Sinhachalam Tragedy: సింహాచలంలో భక్తుల మృతిపై చంద్రబాబు, రేవంత్ రెడ్డి దిగ్భ్రాంతి.. అండగా ఉంటామన్న పవన్ కళ్యాణ్

simhachalam chandanotsavam 2025 సింహాచంలో అప్పన్న స్వామి నిజరూప దర్శనం కోసం వచ్చిన భక్తులు గోడకూలి పడటంతో మృతిచెందారు. ఏపీ సీఎం చంద్రబాబు, తెలంగాణ సీఎం రేవంత్ రెడ్డి దిగ్భ్రాంతి వ్యక్తం చేశారు.

సింహాచలంలో భక్తుల మృతిపై చంద్రబాబు, రేవంత్ రెడ్డి దిగ్భ్రాంతి.. అండగా ఉంటామన్న పవన్ కళ్యాణ్

Source : ABP Desam

అమరావతి విశాఖ జిల్లా సింహాచలంలో చందనోత్సవం సమయంలో విషాదం చోటుచేసుకుంది. క్యూలైన్లలో భక్లుపై గోడ కూలి ఏడుగురు చనిపోగా, మరికొందరు భక్తులు గాయపడ్డారు. ఈ ఘటనపై ఏపీ సీఎం చంద్రబాబు నాయుడు, డిప్యూటీ సీఎం పవన్ కళ్యాణ్, తెలంగాణ సీఎం రేవంత్ రెడ్డి దిగ్భ్రాంతి వ్యక్తం చేశారు.

సింహాచలంలోని శ్రీ వరాహ లక్ష్మీనరసింహ స్వామి చందనోత్సవంలో గోడ కూలి ఏడుగురు భక్తులు మృతి చెందడం తనను కలచి వేసిందన్నారు ఏపీ సీఎం చంద్రబాబు. భారీ వర్షాల కారణంగా క్యూలైన్లో భక్తులపై గోడ కూలడం తో మరణించిన వారి కుటుంబాలకు ప్రగాఢ సానుభూతి తెలిపారు. అక్కడి పరిస్థితి పై జిల్లా కలెక్టర్, ఎస్పీ తో మాట్లాడి... గాయపడిన వారికి చికిత్స అందించాలని ఆదేశించారు. ఎప్పటికప్పుడు సింహాద్రి అప్పన్న భక్తుల పరిస్థితిని సమీక్షిస్తున్నట్లు తెలిపారు.

 

శ్రీ వరాహ లక్ష్మీనరసింహ స్వామి చందనోత్సవంలో గోడ కూలి ఏడుగురు భక్తులు మృతి చెందడం నన్ను కలచి వేసింది. భారీ వర్షాల కారణంగా గోడ కూలడం తో జరిగిన ఈ ఘటనలో మరణించిన వారి కుటుంబాలకు నా ప్రగాఢ సానుభూతి. అక్కడి పరిస్థితి పై జిల్లా కలెక్టర్, ఎస్పీ తో మాట్లాడాను. గాయపడిన వారికి చికిత్స…

— N Chandrababu Naidu (@ncbn) April 30, 2025

సింహాచలం దుర్ఘటన దురదృష్టకరం - పవన్ కళ్యాణ్

సింహాచలంలో గోడ కూలడంతో క్యూ లైన్లో ఉన్న ఎనిమిది మంది భక్తులు మృతి చెందడంపై ఏపీ డిప్యూటీ సీఎం పవన్ కళ్యాణ్ తీవ్ర దిగ్భ్రాంతి వ్యక్తం చేశారు. సింహాద్రి అప్పన్న చందనోత్సవ సమయంలో ఈ దుర్ఘటన చోటు చేసుకోవడం దురదృష్టకరం అన్నారు. మృతుల కుటుంబాలకు ప్రగాఢ సానుభూతి తెలిపారు. మృతుల కుటుంబాలకు రాష్ట్ర ప్రభుత్వం అండగా ఉంటుందన్నారు. విశాఖపట్నం జిల్లా అధికారులను అడిగి ఘటన వివరాలు తెలుసుకున్నాను. భారీ వర్షాల కారణంగా గోడ కూలిందని అధికారులు తెలిపారు. క్షతగాత్రులకు మెరుగైన వైద్యం అందించాలని పవన్ కళ్యాణ్ ఆదేశించారు. 

తెలంగాణ సీఎం రేవంత్ రెడ్డి దిగ్భ్రాంతి

ఆంధ్రప్రదేశ్ విశాఖ జిల్లాలోని సింహాచలం ఆలయం వద్ద గోడ కూలి భక్తులు మరణించడంపై తెలంగాణ సీఎం రేవంత్ రెడ్డి దిగ్భ్రాంతి వ్యక్తం చేశారు. భక్తుల మృతి తీవ్ర ఆవేదన కలిగించిందన్నారు. మృతుల కుటుంబ సభ్యులకు ప్రగాఢ సానుభూతిని తెలిపారు. చనిపోయిన భక్తుల ఆత్మకు శాంతి చేకూరాలని భగవంతుడిని ప్రార్థించారు. 

 

ఆంధ్ర ప్రదేశ్ లోని
సింహాచలం ఆలయం వద్ద గోడ కూలి
భక్తులు మరణించిన ఘటన
తీవ్ర ఆవేదనను కలిగించింది.

వారి కుటుంబ సభ్యులకు
నా ప్రగాఢ సానుభూతిని తెలియజేస్తూ…
మృతుల ఆత్మలకు శాంతి చేకూరాలని…
భగవంతుడిని ప్రార్థిస్తున్నాను.

— Revanth Reddy (@revanth_anumula) April 30, 2025

 

అండగా ఉంటామన్న నారా లోకేష్

సింహాచలం అప్పన్న ఆలయం వద్ద జరిగిన దుర్ఘటన తనను తీవ్ర ఆవేదనకు గురిచేసిందని ఏపీ మంత్రి నారా లోకేష్ అన్నారు. ఈ ఘటనలో గాయపడిన వారికి విశాఖ కేజీ హెచ్ ఆసుపత్రిలో చికిత్స అందిస్తున్నాం. బాధితులకు మెరుగైన చికిత్స అవసరమైతే ప్రైవేటు ఆసుపత్రులకు తరలించాలని అధికారులను ఆదేశించారు. పోలీసులు, ఎస్డీఆర్ ఎఫ్ బృందాలు సహాయ చర్యల్లో పాల్గొన్నాయి. మృతుల కుటుంబాలకు ప్రగాఢ సానుభూతి తెలిపిన ఆయన వారి కుటుంబాలకు తమ ప్రభుత్వం అండగా ఉంటుందని భరోసా ఇచ్చారు.

తీవ్రంగా బాధిస్తోందన్న కేటీఆర్

చందనోత్సవం సందర్భంగా సింహాచలం ఆలయంలో గోడ కూలి భక్తులు చనిపోవడం తనను తీవ్రంగా బాధిస్తోందని బీఆర్ఎస్ వర్కింగ్ ప్రెసిడెంట్ కేటీఆర్ అన్నారు. మృతుల కుటుంబాలకు ప్రగాఢ సానుభూతి తెలిపారు. ఈ సంఘటనలో గాయపడిన వారు త్వరగా కోలుకోవాలని భగవంతుడ్ని ప్రార్థిస్తున్నాను అన్నారు.

మరిన్ని చదవండి

సింహాద్రి అప్పన్న చందనోత్సవంలో అపశ్రుతి.. 7 మంది మృతి

సింహాద్రి అప్పన్న చందనోత్సవంలో అపశ్రుతి.. 7 మంది మృతి