Perni Nani Fire: కేసీఆర్ కాళ్లు పట్టుకుని అయినా నీ అంతు చూస్తా - మచిలీపట్నం అధికారికి పేర్ని నాని వార్నింగ్ - అసలేం జరిగిందంటే?

Machilipatnam perni Nani: ఆక్రమణలు కూల్చేసిన అధికారులపై పేర్ని నాని ఆగ్రహం వ్యక్తంచేశారు. బ్బరితోట ప్రాంతంలో ఒక ఇంటిని నగరపాలక సంస్థ అధికారులు అక్రమ కట్టడమని కూల్చివేశారు.

కేసీఆర్ కాళ్లు పట్టుకుని అయినా నీ అంతు చూస్తా - మచిలీపట్నం అధికారికి పేర్ని నాని వార్నింగ్ - అసలేం జరిగిందంటే?

Source : x

Machilipatnam perni Nani Fire: మచిలీపట్నంలో ఇంటి కూల్చివేత ఉదంతం రాజకీయంగా పెను దుమారం రేపుతోంది. తన అనుచరులపై, పేదలపై ప్రభుత్వం కక్షసాధింపు చర్యలకు దిగుతోందంటూ మాజీ మంత్రి పేర్ని నాని  తీవ్రస్థాయిలో విరుచుకుపడ్డారు. మచిలీపట్నంలోని కొబ్బరితోట ప్రాంతంలో ఒక ఇంటిని నగరపాలక సంస్థ అధికారులు అక్రమ కట్టడమంటూ కూల్చివేతకు ఉపక్రమించారు. ఈ విషయం తెలుసుకున్న పేర్ని నాని కుమారుడు  పేర్ని కిట్టు  వెంటనే తన అనుచరులతో కలిసి అక్కడికి చేరుకొని అడ్డుకునే ప్రయత్నం చేశారు. ఈ క్రమంలోనే అక్కడ విధుల్లో ఉన్న పోలీసులతో, ముఖ్యంగా సీఐ పరమేశ్వర్‌తో కిట్టుకు మధ్య తీవ్ర వాగ్వాదం జరిగింది. పోలీసులు నిబంధనల ప్రకారం వ్యవహరిస్తున్నామని చెప్పగా, కిట్టు మాత్రం వారిపై విరుచుకుపడ్డారు. ఈ గొడవ ముదిరి కిట్టు సీఐని దూషించారనే ఆరోపణలు రావడంతో పరిస్థితి ఉద్రిక్తంగా మారింది.                                

ఈ ఘటనపై మాజీ మంత్రి పేర్ని నాని తీవ్రంగా స్పందించారు. మంత్రి  కొల్లు రవీంద్ర కనుసన్నల్లోనే అధికారులు అతిగా ప్రవర్తిస్తున్నారని ఆయన మండిపడ్డారు.  పేదల గుండెల్లో నువ్వు దింపిన గునపాల నొప్పి నీకు కూడా చూపిస్తా.. 2029లో జగన్ ప్రభుత్వం రాగానే ఇదే పోలీసులను పెట్టి మీ ఇళ్ల సంగతి చూస్తా  అంటూ మంత్రికి ప్రత్యక్షంగా హెచ్చరికలు జారీ చేశారు. మూడేళ్ల పాటు ఓపిక పట్టాలని, అధికారం శాశ్వతం కాదని ఆయన గుర్తు చేశారు.                                       

కేవలం రాజకీయ నాయకులనే కాకుండా, విధుల్లో ఉన్న అధికారులను కూడా పేర్ని నాని పేరు పేరునా టార్గెట్ చేశారు. అసిస్టెంట్ కమిషనర్ గోపాలరావును ఉద్దేశించి మాట్లాడుతూ.. నువ్వు ఎక్కడికి పారిపోయినా వదలను, అవసరమైతే తెలంగాణ వెళ్లినా సరే కేసీఆర్ కాళ్లు పట్టుకునైనా నిన్ను పట్టుకొచ్చి నీ ఇంటి సంగతి చూస్తా  అని చేసిన వ్యాఖ్యలు ఇప్పుడు సంచలనం సృష్టిస్తున్నాయి. బాపిరాజు అనే అధికారిని ఉద్దేశించి కూడా ఆయన తీవ్ర హెచ్చరికలు చేశారు.                                  

పోలీసులకి సవాల్ విసిరిన
మావిగన్ టైగర్ "పేర్ని నాని" 💥 pic.twitter.com/JTPdQrb3L4

— శ్రీకాంత్ (@yskanth) April 2, 2026

ప్రస్తుతం ఈ వ్యవహారం మచిలీపట్నంలో వైసీపీ, కూటమి శ్రేణుల మధ్య పచ్చగడ్డి వేస్తే భగ్గుమనేలా మార్చింది. ప్రభుత్వ అధికారులను వ్యక్తిగతంగా దూషించడం, భవిష్యత్తులో ప్రతీకారం తీర్చుకుంటామని బెదిరించడంతో వ్యవహారం సీరియస్ గా మారింది.  తమ పార్టీ కార్యకర్తలను ఇబ్బంది పెడితే చూస్తూ ఊరుకోబోమని పేర్ని నాని వర్గం స్పష్టం చేస్తోంది. ఈ ఘటనపై పోలీసులు తదుపరి చర్యలు తీసుకునే దిశగా అడుగులు వేస్తున్నారు. 

మరిన్ని చదవండి

అమరావతి విషయంలో వైసీపీ లెక్క తప్పింది అక్కడే! టీడీపీని మెట్టు ఎక్కించింది అదే! 

అమరావతికి రాజ్యసభ జై - బీఆర్ఎస్సూ సపోర్టు - తర్వాత ప్రక్రియ ఇదే!