Honda City Facelift Spied: హోండా సిటీ ఫేస్‌లిఫ్ట్ అదిరిపోయే లుక్‌తో వచ్చేస్తోంది: లాంచ్‌కు ముందే లీకైన ఫోటోలు

Honda: హోండా ఇండియా తన పాపులర్ సెడాన్ సిటీ ఫేస్‌లిఫ్ట్ వెర్షన్‌ను లాంచ్ చేసేందుకు రెడీ అవుతుండగా, టెస్టింగ్ సమయంలో ఎటువంటి కవర్లు లేకుండా ఈ కారు తొలిసారి కెమెరాకు చిక్కింది.

హోండా ఇండియా సిటీ ఫేస్‌లిఫ్ట్

Source : x.com/hammermanautos

Show Quick Read

Key points generated by AI, verified by newsroom

• కొత్త హోండా సిటీ ఫేస్‌లిఫ్ట్‌లో LED హెడ్‌ల్యాంప్స్, కొత్త గ్రిల్‌తో డిజైన్ మార్పులు.
• లోపల కొత్త అప్‌హోల్స్టరీ, పెద్ద టచ్‌స్క్రీన్, ADAS ఫీచర్లు జోడించారు.
• 1.5L పెట్రోల్ ఇంజిన్‌తో పాటు హైబ్రిడ్ ఆప్షన్‌తో మార్కెట్‌లోకి వస్తోంది.

Honda City Facelift Spied in India: ఇండియ‌న్ ఆటోమొబైల్ మార్కెట్లో ప్రీమియం సెడాన్ అంటే గుర్తొచ్చే పేరు హోండా సిటీ. ఇప్పుడు ఈ కారును సరికొత్త హంగులతో ఫేస్‌లిఫ్ట్ వెర్షన్‌లో తీసుకురావడానికి హోండా కార్స్ ఇండియా సిద్ధమైంది. అఫీషియల్ లాంచ్‌కు ముందే ఈ కారు ఎటువంటి మ్యాస్కింగ్ లేకుండా రోడ్లపై కనిపిస్తూ ఆటోమొబైల్ ప్రియుల దృష్టిని ఆకర్షిస్తోంది. లీకైన లేటెస్ట్ ఫోటోలను చూస్తే ఈ కారు డిజైన్ లో జరిగిన మార్పులు క్లియర్ గా అర్థమవుతున్నాయి. హోండా బ్రాండ్‌లో ఇది అత్యంత కీలకమైన మోడల్ కావడం, అలాగే ఇందులో హైబ్రిడ్ పవర్‌ట్రెయిన్ ఆప్షన్ ఉండటంతో ఈ కొత్త అప్‌డేట్‌పై భారీ అంచనాలు ఉన్నాయి.

డిజైన్ లో కొత్త మార్పులు..

కొత్త హోండా సిటీ ఫేస్‌లిఫ్ట్ ముందు భాగంలో ప్రధానంగా మార్పులు కనిపిస్తున్నాయి. కొత్తగా డిజైన్ చేసిన ఎల్‌ఈడీ (LED) హెడ్‌ల్యాంప్స్, వాటిలోనే ఇంటిగ్రేటెడ్ డీఆర్ఎల్స్ (DRLs) కారుకు మంచి లుక్ ఇస్తున్నాయి. గ్రిల్ డిజైన్ కూడా మారింది, బోనెట్ మీద బ్రాండ్ కి సంబంధించిన సరికొత్త 'H' లోగో స్పష్టంగా కనిపిస్తోంది. కొత్త బంపర్ వల్ల కారు వైడ్ గా, షార్ప్ గా కనిపిస్తోంది. పక్క నుంచి చూస్తే పాత మోడల్‌కు దగ్గరగానే ఉన్నట్లు అనిపించినా, అలాయ్ వీల్స్ డిజైన్ మాత్రం అప్‌డేట్ అయింది. వెనుక వైపు టెయిల్ ల్యాంప్స్ తో పాటు బంపర్ లో కూడా చిన్నపాటి మార్పులు ఉండే అవకాశం కనిపిస్తోంది. ఓవరాల్ గా కారు గతంలో కంటే ఇంకాస్త స్టైలిష్ గా తయారైంది.

ఇంటీరియర్ , ఫీచర్లు..

కారు లోపల కూడా హోండా భారీ మార్పులే చేస్తోంది. సెడాన్ ఇంటీరియర్ లో కొత్త అప్‌హోల్స్టరీ, మరింత పెద్దదైన టచ్‌స్క్రీన్ డిస్ప్లే వచ్చే ఛాన్స్ ఉంది. క్యాబిన్ లేఅవుట్ లో కూడా చిన్న చిన్న మార్పులు చేసి లగ్జరీగా మార్చబోతున్నారు. ఫీచర్ల విషయానికొస్తే 360-డిగ్రీ కెమెరా, డిజిటల్ ఇన్‌స్ట్రుమెంట్ క్లస్టర్, కనెక్టెడ్ కార్ టెక్నాలజీ వంటి మోడరన్ ఫీచర్లు ఇందులో ఉంటాయి. సేఫ్టీ విషయంలో హోండా ఎప్పుడూ ముందుంటుంది కాబట్టి, ఇందులో ఆరు ఎయిర్‌బ్యాగ్‌లతో పాటు అడ్వాన్స్డ్ డ్రైవర్ అసిస్టెన్స్ సిస్టమ్ (ADAS) ఫీచర్లు ఉంటాయి. అడాప్టివ్ క్రూయిజ్ కంట్రోల్, ఆటో హై బీమ్ అసిస్ట్ వంటి ఫీచర్లు డ్రైవింగ్ ను మరింత సురక్షితం చేస్తాయి.

ఇంజిన్ ,పోటీ..

హోండా సిటీ ఫేస్‌లిఫ్ట్ లో పాత 1.5 లీటర్ల నేచురల్లీ ఆస్పిరేటెడ్ పెట్రోల్ ఇంజిన్‌నే కొనసాగించనున్నారు. ఇది 121 hp పవర్, 145 Nm టార్క్‌ను జనరేట్ చేస్తుంది. దీనికి సిక్స్-స్పీడ్ మ్యాన్యువల్ లేదా సివిటి (CVT) గేర్‌బాక్స్ ఆప్షన్లు ఉంటాయి. అలాగే ఎన్విరాన్మెంట్ ఫ్రెండ్లీగా ఉండాలనుకునే వారి కోసం హైబ్రిడ్ వెర్షన్ కూడా అందుబాటులో ఉంటుంది. మార్కెట్లోకి వచ్చిన తర్వాత ఈ కారు హ్యుందాయ్ వెర్నా, స్కోడా స్లావియా, వోక్స్‌వ్యాగన్ వర్టస్ వంటి బలమైన పోటీదారులను ఎదుర్కోవాల్సి ఉంటుంది. సెడాన్ లవర్స్ కోసం హోండా తీసుకొస్తున్న ఈ అప్‌డేటెడ్ ప్యాకేజీ ఖచ్చితంగా మార్కెట్లో సెన్సేషన్ క్రియేట్ చేసేలా ఉంది.

మరిన్ని చదవండి

క్రాష్ టెస్టులో అట్ట‌ర్ ప్లాఫ్ అయిన‌ టయోటా స్టార్లెట్:  రేటింగ్ తెలిస్తే షాకే..!

ఎలక్ట్రిక్ వెహికల్స్‌ను ప్రోత్సహించేందుకు కేంద్రం కీలక నిర్ణయం! భారీ నిధుల విడుదల!