Viral Video: ఈ పిల్లి చేసిన పనికి నెటిజన్లు ఫిదా, ఈ వీడియో చూశారా?

ఇంటర్నెట్‌లో కంటెంట్‌కు కొదవే లేదు. ఓపిక ఉండాలే కానీ ఎంత సేపైనా అలా చూస్తూ ఉండిపోవచ్చు. ముఖ్యంగా కొన్ని వీడియోలు క్షణాల్లో వైరల్ అయిపోతాయ్. రోజుకో వీడియో కచ్చితంగా నెట్టింట్లో చక్కర్లు కొడుతూనే ఉంటుంది. ఇప్పుడు అలాంటి వీడియోనే ఒకటి వైరల్ అవుతోంది. ఓ మహిళ బండి కీస్ పొరపాటున ఓ హోల్‌లో పడిపోయాయి. ఆ తాళాలు బయటకు తీసేందుకు ఆ మహిళ ఎన్నో పాట్లు పడింది. ఈఇబ్బందులు చూడలేక, ఆమె పెంచుకుంటున్న పిల్లి అక్కడికి వచ్చింది. యజమానికి సాయం చేయాలని తానూ ఆ హోల్‌లో కాళ్లు పెట్టి కీస్‌ను బయటకు తీసేందుకు ప్రయత్నించింది. ఇది చూసి ఆశ్చర్యపోయిన ఆమె వెంటనే వీడియో తీసింది. ఇది సోషల్ నెట్‌వర్క్‌ రెడిట్‌లో పోస్ట్ చేసింది. అప్పటి నుంచి నెట్టింట తెగ షేర్ అవుతోంది. ఆ మహిళకు ఓ బేబీ ఉంది. ఆ చిన్నారి కీస్‌తో ఆడుకుంటూ హోల్‌లో పడేసింది. అది తీసేందుకు పిల్లి చేసిన ప్రయత్నం నవ్వులు పూయిస్తోంది. 

ఆ హోల్‌లో నుంచి తాళాలు బయటకు తీసేందుకు పడిన కష్టమెంతో వీడియోలో కనిపించింది. ఇందుకోసం ఆమె ఓ కర్రను కూడా వినియోగించింది. తరవాత ఉన్నట్టుండి ఓ నల్ల పిల్లి వచ్చింది. చాలా సేపు కష్టపడి చివరకు ఆ తాళాలు బయటకు తీసి ఓనర్‌కు అందించింది. ఈ వీడియో చూసిన వాళ్లు "అమేజింగ్" అని కామెంట్ చేస్తున్నారు.