ఉగాది సందర్భంగా నారా లోకేశ్ తన కుమారుడు దేవాన్ష్తో కలిసి ఇంటి పూజ గదిలో పూజలు చేశారు. ఈ ఫోటోలను సోషల్ మీడియాలో షేర్ చేశారు.
అన్వేషించండి
Lokesh Latest News: వీడిన నారా లోకేశ్ పూజ గదిలోని బొమ్మ మిస్టరీ! క్షుద్ర పూజలంటూ వస్తున్న విమర్శలపై మంత్రి వివరణ!
Lokesh Latest News: సోషల్ మీడియాలో ఎప్పుడు ఎలాంటివి వైరల్ అవుతాయో తెలియదు. అలాగే లోకేష్ పెట్టిన ఉగాది పూజ ఫొటోలోని ఓ మిస్టరీ బొమ్మపై చర్చ జరిగింది. విమర్శలు ఎదురయ్యాయి. ఇంతకీ ఆ బొమ్మ ఏంటీ?
వీడిన నారా లోకేశ్ పూజ గదిలోని బొమ్మ మిస్టరీ! క్షుద్ర పూజలంటూ వస్తున్న విమర్శలపై మంత్రి వివరణ!
Source : X.com
- ఉగాది సందర్భంగా లోకేష్, దేవాన్ష్ పూజ గది ఫోటోలు వివాదాస్పదం అయ్యాయి.
- పూజ గదిలోని శివుని బొమ్మపై రాజకీయ విమర్శలు, అనుమానాలు వ్యక్తమయ్యాయి.
- దేవాన్ష్ నాలుగేళ్ల వయసులో చేసిన శివుని బొమ్మ అని లోకేష్ వివరణ ఇచ్చారు.
- కుమారుడి భక్తితో చేసిన జ్ఞాపకమని, దీనిపై వివరణ అవసరం లేదన్నారు.
Lokesh Latest News: తెలుగు రాష్ట్రాల్లో ఉగాది పండుగను ప్రజలందరూ ఎంతో ఉత్సాహంగా చేసుకున్నారు. కొత్త సంవత్సరం మనందరికీ మంచి జరగాలని కోరుకుంటూ సామాన్యుల నుంచి సెలబ్రిటీల వరకు పూజలు నిర్వహించారు. వాటి ఫొటోలను స్టాటస్లు, సోషల్ మీడియాలో షేర్ చేసుకున్నారు. ఏపీ మంత్రి నారా లోకేశ్ కూడా తన ఇంట్లో కుటుంబ సభ్యులతో కలిసి ఉగాది వేడుకలను ఎంతో వైభవంగా జరుపుకున్నారు. ఆ ఫొటోలను షేర్ చేసుకున్నారు. వాటిలో కొన్ని తీవ్ర దుమారం రేపాయి. లోకేష్ షేర్ చేసిన ఫొటోలతో పవిత్రమైన పూజ గది ఫోటో కాస్తా రాజకీయ విమర్శలకు దారితీసింది. చివరకు ఆ వివాదంపై లోకేశ్ స్వయంగా స్పందించాల్సి వచ్చింది. జరుగుతున్న ప్రచారంపై క్లారిటీ ఇచ్చారు.
వివాదం ఎలా మొదలైందంటే?
ఉగాది సందర్భంగా నారా లోకేశ్ తన కుమారుడు దేవాన్ష్తో కలిసి ఇంటి పూజ గదిలో కూర్చుని ఉన్న ఫొటోలను సోషల్ మీడియాలో షేర్ చేశారు. అందరికీ తెలుగు సంవత్సరాది శుభాకాంక్షలు చెప్పారు. తండ్రీకొడుకులు పద్ధతిగా పంచె కట్టుకుని, భక్తిశ్రద్ధలతో దేవుడికి నమస్కరిస్తున్న ఆ ఫొటోలు చూడటానికి చాలా బాగున్నాయి. అక్కడితో ఆగిపోతే సోషల్ మీడియాతో సమస్యలు ఎందుకు వస్తాయి. దాన్ని జూమ్ చేసి అక్కడ ఏమేమి ఉన్నాయో చూశారు. అలా చూసిన ప్రత్యర్థులకు అక్కడ ఒక విచిత్రమైన బొమ్మ కనిపించింది. అంతే దాన్ని పట్టుకొని వైరల్ చేశారు.
లోకేష్ పూజ గదిలో ఉన్న వింత బొమ్మ ఏంటీ అనే రచ్చ మొదలైంది. ఇలాంటివి క్షద్ర పూజల్లో వాడతారని కొందరు అంటే, ఇదేదో చేతబడికి ఉపయోగించిన బొమ్మలా ఉందని మరికొందరు చర్చకు పెట్టారు. దేవుడి గదిలో అనుమానాస్పద బొమ్మలు ఉండటం ఏంటని మరికొందరు నిలదీశారు. పవిత్రమైన పూజ మందిరంలో క్షద్ర పూజలు చేస్తున్నారా అంటూ ప్రత్యర్థులు హేళన చేశారు.
