5 నిమిషాల్లోనే 70 శాతం ఛార్జ్.. EV Charging లో సంచలనం సృష్టిస్తున్న కొత్త టెక్నాలజీ

చైనాకు చెందిన Geely కంపెనీ తీసుకొచ్చిన కొత్త స్మార్ట్ ఛార్జింగ్ టెక్నాలజీ ద్వారా EV బ్యాటరీ కేవలం 4.5 నిమిషాల్లో 10 శాతం నుంచి 70 శాతం వరకు ఛార్జ్ అవుతుంది. ఈ ఛార్జర్ ఎలా పనిచేస్తుందో తెలుసుకోండి.

5 నిమిషాల్లోనే 70 శాతం ఛార్జింగ్

Source : Social Media

Show Quick Read

Key points generated by AI, verified by newsroom

• గీలీ 2.25 మెగావాట్ల స్మార్ట్ ఛార్జింగ్ టెక్నాలజీని ఆవిష్కరించింది.
• EV బ్యాటరీ 10-70% ఛార్జ్ కేవలం 4.5 నిమిషాల్లో పూర్తవుతుంది.
• AI తో బ్యాటరీ వేడెక్కకుండా రక్షణ, జీవితకాలం 20% పెంపు.
• 2027 నాటికి చైనాలో లక్ష ఛార్జింగ్ గన్‌లు లక్ష్యంగా పెట్టుకుంది.

పెట్రోల్, డీజిల్ వాహనాలకు ప్రత్యామ్నాయంగా ఇప్పుడు మార్కెట్‌లో ఎలక్ట్రిక్ వాహనాలకు డిమాండ్ పెరుగుతోంది. అయితే చాలా మంది ఇప్పటికీ ఎలక్ట్రిక్ వాహనాల రేంజ్, ఛార్జింగ్ సమయం ఎక్కువ అని ఫిర్యాదు చేస్తూనే ఉన్నారు. కానీ ఈ సమస్య త్వరలోనే పరిష్కారం కానుంది. చైనా ఆటోమొబైల్ దిగ్గజం Geely ఒక అద్భుతమైన టెక్నాలజీని తీసుకొచ్చింది. ఇది గ్రాండ్ గ్లోబల్ ఆటో మార్కెట్‌లో సంచలనం సృష్టించింది. Geely తన కొత్త 2.25 మెగావాట్ల స్మార్ట్ ఛార్జింగ్ టెక్నాలజీ ఆవిష్కరించింది.

ఈ సాంకేతికత అనుకూలంగా ఉండే ఏ ఎలక్ట్రిక్ వాహనం బ్యాటరీనైనా కేవలం 4 నిమిషాల 30 సెకన్లలో 10 శాతం నుంచి 70 శాతం వరకు ఛార్జ్ చేయగలదు. 10 శాతం నుంచి 97% వరకు ఛార్జింగ్ కావడానికి కేవలం 8 నిమిషాల 40 సెకన్ల సమయం పడుతుంది. BYD, CATL వంటి దిగ్గజ కంపెనీలు కూడా ఆల్ట్రా-ఫాస్ట్ ఛార్జింగ్ రేసులో పోటీ పడుతున్న సమయంలో ఈ వార్త బయటకు వచ్చింది. ఈ ఛార్జర్, ఛార్జింగ్ టెక్నాలజీ గురించి మరిన్ని వివరాలు ఇక్కడ అందిస్తున్నాం. 

2.25 మెగావాట్ల ఆల్ట్రా-పావర్ ఫుల్ ఛార్జింగ్ నెట్‌వర్క్

Geely ఈ కొత్త ఛార్జింగ్ సెటప్ 2.25 మెగావాట్ల పీక్ ఛార్జింగ్ పవర్ సామర్థ్యాన్ని కలిగి ఉంది. ఈ సామర్థ్యం ప్రస్తుతం అమెరికా లేదా యూరప్‌లో అందుబాటులో ఉన్న ఫాస్ట్ ఛార్జింగ్ స్టేషన్ల కంటే చాలా రెట్లు ఎక్కువ అని చెప్పదచ్చు. అక్కడ 10 నుంచి 80 శాతం ఛార్జ్ కావడానికి దాదాపు 20 నుంచి 40 నిమిషాలు పడుతుంది.

