T20 Worldcup 2024 Super 8 From Today: నేటి నుంచే టీ20 వరల్డ్ కప్ సూపర్-8
ఈరోజు నుంచి టీ20 వరల్డ్ కప్ నెక్స్ట్ లెవల్కు వెళ్లనుంది. రాత్రి 8 గంటల నుంచి యూఎస్ఏ, దక్షిణాఫ్రికా జట్ల మధ్య జరగనున్న మ్యాచ్తో సూపర్-8 కాంపిటీషన్ షురూ కానుంది. సూపర్-8లో మొత్తం ఎనిమిది జట్లు రెండు గ్రూపులుగా విడిపోనున్నాయి. గ్రూప్-1లో టీమిండియా, ఆస్ట్రేలియా, ఆఫ్ఘనిస్తాన్, బంగ్లాదేశ్ జట్లు ఉన్నాయి. గ్రూప్-2లో దక్షిణాఫ్రికా, వెస్టిండీస్, ఇంగ్లండ్, యూఎస్ఏ జట్లు ఉన్నాయి.
గ్రూప్-2ని ఈసారి గ్రూప్ ఆఫ్ డెత్ అనవచ్చు. ఎందుకంటే బలమైన దక్షిణాఫ్రికా, వెస్టిండీస్, ఇంగ్లండ్ జట్లతో పాటు సంచలన ప్రదర్శన చేసిన యూఎస్ఏ ఈ గ్రూపులో ఉన్నాయి. గ్రూప్-1లో ఈక్వేషన్ చూడటానికి అంత డేంజరస్గా కనిపించడం లేదు. అన్నీ అనుకున్నట్లు జరిగితే భారత్, ఆస్ట్రేలియా జట్లు సెమీస్కు చేరవచ్చు. కానీ ఆఫ్ఘనిస్తాన్, బంగ్లాదేశ్ ఏమైనా సంచలనాలు సృష్టిస్తే మాత్రం సమీకరణాలు ఇంట్రస్టింగ్గా మారతాయి.
సూపర్-8లో టీమిండియా... ఆఫ్ఘనిస్తాన్, బంగ్లాదేశ్, ఆస్ట్రేలియాలతో తలపడనుంది. రేపు అంటే జూన్ 20వ తేదీన టీమిండియా, ఆఫ్ఘనిస్తాన్తో తన మొదటి సూపర్-8 మ్యాచ్ ఆడనుంది. తర్వాత జూన్ 22న బంగ్లాదేశ్తో, జూన్ 24వ తేదీన ఆస్ట్రేలియాతో భారత్ మ్యాచ్లు జరగనున్నాయి.
టాప్ హెడ్ లైన్స్
ట్రెండింగ్ వార్తలు
