Chandrababu Kuppam Tour : రేపటి నుంచి కుప్పంలో చంద్రబాబు పర్యటన, మూడు రోజులు అక్కడే!

Chandrababu Kuppam Tour : రేపటి నుంచి మూడ్రోజుల పాటు టీడీపీ అధినేత చంద్రబాబు కుప్పంలో పర్యటించనున్నారు.

టీడీపీ అధినేత చంద్రబాబు(ఫైల్ ఫొటో)

Chandrababu Kuppam Tour : టీడీపీ అధినేత చంద్రబాబు జిల్లాలో పర్యటన కొనసాగుతోంది. రేపటి నుంచి మూడు రోజుల(11,12,13వ తేదీలు) పాటు చంద్రబాబు కుప్పంలో పర్యటించనున్నారు. కుప్పం పట్టణంతో పాటు శాంతిపురం, గుడుపల్లె మండలాలలోని పలు గ్రామాల్లో చంద్రబాబు పర్యటించనున్నారు. 11వ తేదీ మధ్యాహ్నం 2 గంటలకు శాంతిపురం మండలం బెల్లకోకిలకు చంద్రబాబు చేరుకుంటారు. అనంతరం బోయనపల్లి గ్రామంలో బాదుడే బాదుడు కార్యక్రమంలో పాల్గొంటారు. 12వ తేదీ సీగలాపల్లి జాతరలో చంద్రబాబు పాల్గొనున్నారు. గుడిపల్లె మండలం పోగురుపల్లితో పాటు పలు గ్రామాల్లో చంద్రబాబు పర్యటన కొనసాగనుంది. మూడో రోజు(13 వ తేదీ) కుప్పంలో స్థానిక పార్టీ నేతలు, కార్యకర్తలతో చంద్రబాబు భేటీ అవుతారు. పార్టీ కమిటీలు, అనుబంధ విభాగాలపై చంద్రబాబు సమీక్ష నిర్వహించనున్నారు.