CM Chandrababu: అభిమాన నేతకు పేద విద్యార్థిని తీపి జ్ఞాపిక - మురిసిపోయిన సీఎం చంద్రబాబు

Andhra News: ఓ విద్యార్థిని అభిమానానికి సీఎం చంద్రబాబు ఫిదా అయ్యారు. తన స్వహస్తాలతో అద్భుతంగా సీఎం చిత్రపటాన్ని గీసి ఆయనకు బహుమతిగా అందించింది.

సీఎం చంద్రబాబుకు విద్యార్థిని ప్రత్యేక బహుమతి

Source : ABP Desam

8th Class Student Drew A Portrait Of CM Chandrababu: ఓ విద్యార్థిని సీఎం చంద్రబాబుపై (CM Chandrababu) అభిమానంతో ఆయన చిత్ర పటాన్ని అద్భుతంగా గీసింది. అనంతరం నేరుగా ఆయన్ను కలిసి తీపి జ్ఞాపికను అందించింది. దీన్ని చూసిన ముఖ్యమంత్రి మురిసిపోయారు. విద్యార్థినిని అభినందించారు. వివరాల్లోకి వెళ్తే.. విజయవాడ (Vijayawada) పటమటలోని ఓ ప్రైవేట్ స్కూల్‌కు చెందిన 8వ తరగతి విద్యార్థిని లాస్యకు సీఎం చంద్రబాబు అంటే అంతులేని అభిమానం. ఈ క్రమంలో తన స్వహస్తాలతో ఆయన చిత్రపటాన్ని అద్భుతంగా గీసింది. అంతేకాకుండా 'సంపద సృష్టించి పేదవారికి పంచి ఇచ్చే పెన్నిధికి ఒక పేద విద్యార్ధి ఇచ్చే చిరుజ్ఞాపిక' అటూ చిత్రంపై రాసింది. దీన్ని తీసుకుని సోమవారం సచివాలయానికి వచ్చింది. 

విజయవాడ పడమట విశ్వవాణి ఇంగ్లీష్ మీడియం స్కూల్ కు చెందిన 8వ తరగతి విద్యార్ధిని లాస్యకు గౌరవ ముఖ్యమంత్రి శ్రీ నారా చంద్రబాబు నాయుడు అంటే అంతులేని అభిమానం. తన స్వహస్తాలతో గీసిన ఆయన రేఖాచిత్రాన్ని తీసుకొని సోమవారం సచివాలయానికి వచ్చింది. (1/3) pic.twitter.com/lSs1MxhyI7

— CMO Andhra Pradesh (@AndhraPradeshCM) October 28, 2024

మురిసిపోయిన సీఎం

ఈ చిత్రాన్ని విద్యార్థిని లాస్య సీఎం చంద్రబాబును నేరుగా కలిసి అందజేసింది. చిన్నారి అభిమానం, ఆమె ప్రతిభకు ఆయన మురిసిపోతూ విద్యార్థినిని అభినందించారు. బాగా చదువుకొని తల్లిదండ్రులకు మంచిపేరు తేవాలని ఆకాంక్షించారు.