horoscope prediction in telugu 4 july 2024: ఈ రాశులవారు షేర్ మార్కెట్లో లాభపడతారు , ఆర్థిక పరిస్థితి మెరుగుపడుతుంది - జూలై 04 రాశిఫలాలు

Horoscope Prediction 4th july 2024: గ్రహాల కదలిక, నక్షత్రాల ఆధారంగా జ్యోతిష్యులు రాశి ఫలితాలను అంచనా వేస్తారు. ఈ రోజు రాశి ఫలాలు ఇక్కడ తెలుసుకోండి.

Image Credit: Pixabay

Source : Other

జూలై 04 రాశిఫలాలు

మేష రాశి

ఈ రోజు ఏదో ఒక విషయంలో టెన్షన్ ఉండవచ్చు. మీ స్నేహితులతో టైమ్ స్పెండ్ చేస్తారు. వైవాహిక జీవితం బావుంటుంది. ప్రేమికులు పెళ్లిదిశగా అడుగేసేందుకు మంచి రోజు. అనుకున్న పనులు పూర్తిచేస్తారు. ఆర్థిక పరిస్థితికి సంబంధించి ఆందోళనలు ఉండవచ్చు. ఎవరికీ సలహా ఇవ్వకండి.

వృషభ రాశి

ఈ రోజు మీరు ముందుగా నిర్ణయించిన షెడ్యూల్ ప్రకారం మీ పనులు పూర్తి చేస్తారు. సామాజిక కార్యక్రమాల్లో పాల్గొంటారు. రోజంతా ఉత్సాహంగా ఉంటారు. ఉద్యోగులు, వ్యాపారులకు మిశ్రమ ఫలితాలున్నాయి.

మిథున రాశి

కుటుంబ వివాదాల కారణంగా మీ జీవిత భాగస్వామితో వాగ్వాదం ఉండవచ్చు. మనస్సు ఏ పనిలోనూ నిమగ్నమై ఉండదు. మీ లోపాలను ఎవరితోనూ చర్చించవద్దు. కొన్ని విమర్శలు ఎదుర్కోవాల్సి వస్తుంది. ఉద్యోగులు, వ్యాపారులకు మిశ్రమఫలితాలున్నాయి.

కర్కాటక రాశి

ఈ రోజు మీరు ముఖ్యమైన పనులను పూర్తి చేయడంలో బిజీగా ఉంటారు. ప్రయాణం చేయాలి అనుకుంటారు. కొత్త వాహనం కొనుగోలు చేస్తారు. పిల్లల చదువుల విషయంలో నెలకొన్న ఆందోళనలు తొలగిపోతాయి. ఆర్థికంగా లాభపడే అవకాశం ఉంది. మీ తల్లిదండ్రుల ఆరోగ్యం గురించి అప్రమత్తంగా ఉండండి

సింహ రాశి

ఈ రోజు మంచి రోజు అవుతుంది. ప్రణాళిక ప్రకారం పనులు పూర్తిచేస్తారు. వాహనాన్ని జాగ్రత్తగా నడపండి. వివాహం చేసుకోవాలి అనుకునేవారి ప్రయత్నాలు ఫలిస్తాయి. ఆధ్యాత్మిక కార్యక్రమాలపై ఆశక్తి చూపిస్తారు. ఉద్యోగులు పనివిషయంలో నిర్లక్ష్యంగా ఉండొద్దు. 

కన్యా రాశి

మీరు ఈ రోజు రాజకీయాలకు సంబంధించిన వ్యక్తులతో సమావేశమవుతారు. వ్యాపారస్తులు లాభపడతారు. ఉద్యోగులకు పని ఒత్తిడి తగ్గుతుంది. మీ ఆరోగ్యాన్ని జాగ్రత్తగా చూసుకోండి. 

తులా రాశి

ఈ రోజు మీకు కొత్తగా పరిచయం అయినవారిపట్ల అప్రమత్తంగా ఉండండి. ఏ విషయాలు షేర్ చేసుకోవద్దు. ఓ గుడ్ న్యూస్ వింటారు. పనిలో పురోగతి ఉంటుంది. ఆర్థిక పరిస్థితి మెరుగుపడుతుంది. ప్రభుత్వ ఉద్యోగాలు చేస్తున్నవారు పదోన్నతి పొందుతారు.  

వృశ్చిక రాశి 

ఆలోచించకుండా పెద్ద నిర్ణయాలు తీసుకోకండి. వ్యాపారంలో లాభాలు వచ్చే అవకాశం ఉంది. మీ జీవిత భాగస్వామితో విభేదాలు ఉండవచ్చు. నూతన వస్త్రాలు కొనుగోలు చేస్తారు. కుటుంబ సభ్యులతో సమయం స్పెండ్ చేస్తారు. ఆరోగ్యాన్ని నిర్లక్ష్యం చేయవద్దు

ధనుస్సు రాశి

మీ సమస్యలకు ఇతరులను బాధ్యులను చేయవద్దు. షేర్లు , స్టాక్ మార్కెట్ల నుంచి  ఆర్థిక లాభాలు ఉండవచ్చు. మీరు చేపట్టే పనులకు కుటుంబ సభ్యుల నుంచి సహకారం పొందుతారు. పాత అప్పులు తీర్చేస్తారు.

మకర రాశి

అధిక ఖర్చుల కారణంగా ఒత్తిడి ఉంటుంది. ఏదో విషయంలో బాధపడతారు. ఉద్యోగులు ఉన్నతాధికారులతో పరుషంగా మాట్లాడవద్దు. సామాజిక సేవలో పాల్గొంటారు. వ్యాపారంలో నూతన ప్రణాళికలు అమలుచేస్తారు. 

కుంభ రాశి
 
ఈ రోజు మీ ఆలోచనల్లో అనుకూలత ఉంటుంది. నచ్చిన వంటకాలు ఆస్వాదిస్తారు. షేర్ మార్కెట్లో పెట్టుబడి పెట్టేవారు లాభపడతారు. స్నేహితులతో కలసి బయటకు వెళ్లేందుకు ప్లాన్ చేసుకుంటారు. ఆదాయం , ఆరోగ్యం బావుంటుంది. 

మీన రాశి

మీకు కొత్తగా పరిచయం అయినవారిపట్ల అప్రమత్తంగా ఉండాలి. ఈ రోజు మీకు మంచి రోజు అవుతుంది. అనుకున్న పనులు సకాలంలో పూర్తవుతాయి. వాహనాన్ని జాగ్రత్తగా నడపాలి. విదేశీ పర్యటనలకు ప్లాన్ చేసుకునేవారి ప్రయత్నాలు ఫలిస్తాయి. విద్యార్థులకు చదువుపై ఆసక్తి పెరుగుతుంది.  

Note:ఓ రాశిలోని ఫలితాలు మొత్తం ఒక్కరికే వర్తిస్తాయని భావించరాదు..మీ జాతకంలో గ్రహస్థితి ఆధారంగా కూడా ఫలితాల్లో మార్పులుంటాయి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.