Weather Updates: ఈశాన్య గాలుల ఎఫెక్ట్.. ఏపీలో ఒక్కసారిగా మారిన వాతావరణం.. తెలంగాణను వణికిస్తున్న చలి

రాగల మూడు రోజులపాటు ఏపీలో అన్ని ప్రాంతాల్లో వాతావరణంలో మార్పులు జరుగుతాయని అమరావతి వాతావరణ కేంద్రం ఓ ప్రకటనలో వెల్లడించింది. 

ఏపీ, తెలంగాణ వెదర్ అప్‌డేట్స్ (Representational Image)

AP Weather Updates: ఈశాన్య దిశ నుంచి తీరం వెంట తక్కువ ఎత్తులో బలమైన గాలులు వీస్తున్నాయి. మరోవైపు బంగాళాఖాతం తీరం నుంచి వీస్తున్న గాలుల ప్రభావం దక్షిణాది రాష్ట్రాలైన తమిళనాడు, ఆంధ్రప్రదేశ్ లపై ఉంటుందని భారత వాతావరణ కేంద్రం తెలిపింది. వీటి ఫలితంగా ఏపీలో మూడు రోజులపాటు ఎలాంటి వర్ష సూచన లేదు. రాగల మూడు రోజులపాటు ఏపీలో అన్ని ప్రాంతాల్లో వాతావరణంలో మార్పులు జరుగుతాయని అమరావతి వాతావరణ కేంద్రం ఓ ప్రకటనలో వెల్లడించింది. 

ఉత్తర కోస్తాంధ్ర, యానాం ప్రాంతాలలో నిన్నటి వరకు ఓ మోస్తరు వర్షాలు కురవగా.. నేడు, మరో రెండు రోజులపాటు వాతావరణం పొడిగా మారనుందని అధికారులు తెలిపారు. సగటు ఉష్ణోగ్రతల కంటే 2 నుంచి 4 డిగ్రీల సెంటిగ్రేడ్ తక్కువగా నమోదయ్యే అవకాశం ఉందని వాతావరణ కేంద్రం అంచనా వేసింది. కురవనున్నాయి. శ్రీకాకుళం, విజయనగరం, విశాఖపట్నంలలో నిన్న వాతావరణం పొడిగా ఉన్నప్పటికీ నేడు వాతావరణంలో మార్పులు చోటుచేసుకుంటాయని వాతావరణ కేంద్రం తెలిపింది. వర్ష సూచన లేదు కనుక మత్స్యకారులు వేటకు వెళ్లడానికి ఏ అడ్డంకులు ఉండవని సమాచారం.

 

 

 

 

 

View this post on Instagram

 

 

 

 

 

 

 

 

 

 

 

A post shared by Amaravati AP (@mc_amaravati)

దక్షిణ కోస్తాంధ్రంలో వాతావరణం పొడిగా మారిపోయింది. అయితే ఒకట్రెండు చెట్ల మాత్రమే తేలికపాటి నుంచి ఓ మోస్తరు వర్షాలు కురవనున్నాయి. బలమైన గాలులు తక్కువ ఎత్తులో వీస్తాయి. ఆదివారం, సోమవారాల్లో సైతం వాతావరణం పొడిగా ఉంటుందని అధికారులు వెల్లడించారు. బలమైన ఈదురు గాలులు వీచే అవకాశం ఉంది. రాయలసీమలో వాతావరణం పొడిగా మారింది. నేటి నుంచి నుంచి మూడు రోజులవరకు సీమలో వర్షాలు పడే అవకాశం లేదు. ఉష్ణోగ్రతలు తగ్గుతాయని వాతావరణ కేంద్రం పేర్కొంది.
తెలంగాణ వెదర్ అప్‌డేట్..
తెలంగాణలో చలిగాలుల ప్రభావంతో పగటి ఉష్ణోగ్రతలు భారీగా తగ్గుతాయని హైదరాబాద్ వాతావరణ కేంద్రం తెలిపింది. ఆకాశం మేఘావృతమై ఉన్నా వర్షాలు కురిసే అవకాశం లేదు. ఉష్ణోగ్రతలు సాధారణం కంటే 2 నుంచి 4 డిగ్రీలు తక్కువగా నమోదు కానున్నాయి. నేటి నుంచి మరో మూడు రోజులు వాతావరణం పొడిగా ఉంటుందని తెలిపారు. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి