CM Chandrababu New House: కుప్పంలో గృహప్రవేశం చేసిన చంద్రబాబు, నెరవేరిన సీఎం సొంతింటి కల- 25 వేల మందికి భోజనాలు

AP CM Chandrababu Housewarming Ceremony | ఏపీ సీఎం చంద్రబాబు కుప్పం నియోజకవర్గంలోని తమ కొత్త ఇంట్లో ఆదివారం వేకువజామున గృహప్రవేశం చేశారు. ఈ వేడుకలో భువనేశ్వరి, నారా లోకేష్, బ్రాహ్మణి పాల్గొన్నారు.

కుప్పంలో గృహప్రవేశం చేసిన సీఎం చంద్రబాబు , 25 వేల మందికి భోజనాలు, ప్రత్యేక మెనూ

Source : ABP Desam

Chandrababu Housewarming Ceremony | కుప్పం: దాదాపు నాలుగు దశాబ్దాల నుంచి కుప్పం నుంచి ఎమ్మెల్యేగా గెలుపొందుతున్నారు ఏపీ సీఎం చంద్రబాబు నాయుడు. అయితే ఇంతకాలానికి కుప్పంలో ఆయన సొంతింటి కల నెరవేర్చుకున్నారు. దశాబ్దాలుగా తనను ఆధరించిన కుప్పం నియోజకవర్గ ప్రజలకు మరింత చేరువ అయ్యేందుకు చంద్రబాబు అక్కడ కొత్త ఇంటిని నిర్మించుకున్నారు. 1987 నుంచి చిత్తూరు జిల్లా కుప్పం శాసనసభ సభ్యునిగా గెలుపొందుతున్నారు. సుదీర్ఘకాలం తరువాత కుప్పం నియోజకవర్గంలో టీడీపీ అధినేత చంద్రబాబు సొంతింటి కళ నెరవేరింది.

ఆదివారం వేకువజామున గృహప్రవేశం

కుప్పం నియోజకవర్గం శాంతిపురం మండలం కడపల్లె పంచాయితీ శివపురం వద్ద 2 ఎకరాల్లో సీఎం చంద్రబాబు కొత్త ఇంటిని నిర్మించుకున్నారు. ఆదివారం (మే 25న) వేకువజామున 3 నుంచి 4 గంటల మధ్య శుభ ముహూర్తంలో సీఎం చంద్రబాబు, సతీమణి భువనేశ్వరి, ఏపీ విద్య, ఐటీశాఖల మంత్రి నారా లోకేష్, సతీమణి నారా బ్రహ్మణి గృహ ప్రవేశం చేశారు. గోపూజ, పూజాది కార్యక్రమాలను చంద్రబాబు దంపతులు, నారా లోకేష్, సతీమణి బ్రాహ్మణి దంపతులు నిర్వహించారు. 

25 వేల మందికి భోజనాలు 
సీఎం చంద్రబాబు నూతన ఇంటి వేడుక సందర్భంగా కుప్పం నియోజకవర్గం మొత్తం ఇంటింటికి గృహ ప్రవేశ ఆహ్వానాన్ని అందించారు. నియోజకవర్గం మొత్తం పసుపు జెండాలు, ఫ్లెక్సీలతో నింపేశారు. నూతన ఇంటి గృహ ప్రవేశ కార్యక్రమాన్ని పురస్కరించుకుని సుమారు 25 వేల మందికి సీఎం చంద్రబాబు కుటుంబసభ్యులు భోజనాలు ఏర్పాటు చేశారు. ప్రత్యేక మెనూ ఏర్పాటు చేసి భోజనాలు సిద్దం చేశారు. గృహప్రవేశం అనంతరం ఆదివారం రాత్రికి నూతన గృహంలో బస చేయనున్నారు. సోమవారం ఉదయం సీఎం చంద్రబాబు ఆయన కుటుంబసభ్యులు అమరావతికి తిరుగు ప్రయాణం కానున్నారు.

మా ఆశీస్సులే మాకు దివెనలు.. నారా లోకేష్

కుప్పం నియోజకవర్గ ప్రజలు 36 ఏళ్లుగా మా కుటుంబానికి అండగా నిలుస్తున్నారని ఏపీ మంత్రి నారా లోకేష్ అన్నారు. ప్రతి అడుగులో తోడుగా ఉన్న కుప్పం ప్రజల సమక్షంలో తమ సొంతింటి గృహప్రవేశం చేశామన్నారు. నియోజకవర్గ ప్రజలు చూపించే ప్రేమ, ఆత్మీయత మరువలేని అనుభూతిగా మిగిలిపోతుందని ఎక్స్ వేదికగా నారా లోకేష్ పోస్ట్ చేశారు. నూతన గృహప్రవేశం కేవలం మా కుటుంబ పండుగ కాదు, మన అందరి పండుగ. మీ ఆశీస్సులు ఎల్లప్పుడూ మాకు దీవెనలు.. అందరికి హృదయపూర్వక కృతజ్ఞతలు తెలిపారు లోకేష్.

కుప్పం మా ఇల్లు, కుప్పం ప్రజలు మా కుటుంబం... నారా భువనేశ్వరి

కుప్పంలో జరిగిన గృహప్రవేశ వేడుక ఎంతో ఆనందాన్ని ఇచ్చిందన్నారు సీఎం చంద్రబాబు సతీమణి నారా భువనేశ్వరి. ఇది హృదయపూర్వక వేడుక, 36 సంవత్సరాలుగా మాకు మద్దతుగా నిలిచి, ప్రతి అడుగులో మమ్మల్ని నడిపిస్తున్న కుప్పం ప్రజల ఆశీర్వాదం, వారి ప్రేమకు చాలా కృతజ్ఞతలు తెలిపారు.

Kuppam is our home, and the people of Kuppam are our family.

The housewarming ceremony in Kuppam brought me immense joy. It was a heartfelt celebration, blessed by the people of Kuppam, who have been our pillars of support for 36 years, guiding us every step of the way. I'm… pic.twitter.com/OtqeBfCfbc

— Nara Bhuvaneswari (@ManagingTrustee) May 25, 2025

 

మరిన్ని చదవండి

కుప్పంలో సీఎం చంద్రబాబు గృహ ప్రవేశం, నారా వారి ఇంటి పండుగ Photos చూశారా..

టీమిండియా స్ఫూర్తితో 2047 నాటికి వికసిత భారత్ - నీతిఆయోగ్ సమావేశంలో సీఎంలకు ప్రధాని మోదీ పిలుపు