CJI Telugu : సుప్రీంకోర్టులో తెలుగులో వాదనలు..! భాషా సమస్య ఉన్న మహిళకు సీజేఐ అనూహ్య అవకాశం..!

ఇంగ్లిష్‌లో వాదనలు వినిపించలేకపోతున్న కక్షిదారుకు తెలుగులో వాదనలు వినిపించే అవకాశం ఇచ్చిన జస్టిస్ ఎన్వీరమణ. బెంచ్‌లో ఉన్న మరో న్యాయమూర్తికి వాదనలు తర్జుమా చేసి చెప్పిన జస్టిస్ ఎన్వీ రమణ.

FOLLOW US: 


సుప్రీంకోర్టులో తెలుగులో వాదనలు జరుగుతాయని ఎవరైనా ఊహించగలరా..?. ఊహించడం కాదు.. సాధ్యం కాదు. కానీ అనూహ్యంగా ఇలాంటి వాదనలు సుప్రీంకోర్టులో జరిగాయి. సీజేఐ ఎన్‌వీ రమణ ఉన్న బెంచ్‌ మీదకు..  ఓ వివాహానికి సంబంధించిన కేసు విచారణకు వచ్చింది. ఈ కేసులో కక్షిదారు అయిన మహిళ వాదనలు వినిపించాల్సి వచ్చింది. అయితే ఆమెకు భాషా సమస్య వచ్చింది. ఇంగ్లిష్‌లో వాదనలు వినిపించడానికి ఇబ్బంది పడింది. సరిగ్గా భావ వ్యక్తీకరణ చేయలేకపోయారు. తన వాదన వినిపించడానికి తడబడ్డారు. ఆమె ఇబ్బందిని గమనించిన జస్టిస్ ఎన్‌వీ రమణ తెలుగులోనే .. చెప్పాలని కోరారు. దాంతో ఆమె రిలీఫ్ ఫీలయింది.  న్యాయం కోసం.. తాను చెప్పాలనుకున్నదంతా తెలుగులోనే వివరంగా ధర్మాసనం ముందు చెప్పింది. 

ఈ కేసును విచారిస్తున్న ధర్మాసనంలో సీజేఐ ఎన్వీ రమణతో పాటు మరో న్యాయమూర్తి జస్టిస్ సూర్యాకాంత్ కూడా ఉన్నారు. ఆయన తెలుగువారు కాదు. దీంతో జస్టిస్ ఎన్వీ  రమణ.. ఆమె తెలుగులో వినిపిస్తున్న  వాదనలను..  ఇంగ్లిష్‌లో జస్టిస్‌ సూర్యకాంత్‌కు స్వయంగా  వివరించారు. దీంతో ఆమె ఎక్కడా భాషా సమస్యతో ఇబ్బంది లేకుండా.. తాను చెప్పాలనుకున్నదంతా చెప్పారు. జస్టిస్ ఎన్వీ రమణ భాషా ప్రేమికుడని ప్రత్యేకంగా చెప్పాల్సిన పని లేదు. ఆయన ఎలాంటి సందర్భంలో అయినా ప్రఖ్యాత తెలుగు కవుల రచనలను ఊటంకిస్తూ ఉంటారు. చీఫ్ జస్టిస్ అయిన సమయంలో న్యాయవ్యవస్థ గురించి రావిశాస్త్రి రాసిన పద్యాన్ని గుర్తుకు తెచ్చుకున్నారు. సాహిత్యానికి సంబంధించి ఎవరైనా ఎలాంటి సహాయసహకారాలు అడిగినా ఆయన ఆలోచించకుండా చేస్తారన్న ప్రచారం ఉంది. మాతృభాష.. జాతి ఔన్నత్యానికి ప్రతీక అని జస్టిస్ ఎన్వీ రమణ భావన. మధురమైన తెలుగు భాషను భావితరాలకు అందించాల్సిన అవసరం ఎంతైనా ఉందని చెబుతూ ఉంటారు. అవధాన సాహిత్య ప్రక్రియల్లోనూ పాల్గొంటూ ఉంటారు.
 
