దాడి సమయంలో Tiger Shroff వెళ్తున్న BMW Car ఎంత వరకు సేఫ్? బుల్లెట్‌ప్రూఫ్ కోసం ఖర్చు ఎంత

నటుడు టైగర్ ష్రాఫ్‌పై దాడి జరిగిన సమయంలో ఆయన ఏ కారులో ఉన్నారు? ఈ కార్లు ఎంతవరకు సేఫ్ , భద్రత కోసం బుల్లెట్‌ప్రూఫ్ చేయడానికి ఎంత ఖర్చవుతుందో తెలుసుకోండి.

దాడి సమయంలో టైగర్ ష్రాఫ్‌ ప్రయాణిస్తున్న కారు

Source : Social Media

Show Quick Read

Key points generated by AI, verified by newsroom

• టైగర్ ష్రాఫ్ కారుపై దాడి వాహన భద్రతపై చర్చకు దారితీసింది.
• సాధారణ BMWలు పటిష్టంగా ఉన్నా, బుల్లెట్‌ప్రూఫింగ్ ప్రత్యేక మార్పులు కోరుతుంది.
• బుల్లెట్‌ప్రూఫింగ్‌కు మల్టీ-లేయర్ గ్లాస్, బలమైన ప్యానెళ్లు కోటి వరకు ఖర్చు.
• కంపెనీ ఫిట్టెడ్ బుల్లెట్‌ప్రూఫ్ BMW కార్లు పదిహేను కోట్ల వరకు ధర.

బాలీవుడ్ నటుడు టైగర్ ష్రాఫ్‌పై జరిగిన దాడి ఫిల్మ్ ఇండస్ట్రీలో కలకలం రేపింది. కాల్పులు, దాడి జరిగిన సమయంలో టైగర్ ష్రాఫ్ తన లగ్జరీ కార్ BMW లో వెళ్తున్నారు. ముగ్గురు అపరిచిత వ్యక్తులు ఆయన కారుపై అకస్మాత్తుగా కాల్పులు జరిపారు. అయితే వెంటనే అప్రమత్తం కావడంతో టైగర్ ష్రాఫ్ పూర్తిగా సురక్షితంగా బయటపడ్డారు. ఈ ఘటన తర్వాత అసలు టైగర్ ష్రాఫ్ ప్రయాణిస్తున్న కారు ఎంత వరకు సేఫ్.. ఏ కారులో ప్రయాణిస్తున్నారని సెర్చ్ చేస్తున్నారు. 

ఇలాంటి దాడుల గురించి తెలిసినప్పుడల్లా వాహనాల బిల్డ్ క్వాలిటీ, సేఫ్టీ టెక్నాలజీ గురించి చర్చ జరుగుతుంది. BMW చాలా ఏళ్ల నుండి తన వాహనాల్లో భద్రతకు ప్రత్యేక ప్రాధాన్యత ఇస్తోంది. కానీ ఏ కారునైనా తుపాకీ కాల్పులు లేదా బాంబు పేలుళ్ల నుండి పూర్తిగా కాపాడాలంటే విడిగా స్పెషల్ బుల్లెట్‌ప్రూఫింగ్ అవసరమవుతుంది. కనుక ఈ లగ్జరీ కార్లు ఎంత బలంగా ఉంటాయి, ఏదైనా కారును పూర్తిగా బుల్లెట్‌ప్రూఫ్ చేయడానికి ఎంత ఖర్చవుతుందో తెలుసుకుందాం.

BMW కార్లు ఎంత వరకు సేఫ్

మొదట BMW వాహనాలు ఎంత పటిష్టంగా ఉంటాయో తెలుసుకోవాలి. BMW లగ్జరీ కార్లు సేఫ్టీ సిస్టమ్, ప్రీమియం బిల్డ్ క్వాలిటీకి పేరుగాంచాయి. ఈ వాహనాల నిర్మాణంలో హై-స్ట్రెంగ్త్ స్టీల్, అల్యూమినియం, బలమైన కాంపోజిట్ మెటీరియల్‌ వాడతారు. దీనివల్ల ఏదైనా ప్రమాదం లేదా ఢీకొన్న సమయంలో కారులోని వ్యక్తులను కారు చాలా వరకు సురక్షితంగా ఉంచుతుంది.