గీలీ కంపెనీ ఈ ఆల్ట్రా-ఫాస్ట్ టెక్నాలజీని తన ప్రీమియం బ్రాండ్స్ Lynk & Co, Zeekr మోడళ్లపై పరీక్షించింది. ఇంత తక్కువ సమయంలో భారీ పరిమాణంలో విద్యుత్ బదిలీ చేయడం ద్వారా Geely ఛార్జింగ్ స్పీడ్‌లో వరల్డ్ రికార్డును నెలకొల్పింది.

మొత్తం సిస్టమ్‌ను కంట్రోల్ చేయనున్న AI

ఇంత వేగంతో బ్యాటరీలోకి విద్యుత్ ప్రవహించినప్పుడు ఓవర్‌ హీటింగ్, బ్యాటరీ పాడైపోవడం ప్రమాదంగా మారుతుంది. అయితే ఈ ప్రమాదాన్ని నివారించడానికి Geely రియల్-టైమ్ ఆర్టిఫిషియల్ ఇంటెలిజెన్స్ (AI) సిస్టమ్‌ను సైతం వినియోగిస్తోంది. ఈ AI మోడల్ ఛార్జింగ్ సమయంలో బ్యాటరీ ఉష్ణోగ్రతను 30 సెకన్ల ముందే ఊహించి, పవర్ ఫ్లోను అడ్జస్ట్ చేస్తుంది. దీనివల్ల మొత్తం ఛార్జింగ్ ప్రక్రియలో బ్యాటరీ సగటు ఉష్ణోగ్రత 55 డిగ్రీల సెల్సియస్ కంటే తక్కువగా ఉంటుంది. తద్వారా మంటలు చెలరేగడం లేదా ఇంటర్నల్ పార్ట్స్ డ్యామేజీ కావడం జరగవచ్చు.

ఈ టెక్నాలజీతో పెరగనున్న బ్యాటరీ లైఫ్

ఆల్ట్రా-ఫాస్ట్ ఛార్జింగ్ వల్ల బ్యాటరీ లైఫ్ సైకిల్ తగ్గుతుందనే ఫిర్యాదులు వస్తుంటాయి. Geely ఈ సమస్యకు ఆల్ట్రా షార్ట్ బ్లేడ్ బ్యాటరీ, పల్స్ రిస్టోరేషన్ టెక్నాలజీ ద్వారా పరిష్కారం కనుగొంది. ఛార్జింగ్ స్టేషన్ నుంచి వచ్చే మైక్రో-పల్స్ కరెంట్లు ఫాస్ట్ ఛార్జింగ్ సమయంలో యానోడ్‌పై పేరుకుపోయే లిథియం అయాన్లను మళ్లీ యాక్టివ్ చేస్తాయి. ఈ అడ్వాన్స్‌డ్ కూలింగ్, పల్స్ మేనేజ్‌మెంట్ వల్ల బ్యాటరీ లైఫ్ సాధారణం కంటే 20 శాతం వరకు పెరుగుతుందని కంపెనీ పేర్కొంది.

వేగంగా విస్తరించనున్న ఛార్జింగ్ టెక్నాలజీ

టెక్నాలజీ తయారుచేస్తే సరిపోదని, దానిని వినియోగదారులకు చేరవేయడమే అసలైన సవాలు అని తెలిపారు. 2027 నాటికి చైనా వ్యాప్తంగా 1 లక్ష కంటే ఎక్కువ ఛార్జింగ్ గన్‌లను అందుబాటులోకి తేవాలని లక్ష్యంగా పెట్టుకున్నట్లు Geely కంపెనీ తెలిపింది. టించింది. 2028 నాటికి 90,000 సూపర్ ఫాస్ట్ ఛార్జింగ్ స్టేషన్లను ఏర్పాటు చేయాలని చూస్తున్న BYD నెట్‌వర్క్‌కు నేరుగా పోటీ ఇస్తోంది. 

మరిన్ని చదవండి

1.3 లక్షలు డౌన్ పేమెంట్ చేసి Tata Aeris కారు కొనవచ్చు.. EMI ఎంత చెల్లించాలి

6 ఏళ్ల తర్వాత వచ్చిన కొత్త Mahindra Thar OG .. ఫీచర్లు, ధర, EMI లెక్కలు చూసి కొనేయండి