Corona Cases: ఏపీలో మళ్లీ పెరిగిన కరోనా కేసులు.. థర్డ్ వేవ్ వైపు పయనిస్తున్నామా?

ఏపీలో ఇటీవల కరోనా కేసులు తగ్గినట్టే తగ్గాయి. మళ్లీ తాజాకా ఎక్కువ సంఖ్యలో కేసులు నమోదవుతుండటం ఆందోళన కలిగిస్తోంది.

ప్రతీకాత్మక చిత్రం

ఆంధ్రప్రదేశ్ లో కరోనా కేసులు నమోదవుతూనే ఉన్నాయి. గడిచిన 24 గంటల్లో 28,311 మందికి కరోనా పరీక్షలు చేశారు. 334 మందికి వైరస్ సోకింది. వైరస్ కారణంగా.. ఒకరు చనిపోయారు. కరోనా నుంచి మరో 95 మంది బాధితులు బయటపడ్డారు. ప్రస్తుతం ఏపీలో 1,516 కరోనా యాక్టివ్‌ కేసులు ఉన్నాయి.

#COVIDUpdates: 04/01/2022, 10:00 AM
రాష్ట్రం లోని నమోదైన మొత్తం 20,75,047 పాజిటివ్ కేసు లకు గాను
*20,59,032 మంది డిశ్చార్జ్ కాగా
*14,499 మంది మరణించారు
* ప్రస్తుతం చికిత్స పొందుతున్నవారి సంఖ్య 1,516#APFightsCorona #COVID19Pandemic pic.twitter.com/AwSCaxIto3

— ArogyaAndhra (@ArogyaAndhra) January 4, 2022

దేశంలో ఒమిక్రాన్, కొవిడ్ కేసులు భారీగా పెరిగాయి. ఒమిక్రాన్ కేసుల సంఖ్య 1892కు పెరిగింది. మహారాష్ట్రలోనే అత్యధిక కేసులు ఉన్నాయి. మరోవైపు ఒమిక్రాన్ కేసుల సంఖ్య కూడా గణనీయంగా పెరగడం ఆందోళన కలిగిస్తోంది. కొత్తగా 37,379 కరోనా కేసులు నమోదయ్యాయి. 11,007 మంది కరోనా నుంచి కోలుకున్నారు. 124 మంది వైరస్‌తో మృతి చెందారు.

• డైలీ పాజిటివిటీ రేటు: 3.24%
• యాక్టివ్ కేసులు: 1,71,830
• మొత్తం రికవరీలు: 3,43,06,414
• మొత్తం మరణాలు: 4,82,017
• మొత్తం వ్యాక్సినేషన్: 1,46,70,18,464

మహారాష్ట్ర.. 

మహారాష్ట్రలో కొత్తగా 12,160 కరోనా కేసులు నమోదయ్యాయి. 11 మంది మృతి చెందారు. యాక్టివ్ కేసుల సంఖ్య 50 వేల మార్కు దాటింది. మొత్తం కేసుల సంఖ్య 67,12,028కి చేరింది. మొత్తం మరణాల సంఖ్య 1,41,553కు పెరిగింది. 
రాష్ట్రంలో కొత్తగా 68 ఒమిక్రాన్ కేసులు నమోదయ్యాయి. మొత్తం ఒమిక్రాన్ కేసుల సంఖ్య 578కి పెరిగింది. కొత్తగా నమోదైన 68 కేసుల్లో 40 ముంబయిలోనే ఉన్నాయి. పుణె నగరంలో 14, నాగ్‌పుర్‌లో 4, పుణె గ్రామీణం, పన్‌వేల్ నగరంలో చెరో 3, కొల్హాపుర్‌, నవీ ముంబయి, రాయ్‌గడ్, సతారాలో ఒక్కో కేసు నమోదయ్యాయి.

రాజస్థాన్.. 

రాజస్థాన్‌లో కొత్తగా 550 కరోనా కేసులు నమోదుకాగా 53 మందికి ఒమిక్రాన్ సోకింది. ఇప్పటివరకు రాష్ట్రంలో 174 ఒమిక్రాన్ కేసులు నమోదయ్యాయి.