BYD SEAL: ఆకట్టుకునే ఫీచర్లతో రానున్న బీవైడీ ఎలక్ట్రిక్ కారు - ఎలా ఉందో చూశారా?
ఆటో ఎక్స్‌పో 2023లో బీవైడీ సీల్ కారు లాంచ్ అయింది.
Auto Expo 2023: మార్కెట్‌ను పిచ్చెక్కించడానికి వస్తున్న ఎలక్ట్రిక్ కారు BYD SEAL. ఇది చాలా అందంగా ఉంది. ఆటో ఎక్స్‌పో 2023లో దీన్ని ప్రదర్శించారు. దీంతోపాటు చైనీస్ వాహన తయారీ సంస్థ BYD భారతదేశంలో తన పట్టును బలోపేతం చేయడానికి BYD ATTO 3 Limited Edition కారును కూడా విడుదల చేసింది. ఈ కారును ఫారెస్ట్ గ్రీన్ కలర్‌లో కూడా చూడవచ్చు.
బీవైడీ సీల్ వివరాలు
BYD SEAL 2023 చివరి నాటికి భారతదేశంలో లాంచ్ కానుంది. ఈ కారు కేవలం 3.8 సెకన్లలోనే 0 నుంచి 100 కి.మీ వేగాన్ని అందుకుంటుంది. ఒక్కసారి ఛార్జ్ చేస్తే 700 కిలోమీటర్లు నడుస్తుంది. ఇందులో టెక్నాలజీ అద్భుతంగా ఉంటుందని కంపెనీ పేర్కొంది.
బీవైడీ సీల్‌ను ఈ-ప్లాట్‌ఫారమ్ 3.0పై రూపొందించారు. ఇది అల్ట్రా సేఫ్ బ్లేడ్ బ్యాటరీని కలిగి ఉంటుంది. ఇది అత్యంత సురక్షితమని తెలిపారు. సేఫ్టీ, స్టెబిలిటీ, హ్యాండ్లింగ్, పెర్ఫామెన్స్ పరంగా అత్యుత్తమంగా నిరూపించుకుంటామని కంపెనీ తెలిపింది. ఈ కారు సీబీటీ టెక్నాలజీపై పని చేయనుంది.
ఈ టెక్నాలజీ ద్వారా కారుకు ముందు, వెనుక యాక్సిల్స్‌పై చెరో 50 శాతం యాక్సిల్ లోడ్ పడనుంది. ఇది కారును మెరుగుపరచడంలో సహాయపడుతుంది. ఈ టెక్నాలజీ కారుకు లాంగ్ రేంజ్ కూడా ఇస్తుంది. కారులో సేఫ్టీ ఇంటీరియర్ స్ట్రక్చర్‌ను అందించనున్నారు. దీన్ని భారతీయ రోడ్ల ప్రకారం రూపొందించారు.
BYD ఆటో కంపెనీ ఏ దేశానికి చెందినది?
BYD ఆటో చైనాలోని ప్రముఖమైన టాప్ కార్ కంపెనీలలో ఒకటి. ఎలక్ట్రిక్ కార్ల విభాగంలో ప్రపంచవ్యాప్తంగా వస్తున్న మార్పుల కారణంగా ఈ కంపెనీ భారతదేశంలో కూడా తమ అదృష్టాన్ని పరీక్షించుకునేందుకు ప్రయత్నిస్తోంది. 2023లో భారత్‌లో తమ సర్వీస్ సెంటర్లను రెట్టింపు చేస్తామని కంపెనీ తెలిపింది. ఓవరాల్‌గా ఈ కారు ఎంత బాగుంటుందో, ఎంత మెరుగ్గా ఉంటుందో రాబోయే కాలమే చెప్పాలి. ఎందుకంటే ఇది ఇప్పటికే మార్కెట్లో కింగ్‌మేకర్‌లుగా ఉన్న భారతదేశంలోని మారుతీ, టాటా వంటి కంపెనీలతో పోటీ పడుతోంది.
View this post on Instagram
టాప్ హెడ్ లైన్స్
ట్రెండింగ్ వార్తలు
