2026 Bajaj Pulsar NS125 కొత్త అవతార్.. ఇక LCD డిస్‌ప్లేతో పాటు మరిన్ని ఫీచర్లు!
2026 బజాజ్ పల్సర్ NS125 కొత్త LCD డిస్‌ప్లే, కొత్త రంగులతో రానుంది. ఇంజిన్, ధర, ఫీచర్లు & లాంచ్ వివరాలను ఇక్కడ తెలుసుకోండి.
2026 Bajaj Pulsar NS125 Details: బజాజ్ ఆటో తన ఎంట్రీ లెవల్ స్పోర్టీ కమ్యూటర్ బైక్ పల్సర్ NS125ను అప్‌డేట్ చేయడానికి సిద్ధమవుతోంది. 2026 మోడల్‌కు సంబంధించిన వివరాలు లీక్ అయ్యాయి. ఈ కొత్త బైక్ ఇప్పటికే డీలర్‌షిప్‌ల వద్ద కనిపించినట్లు లీక్ అయిన ఫోటోలను బట్టి తెలుస్తోంది. బైక్‌లు డీలర్‌షిప్‌లకు చేరాయి కాబట్టి, త్వరలోనే అధికారిక లాంచ్ జరిగే అవకాశం ఉంది.
కొత్త LCD డిస్‌ప్లే
2026 పల్సర్ NS125లో కనిపించే ప్రధాన మార్పు కొత్త ఇన్‌స్ట్రుమెంట్ క్లస్టర్. ప్రస్తుతం ఉన్న నెగెటివ్ LCD యూనిట్ స్థానంలో కొత్త ఫుల్ కలర్ LCD డిస్‌ప్లే రానుంది. బజాజ్ ఇటీవల అప్‌డేట్ చేసిన ఇతర పల్సర్ మోడళ్లకు అనుగుణంగా ఈ మార్పు చేసింది.
ఇటీవల అప్‌డేట్ అయిన పల్సర్ 125, పల్సర్ 150 & N160లో కూడా ఇలాంటి డిస్‌ప్లేలు అందుబాటులో ఉన్నాయి. NS125లోని కొన్ని అధిక వేరియంట్లకు 5 అంగుళాల TFT డిస్‌ప్లే కూడా వచ్చే అవకాశం ఉంది. ఇదే డిస్‌ప్లే N160 SS, పల్సర్ 125, పల్సర్ 150, NS200 & NS400Zలోని కొన్ని వేరియంట్లలో కనిపిస్తుంది.
ఈ TFT డిస్‌ప్లే వస్తే గూగుల్ మ్యాప్స్ మిర్రరింగ్, కనెక్టెడ్ ఫీచర్లు వంటి సౌకర్యాలు లభించే అవకాశం ఉంది. అయితే ఇవి ఏ వేరియంట్లలో ఉంటాయనే విషయాన్ని బజాజ్ అధికారికంగా ప్రకటించాల్సి ఉంది.
కొత్త రంగుల్లో పల్సర్ NS125
డిస్‌ప్లేతో పాటు బజాజ్ కొత్త కలర్ ఆప్షన్లను కూడా తీసుకురానుంది. డీలర్‌షిప్‌ల వద్ద కనిపించిన బైక్‌లలో బ్లాక్ & రెడ్, బ్లాక్ & నియాన్ గ్రీన్, బ్లాక్ & గ్రే కలర్ కాంబినేషన్లు ఉన్నాయి.
కొత్త గ్రాఫిక్స్‌తో NS125 మరింత స్పోర్టీగా కనిపించనుంది. ఇటీవల అప్‌డేట్ చేసిన పల్సర్ మోడళ్లకు అనుగుణంగా దీని డిజైన్ కూడా ఉండనుంది. ముఖ్యంగా యువతను ఆకట్టుకునేలా రంగులు & గ్రాఫిక్స్‌లో మార్పులు చేసినట్లు తెలుస్తోంది.
ఇది కూడా చదవండి: కుర్రాళ్ల బైక్ Triumph Tracker 400ను కేవలం రూ.30,000 డౌన్‌పేమెంట్‌తోనే సొంతం చేసుకోండి!
ఇంజిన్‌లో మార్పులు లేవు
కొత్త NS125లో యాంత్రికంగా పెద్ద మార్పులు ఉండకపోవచ్చని తెలుస్తోంది. ప్రస్తుతం ఉన్న 124.45cc, ఎయిర్ కూల్డ్, 4-స్ట్రోక్, SOHC, 4-వాల్వ్ ఇంజిన్ కొనసాగుతుంది. ఈ ఇంజిన్ సుమారు 12hp శక్తిని 8,500rpm వద్ద అందిస్తుంది. 11Nm టార్క్‌ను 7,000rpm వద్ద విడుదల చేస్తుంది.
ఈ ఇంజిన్‌కు 5-స్పీడ్ గేర్‌బాక్స్ ఉంటుంది. పనితీరు పరంగా ఇది అప్‌డేట్ చేసిన క్లాసిక్ పల్సర్ 125 కంటే కొంత ఎక్కువ శక్తిని అందిస్తుంది. 124.8cc ఇంజిన్‌తో వచ్చే TVS రైడర్‌కు కూడా ఇది పోటీగా ఉంటుంది.
ధర ఎంత ఉండొచ్చు?
ప్రస్తుతం బజాజ్ పల్సర్ NS125 ప్రారంభ ధర రూ.99,622గా ఉంది. ఇది ఎక్స్-షోరూమ్ ధర. బజాజ్ N125 ధర రూ.92,270 (ఎక్స్-షోరూమ్) నుంచి ప్రారంభమవుతుంది. అప్‌డేట్ చేసిన క్లాసిక్ పల్సర్ 125 ధర సుమారు రూ.92,900 (ఎక్స్-షోరూమ్)గా ఉంది.
కొత్త LCD లేదా TFT డిస్‌ప్లే కారణంగా NS125 ధరలో కొంత పెరుగుదల ఉండే అవకాశం ఉంది. ఇదే జరిగితే, 125cc విభాగంలోని ఇతర ఫీచర్ రిచ్ బైక్‌ల ధరలతో దీని ధర మరింత దగ్గరగా ఉంటుంది. అంటే, కాంపిటీటివ్‌ ప్రైస్‌ ఉంటుంది.
ఇది కూడా చదవండి: ట్రయంఫ్ ట్రాకర్ 400 పెర్ఫార్మెన్స్‌ టెస్ట్.. యాక్సిలరేషన్‌, బ్రేకింగ్ వ్యవస్థల నిజమైన పనితీరు ఇదే!
ఇప్పటికే కొత్త NS125 డీలర్‌షిప్‌లకు చేరుకున్నట్లు సమాచారం. లాంచ్ & డెలివరీలు త్వరలోనే ప్రారంభమయ్యే అవకాశం ఉంది. అయితే ధర, వేరియంట్లు, ఫీచర్లపై బజాజ్ నుంచి అధికారిక ప్రకటన రావాల్సి ఉంది.
ఇంకా ఇలాంటి ఆటోమొబైల్‌ వార్తలు & అప్‌డేట్స్‌ కోసం "ABP దేశం" 'ఆటో' సెక్షన్‌ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