వీటిలో అనేక అడ్వాన్స్‌డ్ ఎయిర్‌బ్యాగ్‌లు, యాంటీ లాక్ బ్రేకింగ్ సిస్టమ్, క్రాష్ సెన్సార్లు, స్టెబిలిటీ కంట్రోల్ వంటి ఫీచర్లు ఉంటాయి. దీనివల్ల బీఎండబ్ల్యూ కంపెనీ సాధారణ కమర్షియల్ వాహనాలు ప్రమాదాలను సులభంగా తట్టుకోగలవు. నేరుగా జరిగే గన్‌ఫైర్ నుండి తప్పించుకోవడానికి కారు స్పెషల్ ఆర్మార్డ్ కారు అయి ఉండాలి. 

బుల్లెట్‌ప్రూఫ్ చేయడానికి ఏం కావాలి 

కారును బుల్లెట్‌ప్రూఫ్ చేసినప్పుడల్లా అందులో అనేక రకాల టెక్నాలజీని ఉపయోగిస్తారు. ముందుగా కారు అద్దాలను తొలగించి అనేక లేయర్స్ ఉన్న మల్టీ-లేయర్ బ్యాలిస్టిక్ గ్లాస్‌ను అమరుస్తారు. దీనివల్ల ఈ అద్దాలు బులెట్ల వేగాన్ని, దాడిని దాదాపుగా నిరోధిస్తాయి. కారు బాడీ ప్యానెల్, తలుపులు, పైకప్పు, ఫ్లోర్‌లో కెవ్లార్, అరామిడ్ ఫైబర్, హై-గ్రేడ్ బ్యాలిస్టిక్ స్టీల్ బలమైన లేయర్లను జోడిస్తారు. కారు టైర్లలో రన్-ఫ్లాట్ టెక్నాలజీ కలిగిన టైర్లను ఉపయోగిస్తారు. ఇవి తుపాకీ బుల్లెట్ తగిలినా లేదా పూర్తిగా పంక్చర్ అయినా కూడా కారును చాలా దూరం వరకు సురక్షితంగా తీసుకెళతాయి. 

ఎంత ఖర్చవుతుంది?

మీరు ఏదైనా కారును బుల్లెట్‌ప్రూఫ్ మోడిఫై చేయించుకోవాలనుకుంటే, దాని ఖర్చు సెక్యూరిటీ లెవెల్‌ను బట్టి ఉంటుంది. భారత్‌లో బేసిక్ లెవెల్ బుల్లెట్‌ప్రూఫింగ్ ప్రారంభ ఖర్చు దాదాపు రూ.25 లక్షల నుంచి రూ.40 లక్షల వరకు ఉంటుంది. ఈ లెవెల్ చిన్న ఆయుధాలు, పిస్టల్ కాల్పుల నుంచి మిమ్మల్ని రక్షిస్తుంది. 

మీరు కనుక AK-47 వంటి అసాల్ట్ రైఫిల్స్, గ్రెనేడ్ పేలుళ్ల బారి నుంచి తప్పించుకోవడానికి హై-లెవెల్ సేఫ్టీ కోరుకుంటే అందుకో సం రూ.50 లక్షల నుంచి రూ.1 కోటి వరకైనా ఖర్చు చేయాలి.  సర్టిఫైడ్ సెక్యూరిటీ ఏజెన్సీలు మాత్రమే ఈ పనిని చేస్తాయి.

BMW ధర ఎంత ?

మోడిఫికేషన్ కాకుండా BMW తన సెక్యూరిటీ సిరీస్ కింద ఫ్యాక్టరీ-ఫిట్టెడ్ బుల్లెట్‌ప్రూఫ్ వాహనాలను తయారు చేస్తుంది. ఉదాహరణకు BMW 7 Series Protection లేదా X5 Protection VR6 మోడల్స్ చూడటానికి సాధారణ లగ్జరీ కారులాగే కనిపిస్తాయి. కానీ లోపల ఉంటే మీరు చాలా సేఫ్. ఎందుకంటే వీటిలో ఫ్యాక్టరీ నుండి VR6 లేదా VR9 లెవెల్ బ్యాలిస్టిక్ సేఫ్టీ ఇస్తారు. ఈ వాహనాలు బుల్లెట్లతో పాటు పేలుళ్లను కూడా తట్టుకోగలవు. భారత్‌లో ఇలాంటి కంపెనీ-ఫిట్టెడ్ ఆర్మార్డ్ కార్ల ధర పన్నులతో కలిపి దాదాపు రూ.10 కోట్ల నుంచి రూ. 15 కోట్ల వరకు ఉంటుంది. 

మరిన్ని చదవండి

రూ.23 వేలు డౌన్ పేమెంట్ కడితే VLF Strada ఎలక్ట్రిక్ స్కూటర్ నెలవారీ EMI ఎంత

Renault Duster Hybrid లాంచ్.. 29 కి.మీ మైలేజ్ ఇచ్చే కారు ధర హైదరాబాద్‌లో ఎంతంటే