Breaking News: రాహుల్ గాంధీని ప్రత్యేకంగా క‌లిసిన తెలంగాణ కాంగ్రెస్ కీలక నేతలు
ఆంధ్రప్రదేశ్, తెలంగాణ సహా దేశవ్యాప్తంగా సెప్టెంబర్ 8న జరిగే తాజా వార్తలు ఎప్పటికప్పుడు ఇక్కడ చూడొచ్చు. ఈ పేజీ అప్ డేట్ అవుతుంటుంది. బ్రేకింగ్ న్యూస్ కోసం ఈ పేజీని రీఫ్రెష్ చేస్తూ ఉండండి.
LIVE
Background
రష్యాకు చెందిన కొవిడ్-19 వ్యాక్సిన్ ‘స్పుత్నిక్‌-వి’ తొలిడోసు సరఫరా ప్రారంభించినట్టు డా.రెడ్డీస్‌ లేబొరేటరీస్‌ వెల్లడించింది. దేశ వ్యాప్తంగా తాము ఒప్పందం కుదుర్చుకున్న ఆసుపత్రులకు వీటిని పంపుతున్నట్టు తెలిపింది. హైదరాబాద్ కేంద్రంగా పనిచేసే ఈ సంస్థ స్పుత్నిక్‌-వి టీకా లభ్యత గురించి తెలుసుకునేందుకు ప్రత్యేకంగా వెబ్‌సైట్‌ను అందుబాటులోకి తెచ్చింది.
రాహుల్ గాంధీని ప్రత్యేకంగా క‌లిసిన తెలంగాణ కాంగ్రెస్ కీలక నేతలు
ఇటీవల నియమితులైన తెలంగాణ కాంగ్రెస్ పీసీసీ కమిటీ నేతలు ఏఐసీసీ మాజీ అధ్య‌క్షుడు, ఎంపీ రాహుల్ గాంధీని ప్రత్యేకంగా కలిశారు. టీపీసీసీ అధ్య‌క్షుడు రేవంత్ రెడ్డి, సీఎల్పీ నేత మల్లు భ‌ట్టి విక్ర‌మార్క, ప్ర‌చార కమిటీ ఛైర్మ‌న్ మ‌ధు యాష్కీ గౌడ్, నూత‌నంగా నియమితులైన ఇతర పీసీసీ కమిటీ నాయ‌కులు రాహుల్ గాంధీని మర్యాదపూర్వకంగా కలిశారు.
రెండు పడవలు ఢీ.. 100 మందికి పైగా గల్లంతు
అసోంలోని బ్రహ్మపుత్ర నదిలో రెండు పడవలు ఢీకొన్నాయి. జోర్హాత్‌లో నిమతి ఘాట్‌ వద్ద ప్రయాణికులు ఉన్న పడవలు పరస్పరం ఢీకొన్నాయి. ప్రమాద సమయంలో ఈ రెండు పడవల్లో 100 మందికి పైగా ప్రయాణికులు ఉన్నట్టు తెలుస్తోంది. అసోం రాజధాని గౌహతికి 350 కిలో మీటర్ల దూరంలో ఈ విషాద ఘటన జరిగింది. ఈ ప్రమాదంలో అనేకమంది గల్లంతైనట్టు సమాచారం. ఈ ప్రమాదానికి సంబంధించిన పూర్తి సమాచారం తెలియాల్సి ఉంది.
100 Feared Missing 😢 #Assam #Majuli #Brahmaputra pic.twitter.com/QK3vW6ZH52
— Socialist Panda 🐼 (@ViewsSocialist) September 8, 2021
2 Boats With 120 Passengers Collide In Brahmaputra In #Assam, 20 Missing#AssamBoatCollide pic.twitter.com/Xkj5GUPHET
— Lingaswamy siddala (@SwamyJourno) September 8, 2021
డ్రగ్స్ కేసులో ముగిసిన హీరో రానా విచారణ
డ్రగ్స్ కేసులో హీరో రానా ఈడీ విచారణ ముగిసింది. బుధవారం ఉదయం మొదలైన విచారణ సాయంత్రం వరకూ మొత్తం 7 గంటల పాటు సాగింది. హీరో రానాతో పాటు కెల్విన్‌కు కూడా కలిపి ఈడీ అధికారులు విచారణ జరిపారు. 2016 నవంబర్‌లో జరిగిన ఎఫ్ క్లబ్‌లో పార్టీపై ఈడీ అధికారులు విచారణ జరిపారు. రానా బ్యాంకు అకౌంట్‌కు సంబంధించి అధికారులు పరిశీలించారు. 2015-18 మధ్యలో రానా బ్యాంకు స్టేట్‌మెంట్‌ను ఈడీ అధికారులు పరిశీలించారు.
ఏపీలో వినాయక చవితి.. హైకోర్టులో కీలక వ్యాఖ్యలు
వినాయక చవితి ఉత్సవాలపై ఏపీ హైకోర్టు కీలక వ్యాఖ్యలు చేసింది. ప్రైవేటు స్థలాల్లో వినాయక ఉత్సవాలు నిర్వహించుకోవచ్చునని హైకోర్టు స్పష్టం చేసింది. మతపరమైన కార్యక్రమాలను నిరోధించే హక్కుల లేదని హైకోర్టు స్పష్టం చేసింది. కొవిడ్ నిబంధనలకు అనుగుణంగా ఒకేసారి ఐదుగురికి మించకుండా పూజలు చేసుకోవాలని కోర్టు సూచించింది. బహిరంగ ప్రభుత్వ స్థలాల్లో విగ్రహాలు పెట్టుకొని, ఉత్సవాలు నిర్వహించడంపై హైకోర్టు అభ్యంతరం వ్యక్తం చేస్తూ.. ప్రభుత్వం తీసుకున్న చర్యలను సమర్థించింది.
డ్రగ్స్ కేసు: కొనసాగుతున్న నటుడు రానా విచారణ
టాలీవుడ్ డ్రగ్స్ కేసులో హీరో రానా విచారణ కొనసాగుతోంది. 3 గంటలుగా రానాను ఈడీ అధికారులు ముగ్గురు అధికారులు ప్రశ్నిస్తున్నారు. ఆడిటర్ సతీష్‌తోపాటు అడ్వకేట్‌తో రానా బుధవారం ఉదయం విచారణకు హాజరయ్యారు. 2015-17లకు సంబంధించిన బ్యాంక్ స్టేట్‌మెంట్‌లను రానా అధికారులకు ఇచ్చారు. ఈడీ అధికారులు రానా బ్యాంకు అకౌంట్లను పరిశీలిస్తున్నారు. దుబాయ్‌‌లో జరిగిన ఈవెంట్స్‌లో రానా, కెల్విన్ నగదు లావాదేవీలపై ఈడీ అధికారులు ఆరా తీస్తున్నట్లు తెలుస్తోంది.
టాప్ హెడ్ లైన్స్
ట్రెండింగ్ వార్తలు
