Elephant Birthday: గ్రాండ్‌గా బర్త్‌డే సెలబ్రేట్ చేసుకున్న ఏనుగు, కేక్ కూడా కట్ చేసింది

Elephant Birthday: యూపీలోని బిజ్నోర్‌లో ఓ నాలుగేళ్ల ఏనుగుకి అటవీ అధికారులు బర్త్‌డే వేడుకలు జరిపించారు.

బిజ్నోర్‌లోని అటవీ అధికారులు ఏనుగు పుట్టిన రోజు వేడుకలు జరిపించారు. (Image Credits: ANI\Twitter)

ఏనుగుకి నాలుగో పుట్టిన రోజు..

యూపీలోని బిజ్నోర్‌లో నాలుగేళ్ల వయసున్న ఏనుగుకి బర్త్‌డే వేడుకలు జరిపించారు. చుట్టుపక్కల బెలూన్స్ కట్టి, ఫ్రూట్ కేక్ కట్ చేయించారు. ఏనుగులు ఈ పార్టీకి వచ్చి కేక్ ఆరగించి వెళ్లాయి. బిజ్నోర్‌లోని "కలగర్ ఎలిఫెంట్ క్యాంప్‌లో" జరిగింది ఈ వింతైన పార్టీ. ఆగస్టు 2వ తేదీతో సావన్ (ఏనుగు పేరు)కు నాలుగేళ్లు నిండిన సందర్భంగా...అటవీ అధికారులు ఇలా వెరైటీగా వేడుక చేశారు. యూపీ-ఉత్తరాఖండ్ సరిహద్దుల్లో ఉన్న జిమ్ కార్బెట్ టైగర్ రిజర్వ్‌కు సమీపంలోనే ఉందీ కలగర్ ఎలిఫెంట్ క్యాంప్. ఈ సావన్‌ కోసం ప్రత్యేకంగా ఫ్రూట్ కేక్ తయారు చేయించారు. కేక్ కట్‌ చేయించటాన్ని చూసిన మిగతా ఏనుగులు ఒక్కసారిగా అక్కడికి వచ్చాయి. ఇప్పుడే కాదు. సావన్ పుట్టినప్పటి నుంచి ఆగస్టు 2వ తేదీన బర్త్‌డే వేడుకలు చేస్తున్నారు అటవీ అధికారులు. ప్రస్తుతం ఈ క్యాంప్‌లో 9 ఏనుగులు ఉంటున్నాయి. వీటిని 9 ఏళ్ల క్రితం కర్ణాటక నుంచి తీసుకువచ్చినట్టు ఫారెస్ట్ అధికారులు చెబుతున్నారు. నాలుగేళ్ల క్రితం కాంచభ అనే ఏనుగుకి పుట్టిన ఏనుగుకి సావన్ అని పేరు పెట్టుకున్నారు. అప్పటి నుంచి ఘనంగా బర్త్‌డే సెలబ్రేట్ చేస్తున్నారు. కార్బెట్ టైగర్ రిజర్వ్‌లో భాగమైన ఈ ఎలిఫెంట్ క్యాంప్‌లో ఏనుగుల సంరక్షణకు ఎన్నో చర్యలు చేపడుతున్నారు. మాన్‌సూన్ పాట్రోలింగ్‌ కోసం ఈ ఏనుగులను వినియోగిస్తారు. వీటికి అవసరమైన మందులు, ఆహారం, డ్రింక్స్‌, వసతి ఏర్పాట్లు అన్నీ చేసినట్టు అధికారులు వెల్లడించారు.

Uttar Pradesh | Forest Department officials celebrated the birthday of 4-year-old elephant 'Sawan' at Kalagarh elephant camp in Bijnor yesterday pic.twitter.com/tcQjw7wD8E

— ANI UP/Uttarakhand (@ANINewsUP) August 3, 2022

 

హ్యాపీ బర్త్‌డే గజరాజ్..

సావన్ బర్త్‌డే పార్టీని అధికారులంతా ఎంజాయ్ చేశారు. ఏనుగు కేక్ కట్ చేసే సమయంలో అందరూ చప్పట్లు కొడుతూ సందడి చేశారు. సావన్ కూడా ఎంతో ఆనందంగా ఆ కేక్‌ను ఆరగించింది. ఈ ఫోటోలను సోషల్ మీడియాలో షేర్ చేశారు. ప్రస్తుతం ఇవి వైరల్‌ అయ్యాయి. హ్యాపీ బర్త్‌ డే గజరాజ్ అంటూ కొందరు నెటిజన్లు విషెస్ చెబుతున్నారు. ఈ ఏనుగుకి ముందుగా శంభు అనే పేరు పెట్టారు. తరవాత సావన్‌గా మార్చారు. 
 

Belated Happy Birthday Sawan Gajraj

— Vandana Gosain (@vandanagosain16) August 3, 2022

Sawan bhai ko happy b'day 🥳

— Aviral (@aviralwtd) August 3, 2022