అదే సమయంలో ప్రాంతీయ భాషల్లో న్యాయపాలన సాగాలన్న అభిలాష కూడా ఆయనకు ఉంది. దీనికి సంబంధించి గతంలోనే సంస్కరణలు ప్రారంభమయ్యాయి. దిగువ కోర్టుల్లో తెలుగులోనూ వాదనలు వినిపించే అవకాశం గతంలో కల్పించారు. అయితే.. న్యాయపాలన అంతా ఇంగ్లిష్‌లోనే ఉంటుంది. ఇక సుప్రీంకోర్టు స్థాయిలో అయితే.. ప్రాంతీయ భాషలకు ప్రాధాన్యం లభించదు. కానీ అప్పుడప్పుడు మాత్రం.. న్యాయమూర్తులు..  కక్షిదారులు ఇబ్బంది పడుతూంటే స్పందిస్తూంటారు. జస్టిస్ ఎన్‌వీ రమణ కూడా అలాగే స్పందించారు.  మాతృభాషపై ఆయన ప్రేమను మరోసారి ఘనంగా చాటుకున్నారు. ఈ అరుదైన కేసు విచారణ.. అందర్నీ ఆకట్టుకుంది. సీజేఐ ఎన్వీ రమణకు ఉన్న మాతృభాషా ప్రేమ మరోసారి హాట్ టాపిక్ అయింది. 

Published at : 28 Jul 2021 04:36 PM (IST) Tags: telugu Chief Justice of India NV Ramana CJI Telugu and English supremecourt

సంబంధిత కథనాలు

Gas Cylinder Price Hike: షాకింగ్ న్యూస్! గ్యాస్ సిలిండర్ ధరపై మళ్లీ బాదుడు, ఈ సారి ఎంతంటే

Gas Cylinder Price Hike: షాకింగ్ న్యూస్! గ్యాస్ సిలిండర్ ధరపై మళ్లీ బాదుడు, ఈ సారి ఎంతంటే

YSRCP MP Phone Theft: వైసీపీ ఎంపీ సెల్ ఫోన్ చోరీ! ఓ యువతికి కష్టాలు, చివరికి ఏమైందంటే

YSRCP MP Phone Theft: వైసీపీ ఎంపీ సెల్ ఫోన్ చోరీ! ఓ యువతికి కష్టాలు, చివరికి ఏమైందంటే

Petrol-Diesel Price, 6 July: నేడు ఈ నగరంలో ఇంధన ధరలు అధికంగా పెరుగుదల - మిగతాచోట్ల సాధారణమే

Petrol-Diesel Price, 6 July: నేడు ఈ నగరంలో ఇంధన ధరలు అధికంగా పెరుగుదల - మిగతాచోట్ల సాధారణమే

Rain Alert: నేడు ఆ జిల్లాల్లో భారీ నుంచి అతి భారీ వర్షాలు - ఏపీ, తెలంగాణకు IMD ఎల్లో అలర్ట్

Rain Alert: నేడు ఆ జిల్లాల్లో భారీ నుంచి అతి భారీ వర్షాలు - ఏపీ, తెలంగాణకు IMD ఎల్లో అలర్ట్

Gold-Silver Price: నేడు బంగారం ధర షాక్! రెండ్రోజుల తర్వాత పెరిగిన పసిడి - వెండి, లేటెస్ట్ రేట్లు ఇవీ

Gold-Silver Price: నేడు బంగారం ధర షాక్! రెండ్రోజుల తర్వాత పెరిగిన పసిడి - వెండి, లేటెస్ట్ రేట్లు ఇవీ

టాప్ స్టోరీస్

MM Keeravani: కీరవాణి తప్పు చేశారా? బూతు ట్వీట్ డిలీట్ చేసినా...

MM Keeravani: కీరవాణి తప్పు చేశారా? బూతు ట్వీట్ డిలీట్ చేసినా...

Editor Gautham Raju: టాలీవుడ్‌లో విషాదం - ప్రముఖ ఎడిటర్ గౌతమ్ రాజు కన్నుమూత

Editor Gautham Raju: టాలీవుడ్‌లో విషాదం - ప్రముఖ ఎడిటర్ గౌతమ్ రాజు కన్నుమూత

Udaipur Murder Case: ఉద‌య్‌పూర్ టైలర్ హ‌త్య కేసు - హైద‌రాబాద్‌లో మరో నిందితుడు అరెస్ట్‌

Udaipur Murder Case: ఉద‌య్‌పూర్ టైలర్ హ‌త్య కేసు - హైద‌రాబాద్‌లో మరో నిందితుడు అరెస్ట్‌

EV Fire Incidents: తయారీ లోపంతోనే ఎలక్ట్రిక్ వాహనాల్లో మంటలు- తేల్చిన కేంద్రం - నెలరోజుల్లో చర్యలు !

EV Fire Incidents: తయారీ లోపంతోనే ఎలక్ట్రిక్ వాహనాల్లో మంటలు- తేల్చిన కేంద్రం - నెలరోజుల్లో చర్యలు !