Andhra Pradesh Assembly: ఏపీ బడ్జెట్ సమావేశాల షెడ్యూల్ ఖరారు - ఫిబ్రవరి 14న రాష్ట్ర బడ్జెట్
AP Assembly: ఆంధ్రప్రదేశ్ అసెంబ్లీ బడ్జెట్ సమావేశాలకు ముహూర్తం ఖరారైంది. ఫిబ్రవరి 11వ తేదీ నుండి ప్రారంభం కానున్నాయి
AP Assembly budget meeting schedule: ఆంధ్రప్రదేశ్ రాష్ట్ర శాసనసభ బడ్జెట్ సమావేశాలు ఫిబ్రవరి 11వ తేదీ నుండి ప్రారంభం కానున్నాయి. సుమారు నెల రోజుల పాటు, అంటే మార్చి 12 వరకు ఈ సమావేశాలు అత్యంత సుదీర్ఘంగా సాగనున్నాయి. కూటమి ప్రభుత్వం అధికారంలోకి వచ్చిన తర్వాత ప్రవేశపెట్టబోతున్న పూర్తి స్థాయి వార్షిక బడ్జెట్ కావడంతో, దీనిపై అటు రాజకీయ వర్గాల్లోనూ, ఇటు సామాన్య ప్రజానీకంలోనూ భారీ అంచనాలు నెలకొన్నాయి. సమావేశాల తొలి రోజైన ఫిబ్రవరి 11న గవర్నర్ జస్టిస్ అబ్దుల్ నజీర్ ఉభయ సభలను ఉద్దేశించి ప్రసంగించనున్నారు. గవర్నర్ ప్రసంగం ద్వారా రాష్ట్ర ప్రభుత్వ భవిష్యత్తు ప్రణాళికలు, గత ఏడాది సాధించిన విజయాలను ప్రభుత్వం వివరించనుంది.
రాష్ట్ర ఆర్థిక భవిష్యత్తుకు దిక్సూచిగా నిలిచే 2026–27 ఆర్థిక సంవత్సరానికి సంబంధించిన ప్రధాన బడ్జెట్ను ఫిబ్రవరి 14న ఆర్థిక మంత్రి పయ్యావుల కేశవ్ శాసనసభలో ప్రవేశపెట్టనున్నారు. అదే రోజున సాగు రంగం కోసం ప్రత్యేకంగా రూపొందించిన వ్యవసాయ బడ్జెట్ ను వ్యవసాయ శాఖ మంత్రి అచ్చెన్నాయుడు సమర్పించనున్నారు. ఉమ్మడి బడ్జెట్తో పాటు వ్యవసాయ బడ్జెట్ను కూడా అదే రోజు ప్రవేశపెట్టడం ద్వారా రైతాంగానికి ఇచ్చే ప్రాధాన్యతను ప్రభుత్వం చాటనుంది. ముఖ్యంగా ఎన్నికల హామీలైన సూపర్ సిక్స్ పథకాలకు కేటాయింపులు, అమరావతి నిర్మాణం, పోలవరం ప్రాజెక్టులకు నిధుల సర్దుబాటు ఈ బడ్జెట్లో ప్రధానాంశాలుగా ఉండనున్నాయి.
ఈ సమావేశాలు కేవలం ఆర్థిక లెక్కలకే పరిమితం కాకుండా, రాష్ట్రంలో నెలకొన్న తాజా రాజకీయ పరిణామాలతో అత్యంత ప్రాధాన్యతను సంతరించుకున్నాయి. సుమారు 30 రోజుల పాటు సాగే ఈ బడ్జెట్ కసరత్తులో వివిధ శాఖల పద్దులపై చర్చలు, ప్రభుత్వ బిల్లుల ఆమోదం వంటి కార్యక్రమాలు ఉంటాయి.
Before You Go
94-Year-Old Woman Renounces US Citizenship | US సిటిజన్షిప్ వద్దని తిరిగొచ్చిన బామ్మ
టాప్ హెడ్ లైన్స్
ట్రెండింగ్ వార్తలు