స్పందించిన లోకేష్
గంటల వ్యవధిలోనే ఇది వైరల్గా మారింది. దీంతో లోకేష్ స్పందించాల్సి వచ్చింది. ఆ బొమ్మ వెనుక ఉన్న అసలు రహస్యాన్ని, దానికి ఉన్న ఎమోషనల్ కనెక్షన్ను వివరిస్తూ సోషల్ మీడియాలో పోస్టు పెట్టారు. ఆయన ఏమన్నారంటే..." ఆ బొమ్మ ఏదో క్షద్ర పూజల కోసం తెచ్చింది కాదు. అది దేవాన్ష్ తన నాలుగేళ్ల వయసులో తయారు చేసిన శివుని బొమ్మ. దేవాన్ష్కు చిన్నప్పటి నుంచి శివుడు అంటే చాలా భక్తి, ఆ భక్తితోనే స్వయంగా ఒక చిన్న శివలింగాన్ని, శివుడి బొమ్మను తయారు చేశాడు." అని లోకేష్ వివరించారు.
గుర్తుగా దాచుకున్న జ్ఞాపకం
పిల్లలు చిన్నతనంలో చేసే పనులు తల్లిదండ్రులకు ఎంతో ప్రత్యేకమని లోకేష్ అభిప్రాయపడ్డారు. వారు చేసే చిన్న చిన్న బొమ్మలు లేదా గీసే చిత్రాలను జ్ఞాపకాలుగా దాచుకోవడం సహజమని వెల్లడించారు. తమ కుమారుడు ఎంతో ఇష్టంగా తయారు చేసిన ఆ శివుడి బొమ్మను పారేయకుండా, భక్తితో తమ పూజ గదిలోనే ఒక జ్ఞాపకంలా భద్రపరుచుకున్నామని తెలిపారు."కొందరికి విశ్వాసం అర్థమవుతుంది, మరికొందరికి అర్థం కాదు. కానీ ఇలాంటి భక్తికి ఎలాంటి వివరణలు ఇచ్చుకోవాల్సిన అవసరం లేదు" అంటూ లోకేష్ కౌంటర్ ఇచ్చారు. తన ట్వీట్ చివరలో "హరహరమహాదేవ్" అని పేర్కొంటూ ఈ వివాదానికి ముగింపు పలికారు.
Frequently Asked Questions
ఉగాది సందర్భంగా నారా లోకేశ్ తన ఇంట్లో కుటుంబ సభ్యులతో కలిసి ఏం చేశారు?
నారా లోకేశ్ షేర్ చేసిన ఫోటోలలోని ఒక బొమ్మపై ఎలాంటి వివాదం చెలరేగింది?
పూజ గదిలో కనిపించిన ఒక వింత బొమ్మను కొందరు క్షద్ర పూజలకు లేదా చేతబడికి వాడతారని ఆరోపించారు. దీంతో ఆ బొమ్మపై రాజకీయ విమర్శలు వెల్లువెత్తాయి.
ఆ వివాదాస్పద బొమ్మపై నారా లోకేశ్ ఎలా స్పందించారు?
ఆ బొమ్మ తమ కుమారుడు దేవాన్ష్ నాలుగేళ్ల వయసులో స్వయంగా తయారు చేసిన శివుని బొమ్మ అని లోకేశ్ వివరించారు. అది కేవలం జ్ఞాపకంగా పూజ గదిలో భద్రపరిచినట్లు తెలిపారు.
దేవాన్ష్ తయారు చేసిన శివుని బొమ్మను లోకేశ్ ఎందుకు పూజ గదిలో ఉంచారు?
తన కుమారుడు ఎంతో భక్తితో, ఇష్టంతో తయారు చేసిన ఆ శివుని బొమ్మను జ్ఞాపకంగా, భక్తితో పూజ గదిలో భద్రపరిచానని లోకేశ్ తెలిపారు.
టాప్ హెడ్ లైన్స్
అమరావతి
జాబ్ ఫ్రాడ్.. మయన్మార్లో చిక్కుకున్న ఏపీ యువతకు మంత్రి నారా లోకేష్ భరోసా
అమరావతి
పోలవరం ఫేజ్ 1 పనుల పూర్తికి మరో ఏడాది గడువు పెంపు.. ప్రాజెక్టు పురోగతిపై కేంద్రం క్లారిటీ
అమరావతి
బాలినేని, దామచర్ల వివాదంపై టీడీపీ, జనసేన అధిష్టానాలు సీరియస్.. బహిరంగ విమర్శలు వద్దని క్లాస్
అమరావతి
అసెంబ్లీ ముట్టడికి వైసీపీ ప్లాన్? డీఎస్సీలో అక్రమాలు జరిగాయనే చర్చ జనాల్లోకి తీసుకెళ్లేందుకు వ్యూహం?
ట్రెండింగ్ వార్తలు
Dr. Pentapati Pullaraoఅంతర్జాతీయ వ్యవహారలు, రాజకీయ విశ్లేషకుడు
Opinion
