Nagarjuna Akkineni: ఏపీ సీఎం చంద్రబాబును కలిసిన కింగ్ నాగార్జున - అఖిల్ పెళ్లికి ఆహ్వానం
Akhil Wedding: అక్కినేని ఫ్యామిలీ ఇంట పెళ్లి పనులు హుషారుగా సాగుతున్నాయి. తాజాగా.. ఏపీ సీఎం చంద్రబాబును తన చిన్న కుమారుడు అఖిల్ పెళ్లికి రావాల్సిందిగా నాగార్జున ఆహ్వానించారు.
Nagarjuna Invites CM Chandrababu To Akhil Akkineni Wedding: అక్కినేని ఇంట పెళ్లి పనులు ఘనంగా సాగుతున్నాయి. ఏఎన్నాఆర్ మనవడు, కింగ్ నాగార్జున రెండో కుమారుడు అఖిల్ వివాహ సందడి ప్రారంభమైంది. పలువురు రాజకీయ, సినీ ప్రముఖులకు స్వయంగా నాగార్జున వెళ్లి పెళ్లి కార్డులు అందజేస్తున్నారు.
ఏపీ సీఎంకు ఆహ్వానం
తాజాగా.. ఏపీ సీఎం చంద్రబాబుకు నాగార్జున వెళ్లి స్వయంగా వివాహ పత్రిక అందజేశారు. ఉండవల్లి క్యాంప్ కార్యాలయంలో సీఎంను కలిసిన ఆయన తన చిన్న కుమారుడు అఖిల్ వివాహానికి హాజరు కావాల్సిందిగా చంద్రబాబును కోరారు. ఈ మేరకు వివాహ పత్రికను అందించారు. కాసేపు ఇరువురూ ముచ్చటించారు.
Also Read: ఓటీటీలోకి వచ్చేస్తోన్న కామెడీ మూవీ 'పెళ్లి కాని ప్రసాద్' - ఎప్పుడు, ఎందులో స్ట్రీమింగ్ అవుతుందంటే?
తెలంగాణ సీఎంకు సైతం ఆహ్వానం
అంతకు ముందే నాగార్జున, అమల దంపతులు తెలంగాణ సీఎం రేవంత్ రెడ్డిని కలిసి అఖిల్ వివాహానికి ఆహ్వానం అందజేశారు. తప్పకుండా వివాహానికి రావాలని కోరారు.
జూన్ 6న అఖిల్ వివాహం
హైదరాబాద్ అన్నపూర్ణ స్టూడియోలో ఈ నెల 6న అఖిల్, జైనాబ్ల వివాహం జరగనుంది. రాజకీయ, సినీ ప్రముఖులతో పాటు తమ కుటుంబ సభ్యులు, సన్నిహితుల మధ్య వేడుక ఘనంగా నిర్వహించేందుకు ఏర్పాట్లు సాగుతున్నాయి. జైనాబ్.. ప్రముఖ వ్యాపారవేత్త జూల్ఫీ రావ్జీ కుమార్తె. గతేడాది నవంబరులో వీరి నిశ్చితార్థం జరిగింది.
కొన్నేళ్లుగా ప్రేమలో ఉన్న వీరిద్దరూ పెద్దలను ఒప్పించి పెళ్లి పీటలు ఎక్కేందుకు సిద్ధమయ్యారు. ఎంగేజ్మెంట్ తర్వాత తనకు కాబోయే భార్యతో పలుమార్లు అఖిల్ జంటగా కనిపించారు. ఈ నెల 6న పెళ్లి తర్వాత రిసెప్షన్ రాజస్థాన్లో గ్రాండ్గా నిర్వహించనున్నట్లు తెలుస్తోంది. పెళ్లి కొద్ది మంది ప్రముఖులు, అతిథుల సమక్షంలో చేసుకుని రిసెప్షన్కు అందరినీ ఆహ్వానించనున్నట్లు సమాచారం.
టాప్ హెడ్ లైన్స్
ట్రెండింగ్ వార్తలు
