Viral Video: చిత్తూరులో చిత్రం... ఆ కోడి పుంజు పెట్టింది 11 గుడ్లు... పొదిగింది 5 పిల్లలు..

చిత్తూరు జిల్లా శ్రీకాళహస్తి నియోజకవర్గం  తొట్టంబేడు మండలం పెద్ద కన్నలి ఎస్టీ కాలనీలో నివాసం ఉంటున్న సుబ్రహ్మణ్యం ఇంటి వద్ద అరుదైన ఘటన చోటుచేసుకుంది. కోడి పుంజులు 11 గుడ్లును పెట్టి 5 కోడి పిల్లలను పొదిగి కంటికి రెప్పలా కాపాడుకుంటోంది. ఈ  గ్రామంలో వింత చోటు చేసుకోవడంతో వింతను చూసి గ్రామస్తులు ఆశ్చర్యం వ్యక్తం చేస్తున్నారు. ఇదేమీ కలికాలం అంటున్నారు. దీనిపై వైద్య అధికారిని వివరణ అడగగా జన్యు లోపం వల్ల ఇలాంటి సంఘటనలు జరుగుతుంటాయని తెలిపారు. ఈ సందర్భంగా ఆ ఇంటి యజమాని సుబ్రహ్మణ్యం మాట్లాడుతూ.. తన ఇంటి వద్దే కూల్ డ్రింక్స్ అమ్ముకుంటూ కోళ్లను పెంచుకుంటూ జీవనం సాగిస్తున్నారు. ఉన్నట్టుండి ఓ కోడిపుంజు గుడ్లు పెట్టడ్డం గమనించారు. ఇలా 11గుడ్లను పెట్టడంతో తమని ఆశ్చర్యానికి  గురి చేసిందని, ఆ గుడ్లను కోడిపుంజు పొదిగి 5 కోడి పిల్లలను చేసిందని తెలిపారు. ఇలాంటి వింత కోడిపుంజు తమ ఇంట్లోనే గుడ్లు పెట్టి పొదగడం ఆ కుటుంబ సభ్యులు ఆనందం వ్యక్తం చేస్తున్నారు.