వార్తలు
