Rajat Patidar Dropped After 2 IPL Trophies | మరోసారి ఆర్సీబీ కెప్టెన్ కు నిరాశే
ఐపీఎల్ 2026 సీజన్లో అద్భుత బ్యాటింగ్, అంతకంటే క్రేజీ కెప్టెన్సీతో రాయల్ ఛాలెంజర్స్ బెంగళూరుకు వరుసగా రెండోసారి ఐపీఎల్ టైటిల్ అందించిన రజత్ పాటిదార్కు బీసీసీఐ సెలెక్టర్లు ఘోర అన్యాయం చేశారు. ఇంగ్లండ్, ఐర్లాండ్ పర్యటనలతో పాటు ఆసియా గేమ్స్ కోసం ప్రకటించిన టీమిండియా టీ20 జట్టులో పాటిదార్ పేరు ఎక్కడా కనిపించలేదు. ఈ విషయం ఇప్పుడు సోషల్ మీడియాలో పెను తుఫాను సృష్టిస్తోంది. అసలు రజత్ పాటిదార్ చేసిన పాపం ఏంటని నెటిజన్లు సెలెక్టర్లను నిలదీస్తున్నారు.
చీఫ్ సెలెక్టర్ అజిత్ అగార్కర్ నేతృత్వంలోని కమిటీ సూర్యకుమార్ యాదవ్పై వేటు వేసి, శ్రేయస్ అయ్యర్ను కొత్త కెప్టెన్గా ప్రకటించింది. తిలక్ వర్మను వైస్ కెప్టెన్ చేయగా టీనేజ్ సెన్సేషన్ వైభవ్ సూర్యవంశీ, నితీష్ కుమార్ రెడ్డిలకు చోటు కల్పించింది. ఇక బుమ్రా, హార్దిక్లకు రెస్ట్ ఇవ్వగా.. రింకూ సింగ్, కుల్దీప్ యాదవ్లను టీమ్ నుండి తప్పించారు.
కానీ, రజత్ పాటిదార్ను పక్కన పెట్టడం వెనుక ఉన్న అసలు కారణం ఏజ్ అని విశ్లేషకులు అంటున్నారు. ఐపీఎల్ 2026లో పాటిదార్ ఏకంగా 191 స్ట్రైక్ రేట్తో 501 పరుగులు చేశాడు. ఇందులో 42 సిక్సర్లు ఉన్నాయి. మిడిల్ ఓవర్లలో స్పిన్నర్లను ఎదుర్కొంటు మోస్ట్ డేంజరస్ బ్యాటర్గా నిలిచాడు. కానీ అతనికి 33 ఏళ్లు వచ్చాయనే ఒకే ఒక్క కారణంతో సెలెక్టర్లు మొండిచేయి చూపించారట. యంగ్ ప్లేయర్స్ ను తీసుకుంటే టీమ్ ఇండియా ఫ్యూచర్ సెక్యూర్ గా ఉంటుందని అంటున్నారు క్రికెట్ నిపుణులు.
టాప్ హెడ్ లైన్స్
ట్రెండింగ్ వార్తలు
