SUVలకు ఉండే ఆకర్షణీయమైన డిజైన్, మెరుగైన గ్రౌండ్ క్లియరెన్స్, అత్యాధునిక భద్రతా ఫీచర్లు దీనికి ప్రధాన కారణాలు. వినియోగదారులు స్టైల్, భద్రతకు ఎక్కువ ప్రాధాన్యత ఇస్తున్నారు.
అన్వేషించండి
SUV Cars Under 15 Lakh: 15 లక్షల బడ్జెట్‌లో మార్కెట్‌లో ఉన్న టాప్ ఎస్‌యూవీలు ఇవే!
SUV Cars Under 15 Lakh: భారత్‌లో ఎస్‌యూవీ కార్లకే క్రేజ్ ఎక్కువ. ముఖ్యంగా 15 లక్షల బడ్జెట్‌లో అద్భుతమైన ఫీచర్లు, అత్యుత్తమ భద్రత, వైవిధ్యమైన ఇంధన ఆప్షన్‌లో 50కిపైగా మోడల్స్ అందుబాటులో ఉన్నాయి.
15 లక్షల బడ్జెట్‌లో మార్కెట్‌లో ఉన్న టాప్ ఎస్‌యూవీలు ఇవే!
Source : freepik
- భారతదేశంలో SUVల ప్రజాదరణ పెరుగుతోంది, రూ. 15 లక్షల లోపు 56 మోడల్స్ అందుబాటులో ఉన్నాయి.
- బడ్జెట్-ఫ్రెండ్లీ మైక్రో SUVలు, కాంపాక్ట్, మిడ్-సైజ్ SUVలు విస్తృతంగా ఆదరణ పొందుతున్నాయి.
- ఎలక్ట్రిక్, హైబ్రిడ్ SUVలు ఇంధన ఖర్చు, కాలుష్యాన్ని తగ్గించడంలో సహాయపడుతున్నాయి.
- కొనుగోలుదారులు భద్రతా ఫీచర్లు, ప్రయాణ అవసరాలకు తగిన వేరియంట్లను ఎంచుకోవాలి.
SUV Cars Under 15 Lakh: భారతీయ రహదారులపై ఒకప్పుడు హ్యాచ్బ్యాక్ కార్ల హవా నడిచేది. కానీ నేడు సీన్ మారింది. సామాన్యుడి నుంచి సంపన్నుడి వరకు ప్రతి ఒక్కరూ ఎస్‌యూవీల వైపు మొగ్గు చూపుతున్నారు. దీనికి ప్రధాన కారణం కారుకు ఉండే గంభీరమైన రూపం, మెరుగైన గ్రౌండ్ క్లియరెన్స్, అత్యాధునిక భద్రతా ఫీచర్లు. ప్రస్తుతం మన దేశంలో 15 లక్షల లోపు ధరలో దాదాపు 56 రకాల ఎస్‌యూవీ మోడల్స్ అందుబాటులో ఉన్నాయి.
ఎందుకు ఈ సెగ్మెంట్‌ ఇంత పాపులర్‌?
వినియోగదారులు ఇప్పుడు కేవలం మైలేజీ మాత్రమే కాకుండా స్టెల్‌ , సేఫ్టీకి ప్రాధాన్యత ఇస్తున్నారు. 15 లక్షల బడ్జెట్ అనేది మధ్యతరగతి, ఎగువ మధ్యతరగతి ప్రజలకు అందుబాటులో ఉండే ధర. ఇందులో సెగ్మెంట్‌-లీడింగ్‌ ఫీచర్లు అంటే 36 డిగ్రీ కెమెరాలు, సన్‌రూఫ్‌లు, వెంటిలేటెడ్‌ సీట్లు వంటివి లభిస్తుండటంతో ఈ విభాగం అత్యంత పోటీగా మారింది.
ప్రస్తుతం మార్కెట్‌లో ఉన్న ఉత్తమ ఎంపికలు ఇవే!
బడ్జెట్ ఫ్రెండ్లీ మైక్రో ఎస్‌యూవీలు
తక్కువ ధరలో ఎస్‌యూవీ అనుభూతిని పొందాలనుకునే వారికి టాటా పంచ్, హ్యాందాయ్‌ ఎక్స్టర్ అద్భుతమైన ఎంపికలు. టాటా పంచ్ ధర 5.59 లక్షల నుంచి ప్రారంభమవుతుంది. హ్యూందాయ్ ఎక్స్టర్ 5.80 లక్షల ప్రారంభ ధరతో లభిస్తోంది. ఇవి ఇరుకైన నగర రహదారులపై నడపడానికి సులభంగా ఉంటాయి.
కాంపాక్ట్, మిడ్‌సైజ్ ఎస్‌యూవీలు:
ఈ విభాగంలో టాటా నెక్సాన్, మారుతి సుజుకి బ్రెజ్జా, హ్యూందాయ్ వెన్యూ తమ ఆధిపత్యాన్ని కొనసాగిస్తున్నాయి. ముఖ్యంగా టాటా నెక్సాన్ ఫైవ్ స్టార్ సేఫ్టీ రేటింగ్‌తో ప్రయాణికులకు భరోసానిస్తోంది. ఇక హ్యూందాయ్ క్రెటా, కియా స్టెలోస్ వంటి మోడల్స్ 10.79 లక్షల నుంచి 11 లక్షల ప్రారంభ ధరతో లగ్జరీ ఫీచర్లను అందిస్తున్నాయి.
