Weekly Horoscope :ఈ రాశులవారికి వాలంటైన్ వీక్ అద్భుతంగా ఉంటుంది..కానీ ఆర్థిక విషయాల్లో జాగ్రత్త!

Your Weekly Horoscope For February 10 to 16 : గ్రహాల కదలిక, నక్షత్రాల ఆధారంగా జ్యోతిష్యులు రాశి ఫలితాలను అంచనా వేస్తారు. ఈ వారం రాశి ఫలాలు ఇక్కడ తెలుసుకోండి.

Weekly Horoscope

Source : Pinterest

 Weekly Horoscope : ఫిబ్రవరి 10 సోమవారం నుంచి ఫిబ్రవరి 16 ఆదివారం వరకూ వారఫలాలు ఇక్కడ తెలుసుకోండి..

మేష రాశి (Aries Weekly Horoscope) 

మీ వారం ప్రారంభం మీకు అదిరిపోతుంది. ఆరోగ్యం చాలా బాగుంటుంది. అధ్యయనాలు చేసేవారు శుభఫలితాలు పొందుతారు. ఇంటి అవసరాలను ప్రత్యేకంగా చూసుకుంటారు. స్నేహితులతో చాలా మంచి సమయం గడుపుతారు. పెండింగ్ పనులు పూర్తిచేస్తారు. ప్రేమికులను గుడ్డిగా నమ్మవద్దు. మీ తప్పు అలవాట్లపై నియంత్రణ పొందడానికి ప్రయత్నించండి. పెద్ద పెట్టుబడి పెట్టడానికి ముందు మరోసారి ఆలోచించండి..అనుభవజ్ఞుల సలహాలు స్వీకరించండి.

కర్కాటక రాశి (Cancer Weekly Horoscope)  

ముఖ్యమైన పనులను ఈ వారం పూర్తి చేస్తారు. మీరున్న రంగంలో ముందుకు సాగడానికి తరచుగా అవకాశాలు ఉంటాయి. మతపరమైన పనులలో డబ్బు ఖర్చు చేస్తారు. ఈ వారం ఉద్యోగ వ్యక్తులకు మంచి జరుగుతుంది. విద్యార్థులు పరీక్షలో గొప్ప ఫలితాలను పొందుతారు. కుటుంబ సభ్యులతో మంచి సమయాన్ని గడపాలని కోరుకుంటారు. సమాజంలో మీ ఖ్యాతి పెరుగుతుంది. వ్యాపారంలో ఆర్థిక ప్రయోజనాలు ఉండవచ్చు. కొన్ని విషయాల్లో మీ ఆలోచనా విధానం అల్లకల్లోలంగా ఉంటుంది. లావాదేవీ సమయంలో జాగ్రత్తగా ఉండాలి. కొత్త పరిచయాలను ఎక్కువ విశ్వశించవద్దు. స్థిరాస్తిని కొనుగోలు చేసే ఆలోచన చేస్తారు. శత్రువుల గురించి మనసులో ఏదో తెలియని భయం ఉంటుంది.

సింహ రాశి (Leo Weekly Horoscope)

ఈ వారం మీలో సానుకూల శక్తి ఉంటుంది. వ్యాపారంలో పెరిగిన అమ్మకాలు మీ ఆదాయాన్ని పెంచుతాయి. భాగస్వామ్య వ్యాపారంలో కొన్ని వివాదాలు ఎదురుకావొచ్చు. విద్యార్థులు అధ్యయనాలపై చాలా శ్రద్ధ వహిస్తారు. అదనపు ఆదాయ వనరులు అభివృద్ధి చెందుతాయి. వివాహ సంబంధాలు బావుంటాయి. ఆస్తి కొనుగోలు మరియు అమ్మకంలో జాగ్రత్త వహించండి.  కుటుంబ సభ్యుల అవసరాలను గౌరవించండి.  

కన్యా రాశి  (Virgo Weekly Horoscope) 

మీ వారం ప్రారంభం మీకు చాలా బావుంటుంది. నూతన వ్యాపారం ప్రారంభించాలి అనుకునేవారికి ఇదే సరైన సమయం. వైవాహిక జీవితం చాలా మధురంగా ​​ఉంటుంది. మీ జీవనశైలి సమతుల్యతతో ఉంటుంది. కుటుంబ సభ్యుడి కెరీర్లో సాధించిన విజయాన్ని ఆనందిస్తారు.  నిరుద్యోగులకు ఉద్యోగ అవకాశాలు వస్తాయి. మంగళవారం, శనివారం అనారోగ్య సమస్యలు ఇబ్బందిపెడతాయి. వారం మధ్యలో వ్యాపారంలో నష్టపోయే అవకాశం ఉంది. కఠినమైన మాటలు వదిలేయండి. మీపై పెట్టుకున్న నమ్మకాన్ని వమ్ముచేసుకోవద్దు.

వృశ్చిక రాశి (Scorpio Weekly Horoscope) 

ఈ వారం సానుకూల ఫలితాలున్నాయి. ఉద్యోగులకు కార్యాలయంలో బాధ్యతలు పెరుగుతాయి. అదృష్టం కలిసొస్తుంది. కుటుంబ సభ్యులతో అవసరమైన అంశాలను చర్చిస్తారు. విద్యార్థులు పోటీ పరీక్షలలో మంచి ఫలితాలు పొందుతారు. ప్రేమికులు తమ మనసులో మాట చెప్పేందుకు, పెళ్లి దిశగా అడుగేసేందుకు ఇదే మంచి సమయం. వారం మధ్యలో మంచి ఫలితాలు పొందుతారు. నూతన పెట్టుబడులు శుభప్రదం అవుతాయి. డబ్బు ఆదాయం చేయడంపై దృష్టి పెట్టండి. మీరు చేయాలి అనుకున్న పనిపై కొంత అసౌకర్యం ఫీలవుతారు. 

కుంభ రాశి  (Aquarius Weekly Horoscope) 

మీరున్న రంగంలో ప్రమోషన్ సంబంధిత సమాచారం వింటారు. బుధుడి అనుకూల సంచారం వల్ల విద్యార్థులు శుభ ఫలితాలు పొందుతారు. మీ సహజస్వభావం ప్రశంసలు అందుకుంటుంది. తయారీ రంగంతో సంబంధం ఉన్న వ్యక్తులకు వారం అద్భుతమైనది. భాగస్వాములతో కొనసాగుతున్న వివాదాలు ఆగిపోతాయి. మీరు రుణాలు తీసుకుంటుంటే, దాని కోసం అవసరమైన  పత్రాలను జాగ్రత్తగా పరిశీలించండి. ఈ వారం మీరు స్టాక్ మార్కెట్లో నష్టం పొందవచ్చు. మీ ఆత్మవిశ్వాసం తగ్గుతుంది. రియల్ ఎస్టేట్‌లో పెట్టుబడులు పెట్టడం మీకు ఇప్పుడు సురక్షితం కాదు.

Note: ఓ రాశిలోని ఫలితాలు మొత్తం ఒక్కరికే వర్తిస్తాయని భావించరాదు..మీ జాతకంలో గ్రహస్థితి ఆధారంగా కూడా ఫలితాల్లో మార్పులుంటాయి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.