ISRO PSLV-C62: పీఎస్‌ఎల్‌వీ సీ62 ను ప్రయోగించిన ఇస్రో.. అన్వేష ఉపగ్రహంతో శత్రుదేశాలకు భారత్ చెక్

ISRO Rocket Launch: DRDO కోసం అభివృద్ధి చేసిన EOS-N1 ఉపగ్రహం లేదా అన్వేష రక్షణ రంగంలో అత్యంత కీలకపాత్ర పోషించనుంది. ఇది రక్షణ, వ్యవసాయం, పర్యావరణంపై ఫోకస్ చేయనుంది.

నింగిలోకి దూసుకెళ్లిన పీఎస్‌ఎల్వీ సీ62 రాకెట్

Source : ISRO/ABP Desam

భారత అంతరిక్ష పరిశోధన సంస్థ (ISRO) 2026లో మొదటి ప్రయోగం చేపట్టింది. సోమవారం (జనవరి 12, 2026) ఉదయం 10:17 గంటలకు తాజా మిషన్ కింద PSLV-C62 రాకెట్ ద్వారా భూ పరిశీలన ఉపగ్రహం EOS-N1ని ప్రధాన పేలోడ్‌గా కక్ష్యలో పంపింది. దీంతో పాటు మొత్తం 15 ఉపగ్రహాలను కూడా ప్రయోగిస్తారు. ఆంధ్రప్రదేశ్ లోని శ్రీహరికోటలోని సతీష్ ధావన్ అంతరిక్ష కేంద్రం లాంచ్ ప్యాడ్-1 నుండి EOS-N1 ఉపగ్రహాన్ని PSLV-C62 వాహక నౌక ద్వారా ఇస్రో శాస్త్రవేత్తలు ప్రయోగించారు. ఇది 64వ PSLV రాకెట్ అయితే ఇది PSLV-DL వేరియంట్ నుండి ఉంటుంది. ఇందులో పేలోడ్‌ను 505 కిలోమీటర్ల సన్-సింక్రోనస్ కక్ష్యలో ఉంచుతారు. 

ప్రధాన ఉపగ్రహాలు, పేలోడ్‌ల వివరాలు

- EOS-N1 (అన్వేషా): రక్షణ పరిశోధన, అభివృద్ధి సంస్థ (DRDO) కోసం అభివృద్ధి చేసిన దాదాపు 400 కిలోల బరువున్న హైపర్ స్పెక్ట్రల్ ఇమేజింగ్ ఉపగ్రహం. ఇది 12 మీటర్ల రిజల్యూషన్‌తో రక్షణ నిఘా, వ్యవసాయ అంచనా, పట్టణ మ్యాపింగ్, పర్యావరణ ట్రాకింగ్‌లో కీలక పాత్ర పోషిస్తుంది.

- KID (Kestrel Initial Technology Demonstrator): స్పెయిన్ స్టార్టప్ కు చెందిన 25 కిలోల రీ-ఎంట్రీ టెక్నాలజీ డెమోన్‌స్ట్రేటర్, తుది విస్తరణ తర్వాత దక్షిణ పసిఫిక్ మహాసముద్రంలో స్ప్లాష్‌డౌన్‌తో తిరిగి ప్రవేశాన్ని పరీక్షిస్తారు.

ఇతర ఉపగ్రహాలు: భారతదేశంతో పాటు మారిషస్, లక్సెంబర్గ్, UAE, సింగపూర్, యూరప్, అమెరికాకు చెందిన అనేక వాణిజ్య,  పరిశోధనా ఉపగ్రహాలు ఈ మిషన్‌లో భాగంగా ఉన్నాయి.

• 
  

PSLV ని ISRO వర్క్ హార్స్‌గా పరిగణిస్తారు

PSLV ని ISRO యొక్క వర్క్ హార్స్‌గా పరిగణిస్తారు. ఇప్పటివరకు 63 వాహక నౌకలలో, ఈ రాకెట్ చంద్రయాన్-1, మంగళ్ ఆర్బిటర్ మిషన్, ఆదిత్య-ఎల్1 వంటి చారిత్రక మిషన్లను విజయవంతంగా నిర్వహించింది. 2017లో ఒకే మిషన్‌లో 104 ఉపగ్రహాలను ప్రయోగించిన ప్రపంచ రికార్డు కూడా PSLV సొంతం చేసుకుంది. 

అయితే, గత ఏడాది మే నెలలో PSLV-C61 మిషన్ విఫలమైందని తెలిసిందే. తాజాగా చేస్తున్న ఈ ప్రయోగం ISROకి ప్రత్యేక ప్రాముఖ్యతను కలిగి ఉంది. ఈ మిషన్ మొత్తం వ్యవధి దాదాపు 1 గంట 48 నిమిషాలు ఉంటుందని శాస్త్రవేత్తలు తెలిపారు. 

ఆ ఉపగ్రహాల ఉపయోగాలు ఇవే..

ఇస్రో ప్రయోగించిన PSLV-C62 ద్వారా నింగిలోకి వెళ్లిన EOS-N1 ఉపగ్రహం భారతదేశ రక్షణ, వ్యవసాయ రంగాల్లో విప్లవాత్మక మార్పులు తీసుకురానుంది. ఇది సాధారణ కెమెరాల కన్నా భిన్నంగా కాంతిలోని వందలాది షేడ్స్‌ను విశ్లేషించే 'హైపర్‌స్పెక్ట్రల్' సాంకేతికతతో పనిచేస్తుంది. దీనివల్ల భూమిపై పచ్చదనం, నేలలోని తేమనే కాకుండా శత్రువుల నకిలీ స్థావరాలను, అడవుల్లో దాగి ఉన్న అనుమానాస్పద కదలికలను కూడా ఖచ్చితంగా గుర్తించవచ్చు.

రైతులకు పంట తెగుళ్లు, కరువు ముప్పును ముందస్తుగా తెలపడంతో పాటు తుఫానులు, అడవి మంటల వంటి విపత్తుల విషయంలో ఈ ఉపగ్రహం కీలకంగా మారుతుంది. ఈ ప్రయోగంలో భారత్‌తో పాటు యూరప్, బ్రెజిల్, నేపాల్ వంటి దేశాల ఉపగ్రహాలను కూడా అంతరిక్షంలోకి పంపారు.

మరిన్ని చదవండి

అన్వేష శాటిలైట్ ప్రయోగిస్తున్న ఇస్రో.. చైనా, పాక్ కుట్రలకు త్వరలో చెక్!

గజనీ, ఔరంగజేబులు మట్టిలో కలిసిపోయారు.. సోమనాథ్ ఆలయం అలాగే ఉంది: ప్రధాని మోదీ