ఎలక్ట్రిక్, హైబ్రిడ్ విప్లవం
కాలుష్యాన్ని తగ్గించి, ఇంధన ఖర్చును ఆదా చేయాలనుకునే వారి కోసం ఎలక్ట్రిక్ ఎస్‌యూవీలు అందుబాటులో ఉన్నాయి. టాటా పంచ్ ఈవీ సుమారు 315-468కిలోమటీర్ల రేంజ్‌ను అందిస్తుందని చెబుతున్నారు. దీని ధర 9.69 లక్షల నుంచి మొదలవుతుంది. అలాగే మారుతీ సుజుకీ విక్టోరిస్‌, గ్రాండ్ విటారా హైబ్రిడ్ టెక్నాలజీతో 28 కిలోమీటర్ల వరకు మైలేజీని ఇస్తున్నాయి.
ఆఫ్‌ రోడింగ్‌ ప్రియుల కోసం
హార్డ్ రోడ్లలో ప్రయాణించాలనుకునే వారికి మహీంద్రా థార్, మారుతి సుజుకి జిమ్మీ సరైన జోడీ. మహీంద్రా థార్ 9.99 లక్షలు ప్రారంభ ధరతో అడ్వెంచర్ ప్రియులను ఆకట్టుకుంటోంది.
కొనుగోలుదారుల కోసం సూచనలు
కారు కొనేముందు దాని గ్లోబల్ ఎన్‌క్యాప్‌ రేటింగ్ చూడండి. ప్రస్తుతం ఈ విభాగంలో 15 మోడల్స్ ఫైవ్ స్టార్ రేటింగ్‌ను కలిగి ఉన్నాయి. మీ ప్రయాణం ఎక్కువ నగరంలో ఉంటే పెట్రోల్ లేదా ఎలక్ట్రిక్, లాంగ్ డ్రైవ్స్‌ అయితే డీజిల్ , హైబ్రిడ్ వేరియంట్లను ఎంచుకోండి. కేవలం విలాసాల కోసం కాకుండా ఏబీఎస్‌, ఆరు ఎయిర్‌ బ్యాగ్‌లు, రివర్స్ కెమెరా వంటి అవసరమైన ఫీచర్లు ఉన్నాయో లేదో చూడాలి.
భారత్‌లో ఆటోమొబైల్ పరిశ్రమ వేగంగా మారుతోంది. గతంలో ఇంజిన్ సామర్థ్యంపైనే దృష్టి ఉండేది. కానీ ఇప్పుడు వినియోగదారులు కనెక్టెడ్‌ కార్ టెక్నాలజీ, సన్‌రూఫ్‌, అడ్వాన్స్‌డ్‌ డ్రైవర్ అసిస్టెన్స్ సిస్సమ్స్‌ వంటి వాటిని కోరుకుంటున్నారు. క్లాసిక్ బ్రాండ్లయిన మహీంద్రా స్కార్పియో వంటివి కూడా సరికొత్త హంగులతో స్కార్పియో ఎన్‌ రూపంలో అందుబాటులోకి వచ్చి మధ్యతరగతి వినియోగదారులకు చేరువయ్యాయి.
Frequently Asked Questions
భారతదేశంలో SUVల ప్రజాదరణకు కారణాలు ఏమిటి?
15 లక్షల లోపు ధరలో అందుబాటులో ఉన్న కొన్ని బడ్జెట్-ఫ్రెండ్లీ SUVలు ఏవి?
టాటా పంచ్ (5.59 లక్షల నుండి) మరియు హ్యుందాయ్ ఎక్స్టర్ (5.80 లక్షల నుండి) బడ్జెట్-ఫ్రెండ్లీ మైక్రో-SUVలుగా ఉన్నాయి. ఇవి నగరాల్లో నడపడానికి అనువుగా ఉంటాయి.
ఎలక్ట్రిక్ మరియు హైబ్రిడ్ SUVల గురించి చెప్పండి.
కాలుష్యాన్ని తగ్గించడానికి, ఇంధన ఖర్చును ఆదా చేయడానికి ఎలక్ట్రిక్ SUVలు అందుబాటులో ఉన్నాయి. టాటా పంచ్ EV సుమారు 315-468 కిమీల రేంజ్ అందిస్తుంది. గ్రాండ్ విటారా హైబ్రిడ్ 28 కిమీల మైలేజీ ఇస్తుంది.
SUV కొనుగోలు చేసేటప్పుడు ఏయే అంశాలను పరిగణించాలి?
కారు గ్లోబల్ NCAP రేటింగ్, మీ ప్రయాణ అవసరాలకు తగిన ఇంజిన్ (పెట్రోల్, డీజిల్, హైబ్రిడ్), మరియు ABS, ఎయిర్‌బ్యాగ్‌లు, రివర్స్ కెమెరా వంటి ముఖ్యమైన భద్రతా ఫీచర్లు ఉన్నాయో లేదో తనిఖీ చేయాలి.
టాప్ హెడ్ లైన్స్
ఆటో
కొత్త కారు కొంటున్నారా? షోరూమ్ ధర చూసి మురిసిపోకండి.. మీ జేబుకు చిల్లు పెట్టే 5 అదనపు ఖర్చులివి!
ఆటో
Maruti Brezza CNG కారు 2 లక్షలు డౌన్ పేమెంట్ చెల్లిస్తే EMI ఎంత కట్టాలి? మైలేజీ, పూర్తి వివరాలు
ఆటో
2026 Skoda Slavia.. ఈ వేరియంట్‌లోనే అసలైన వాల్యూ! ఫీచర్లు కూడా అదుర్స్!
ఆటో
Hyundai కార్లపై మీరు నమ్మలేనన్ని ఆఫర్లు, డిస్కౌంట్లు! ఈ నెలాఖరు వరకే ఛాన్స్‌
ట్రెండింగ్ వార్తలు
