5 key Reasons behind Trump's decision to halt war | ఇరాన్ పై 5 రోజులపాటు దాడులకు విరామం ప్రకటించిన ట్రంప్. ఆయన నిర్ణయం వెనుక 5 ప్రధాన కారణాలపై విశ్లేషణ

ఇరానే తో సానుకూల చర్చలు జరుగుతున్నందున 5 రోజులపాటు దాడులు నిలిపివేస్తున్నట్టు అమెరికా అధ్యక్షడు ట్రంప్ ప్రకచించారు. యుద్దం ఏ లక్ష్యంతో ప్రారంభించారు, ఇప్పుడే కారణంతో విరామమిచ్చారనేది ఇప్పుడు చర్చనీయాంశమైంది. అమెరికాకు ఎగ్జిట్ ప్లాన్ లేకపోవడమే అన్నిటికన్నా మొదటికారణమైతే.. ప్రపంచాన్ని ఆర్ధికంగా కుదిపేస్తున్న ఈ యుద్యం ఇంటా బయటా అమెరికాను ఒత్తిడికి గురిచేస్తోంది. మరోవైపు వరుస మిసైల్ దాడులతో ఇరాన్ ఏమాత్రం తలొగ్గే పరిస్తితులు కనిపించకపోవడం, హర్మూజ్ జలసంధి మూసివేత కారణంగా ప్రపంచ ఇంధన సప్లై ఒడిదుడుకులు ఎదుర్కోవడం లాంటి కారణాలు ట్రంప్ పై ఒత్తిడి పెంచాయి.

1.  యుద్ధ లక్ష్యాలలో స్పష్టత లేకపోవడం: ట్రంప్ తన యుద్ధ లక్ష్యాలను నిరంతరం మారుస్తూ వచ్చారు. మొదట ఇరాన్ నాయకత్వాన్ని మార్చడం అని, తర్వాత అణ్వాయుధాలను అడ్డుకోవడం అని, ఆపై మౌలిక వసతులను ధ్వంసం చేయడం అని చెబుతూ వచ్చారు. అసలు లక్ష్యమే లేని ఈ యుద్ధానికి ఎక్కడో ఒక చోట ముగింపు పలకాల్సిన అవసరం ఏర్పడింది.

2. ప్రపంచ ఆర్థిక వ్యవస్థపై ప్రభావం: ఈ యుద్ధం కేవలం అమెరికా, ఇరాన్, ఇజ్రాయెల్ దేశాలకే పరిమితం కాకుండా గల్ఫ్ దేశాలకు కూడా వ్యాపించింది. దీనివల్ల ఆయిల్ మరియు గ్యాస్ ధరలు పెరిగి, ప్రపంచవ్యాప్తంగా స్టాక్ మార్కెట్లు మరియు ఆర్థిక వ్యవస్థలు తీవ్రమైన ఒత్తిడికి లోనయ్యాయి.

3. సైనిక మరియు ఆస్తి నష్టం: యుద్ధం కారణంగా అమెరికా తీవ్రమైన సైనిక ఒత్తిడిని ఎదుర్కొంది. ముఖ్యంగా ఎఫ్-35 (F-35) వంటి అత్యాధునిక యుద్ధ విమానాలు మరియు బాంబర్లు దెబ్బతినడం వల్ల అమెరికాకు భారీగా సైనిక మరియు ఆర్థిక నష్టం వాటిల్లింది.

4. స్వదేశీ వ్యతిరేకత: అమెరికా లోపల కూడా ట్రంప్‌పై ఒత్తిడి పెరిగింది. దాదాపు 68 శాతం అమెరికన్లు ఈ యుద్ధాన్ని వ్యతిరేకించగా, అమెరికన్ కాంగ్రెస్ మరియు రిపబ్లికన్ పార్టీలో కూడా ఈ నిర్ణయంపై అసంతృప్తి వ్యక్తం కావడంతో ట్రంప్ వెనక్కి తగ్గాల్సి వచ్చింది.

5. అంతర్జాతీయ ఒత్తిడి మరియు దౌత్యపరమైన ఒంటరితనం: నాటో (NATO) మరియు యూరోపియన్ యూనియన్ వంటి మిత్రపక్షాలు అమెరికా నిర్ణయాన్ని సమర్థించలేదు. మరోవైపు చైనా, రష్యా వంటి దేశాలు కూడా అమెరికాకు సహకరించకపోవడంతో అంతర్జాతీయ సమాజంలో అమెరికా ఆధిపత్యం ప్రశ్నార్థకంగా మారింది.

ప్రస్తుతం ఇరాన్ తో జరుగుతున్న చర్చలు సానుకూల దిశగా సాగుతున్నాయని, సమస్యకు శాశ్వత పరిష్కారం కనుగొనేందుకే ఈ తాత్కాలిక విరామం ప్రకటించినట్లు సమాచారం. అయితే, ఇరాన్ మాత్రం అమెరికాను నమ్మడం లేదని, తాము పూర్తి స్థాయిలో అప్రమత్తంగా ఉన్నామని స్పష్టం చేసింది.