Budget Motorcycles:క్రూయిజర్ బైక్ కొనాలనుకుంటున్నారా? రూ. 2 లక్షల లోపు లభించే బెస్ట్ మోడళ్లు ఇవే!

Budget Motorcycles:తక్కువ బడ్జెట్‌లో స్టైలిష్ లుక్, కంఫర్టబుల్ రైడింగ్ ఇచ్చే క్రూయిజర్ బైకుల జాబితా గురించి చూద్దాం. ధరలు, ఫీచర్లు, ఇంజిన్ సామర్థ్యం వంటి పూర్తి వివరాలు ఈ విధంగా ఉన్నాయి.

క్రూయిజర్ బైక్ కొనాలనుకుంటున్నారా? రూ. 2 లక్షల లోపు లభించే బెస్ట్ మోడళ్లు ఇవే!

Source : Social Media

Show Quick Read

Key points generated by AI, verified by newsroom

• భారతదేశంలో 2 లక్షల లోపు బడ్జెట్ క్రూయిజర్ బైకులు లభిస్తున్నాయి.
• హోండా CB350, రాయల్ ఎన్ఫీల్డ్ మీటియోర్ 350 వంటివి అందుబాటులో ఉన్నాయి.
• జావా 42 బాబర్, క్లాసిక్ 350, బుల్లెట్ 350 ఆకర్షిస్తున్నాయి.
• TVS రోనిన్, బజాజ్ అవెంజర్ బైకులు కూడా మంచి ఎంపికలు.

Budget Motorcycles:ఇండియ‌న్ వాహనదారులకు క్రూయిజర్ మోటార్ సైకిళ్లంటే ఎప్పుడూ ఒక ప్రత్యేకమైన క్రేజ్ ఉంటుంది. వీటి రిలాక్స్డ్ సీటింగ్ పొజిషన్, రెట్రో స్టైలింగ్, లాంగ్ డ్రైవ్స్‌లో ఇచ్చే కంఫర్ట్ రైడర్లను ఎంతగానో ఆకట్టుకుంటాయి. సిటీ ట్రాఫిక్‌లో ప్రయాణానికైనా, హైవేలపై లాంగ్ టూర్లకైనా ఈ బైకులు పక్కాగా సరిపోతాయి. ప్రస్తుతం మార్కెట్లో రూ. 2 లక్షల లోపు ఎక్స్-షోరూమ్ ధరతో లభిస్తున్న టాప్ క్రూయిజర్, రెట్రో బైకుల గురించి తెలుసుకుందాం.

హోండా CB350 (రూ. 1.97 లక్షల నుంచి)..

క్లాసిక్ రోడ్‌స్టర్ లుక్ తో వచ్చే ఈ బైక్‌లో 348cc ఎయిర్-కూల్డ్ ఇంజిన్ ఉంటుంది. ఇందులో ట్రాక్షన్ కంట్రోల్, స్లిప్పర్ క్లచ్ వంటి ఆధునిక ఫీచర్లు ఉన్నాయి.

రాయల్ ఎన్‌ఫీల్డ్ మీటియోర్ 350 (రూ. 1.96 లక్షల నుంచి)..

లాంగ్ డిస్టెన్స్ క్రూయిజింగ్ కోసం దీనిని డిజైన్ చేశారు. తక్కువ సీటు ఎత్తు, ట్రిప్పర్ నావిగేషన్ దీని ప్రత్యేకతలు.

జావా 42 బాబర్ (రూ. 1.94 లక్షల నుంచి):

సింగిల్ సీట్ లేఅవుట్, లో-స్లంగ్ స్టాన్స్‌తో ఇది చాలా యూనిక్ గా కనిపిస్తుంది. 334cc లిక్విడ్-కూల్డ్ ఇంజిన్ దీనికి పవర్ ఇస్తుంది.

హోండా CB350 హైనెస్ (రూ. 1.92 లక్షల నుంచి)..

రెట్రో డిజైన్ కు మోడ్రన్ టెక్నాలజీని జత చేసిన బైక్ ఇది. బ్లూటూత్ కనెక్టివిటీ వంటి ఫీచర్లు ఇందులో లభిస్తాయి.

జావా 42 FJ (రూ. 1.84 లక్షల నుంచి)..

క్లాసిక్ డిజైన్ కు మోడ్రన్ ఎలిమెంట్స్ జోడించిన లేటెస్ట్ వెర్షన్ ఇది. రిఫైన్డ్ లిక్విడ్-కూల్డ్ ఇంజిన్ మెరుగైన రైడింగ్ అనుభవాన్ని ఇస్తుంది.

రాయల్ ఎన్‌ఫీల్డ్ క్లాసిక్ 350 (రూ. 1.83 లక్షల నుంచి)..

దేశంలో అత్యంత పాపులర్ మోడల్ ఇది. జే-సిరీస్ ఇంజిన్, డ్యూయల్ ఛానల్ ఏబీఎస్ వంటి ఫీచర్లతో టైమ్‌లెస్ స్టైలింగ్‌ను కలిగి ఉంటుంది.

రాయల్ ఎన్‌ఫీల్డ్ బుల్లెట్ 350 (రూ. 1.62 లక్షల నుంచి)..

దశాబ్దాల వారసత్వాన్ని కొనసాగిస్తున్న ఈ బైక్, ఇప్పుడు అప్‌డేటెడ్ ఇంజిన్‌తో మరింత స్మూత్ గా మారింది.

రాయల్ ఎన్‌ఫీల్డ్ హంటర్ 350 (రూ. 1.38 లక్షల నుంచి)..

సిటీ రైడింగ్ కు అనుకూలంగా ఉండే లైట్ వెయిట్ బైక్ ఇది. కాంపాక్ట్ డిజైన్ తో యువతను బాగా ఆకర్షిస్తోంది.

టీవీఎస్ రోనిన్ (రూ. 1.27 లక్షల నుంచి)..

క్రూయిజర్, స్క్రాంబ్లర్ కలయికగా ఈ బైక్ రూపొందింది. జీటీటీ (GTT), ఎల్‌ఈడీ లైటింగ్ వంటి స్మార్ట్ ఫీచర్లు ఇందులో ఉన్నాయి.

బజాజ్ అవెంజర్ 220 క్రూయిజ్ (రూ. 1.26 లక్షల నుంచి)..

తక్కువ బడ్జెట్‌లో పక్కా క్రూయిజర్ ఫీల్ ఇచ్చే బైక్ ఇది. విండ్‌షీల్డ్, ఫార్వర్డ్ ఫుట్‌పెగ్స్ హైవే ప్రయాణాలను సులభతరం చేస్తాయి.

బజాజ్ అవెంజర్ స్ట్రీట్ 160 (రూ. 1.12 లక్షల నుంచి)..

ఈ జాబితాలో అత్యంత చవకైన క్రూయిజర్ బైక్ ఇదే. సిటీ కమ్యూటింగ్ కోసం తక్కువ ఖర్చుతో కూడిన ఆప్షన్ వెతికే వారికి ఇది బెస్ట్ ఛాయిస్. రూ. 2 లక్షల లోపు సెగ్మెంట్‌లో ఇప్పుడు కస్టమర్లకు ఎన్నో ఆప్షన్లు అందుబాటులో ఉన్నాయి. క్లాసిక్ డిజైన్ కావాలా లేక మోడ్రన్ ఫీచర్లు ఉండాలా అనే దానిపై ఆధారపడి మీరు సరైన బైక్‌ను ఎంచుకోవచ్చని విశ్లేష‌కులు పేర్కొంటున్నారు.