Viral Video: నాగుపామును నోట్లో పెట్టుకుని యువకుడి సెల్ఫీ వీడియో - చివరకు మృత్యువాత, కామారెడ్డి జిల్లాలో షాకింగ్ ఘటన

Telangana News: కామారెడ్డి జిల్లా బాన్సువాడ మండలం దేశాయిపేటలో షాకింగ్ ఘటన జరిగింది. ఓ యువకుడు నాగుపామును నోట్లో పెట్టుకుని హల్చల్ చేయగా అది కాటు వేయడంతో మృత్యువాత పడ్డాడు.

నోట్లో పాము పెట్టుకుని యువకుడి హల్చల్

Source : Twitter (X)

Young Man Died Due To Selfie Video With Cobra In Kamareddy: కొందరు పాములతో విన్యాసాలు చేయడం మనం చూశాం. పాములను పట్టుకోవడంలో ఆరి తేరిన వారు సైతం కొన్నిసార్లు పాముకాటుకు గురై ప్రాణాలు కోల్పోతుంటారు. కానీ, ఓ యువకుడు నాగుపామును ఏకంగా నోట్లోనే పెట్టుకుని సెల్ఫీ  వీడియో తీశాడు. అనంతరం పాముకాటుకు గురై ప్రాణాలు కోల్పోయాడు. ఈ షాకింగ్ ఘటన కామారెడ్డి జిల్లా (Kamareddy District) బాన్సువాడ మండలంలో గురువారం జరిగింది. పామును నోట్లో పెట్టుకుని వీడియో తీసి దాన్ని సోషల్ మీడియాలో షేర్ చేయగా వైరల్‌గా మారింది.

Trigger warning content

పాముతో చెలగాటం ఆడి ప్రాణాలు కోల్పోయిన యువకుడు

కామారెడ్డి జిల్లా బాన్సువాడ మండలం దేశాయిపేట గ్రామానికి చెందిన మోచి శివరాజులు, తండ్రి గంగారాం పాములను పడుతూ జీవనం సాగిస్తారు.

గంగారాం ఓ పామును పట్టి కుమారుడికి ఇచ్చాడు. నోట్లో పెట్టుకుని వీడియో తీసి వాట్సాప్… pic.twitter.com/X4adqpyGVu

— Telugu Scribe (@TeluguScribe) September 6, 2024

స్థానికులు తెలిపిన వివరాల ప్రకారం.. మండలంలోని దేశాయిపేట గ్రామంలో మోచి శివరాజ్ (20), తండ్రి గంగారాం పాములు పడుతూ జీవనం సాగిస్తుంటారు. గంగారాం ఓ పామును పట్టుకుని కుమారుడికి ఇచ్చాడు. నోట్లో పెట్టుకుని వీడియో తీయాలని చెప్పగా.. శివరాజ్ అలానే చేశాడు. నాగుపాముతో ఆటలాడుతూ దాన్ని నోట్లో పెట్టుకుని సెల్ఫీ వీడియో తీశాడు. అనంతరం పాముకాటు వేయగా గుర్తించిన స్థానికులు వెంటనే అతన్ని బాన్సువాడ ప్రభుత్వాస్పత్రికి తరలించారు. అప్పటికే శరీరం మొత్తం విషం పాకడంతో పరిస్థితి విషమించి చికిత్స పొందుతూ ప్రాణాలు కోల్పోయాడు. ఈ ఘటన స్థానికంగా ఆందోళన కలిగించింది.