Bandi Sanjay: 2017 డ్రగ్స్ కేసును మళ్లీ బయటకు తీయాలి - సోమేష్ను ప్రశ్నించాలి - బండి సంజయ్ సంచలన డిమాండ్
2017 drugs case: 2017లో తెలంగాణను కుదిపేసిన డ్రగ్స్ కేసుపై బండి సంజయ్ సంచలన ఆరోపణలు చేశారు. సోమేష్ కుమార్ ఆధారాలు తీసుకున్నారని ఆయను ప్రశ్నించాలని డిమాండ్ చేశారు.
What happened to the 2017 drugs case : తెలంగాణలో డ్రగ్స్ కేసుల వ్యవహారంపై దుమారం రేగుతోంది. తాజాగా హీరోయిన్ రకుల్ ప్రీత్ సోదరుడు అమన్ ప్రీత్ డ్రగ్స్ కేసులో ఉన్నట్లుగా పోలీసులు తేల్చడంతో ఈ అంశంపై కేంద్ర మంత్రి బండి సంజయ్ స్పందించారు. అప్పట్లో ఐపీఎస్ అధికారి ఆకున్ సబర్వాల్ నేతృత్వంలో జరిగిన దర్యాప్తు ఏమైంది? సేకరించిన కీలక ఆధారాలు ఎటు పోయాయని ఆయన ప్రశ్నిస్తూ చేసిన ట్వీట్ వైరల్ గా మారింది.
పోలీసు అధికారి అకున్ సభర్వాల్ బృందం నిందితులను విచారించినప్పుడు, వారు డ్రగ్ డీలర్లను మాజీ ముఖ్యమంత్రి కె. చంద్రశేఖర్ రావు కుటుంబ సభ్యులతో సంబంధం ఉందని వాంగ్మూలాలు ఇచ్చారని బండి సంజయ్ ఆరోపించారు. కెసిఆర్ కుటుంబ సభ్యులు తమతో డ్రగ్స్ తీసుకున్నారని వారు స్పష్టంగా పేర్కొన్నారు. ఈ ప్రకటనలను ఆడియో, వీడియో ఆధారాలతో పాటు అధికారికంగా రికార్డ్ చేశారని ఆయన తెలిపారు. ఈ వాస్తవాలు బయటపడితే రాజకీయ పరిణామాలు తలెత్తుతాయనే భయంతో, కెసిఆర్ అకస్మాత్తుగా అకున్ సభర్వాల్ను అక్కడి నుంచి బదిలీ చేసి కేసును నీరుగార్చారన్నారు. ఆడియో రికార్డింగ్లు, వీడియో ఫుటేజ్లు, లిఖితపూర్వక ప్రకటనలతో సహా సేకరించిన అన్ని ఆధారాలను, తరువాత ప్రధాన కార్యదర్శిగా పనిచేసిన సోమేశ్ కుమార్ అదుపులోకి తీసుకున్నారని ఆరోపించారు.
ఆ ఆధారాలు ఇప్పుడు ఎక్కడ ఉన్నాయి? దానిని తదుపరి దర్యాప్తు బృందానికి ఎందుకు అప్పగించలేదు? దానిని కోర్టు ముందు ఎందుకు హాజరుపరచలేదని బండి సంజయ్ ప్రశ్నించారు. సోమేశ్ కుమార్ను వెంటనే కస్టడీలోకి తీసుకుని ప్రశ్నించాలని డిమాండ్ చేశారు. అప్పుడే ఈ డ్రగ్స్ కేసు వెనుక ఉన్న నిజం బయటపడుతుంది. కాంగ్రెస్ ప్రభుత్వం పండుగలు , నూతన సంవత్సర వేడుకల సమయంలో మాత్రమే డ్రగ్స్పై వ్యవహరిస్తుందా? మాదకద్రవ్యాలపై తీవ్రమైన, నిరంతర పోరాటం ఇలాగే ఉంటుందా? EAGLE బృందానికి దర్యాప్తు చేయడానికి సరైన అధికారం ఉందా? సమర్థులైన అధికారులు ఉన్నప్పటికీ, కొంతమంది డబ్బు కోసం మాదకద్రవ్యాల వ్యాపారులతో రాజీ పడ్డారని నాకు విశ్వసనీయ సమాచారం ఉంది. ఈ మోసాలకు ఎవరు జవాబుదారీ చెప్పాలన్నారు.
What happened to the 2017 drugs case & evidence❓
— Bandi Sanjay Kumar (@bandisanjay_bjp) December 27, 2025
Why has no action been taken till today on the sensational drugs case investigated under Akun Sabharwal?
During that probe, names of influential individuals and film celebrities surfaced. When the accused were examined by the…
ఇటీవలి EAGLE దాడులలో, పదే పదే మాదకద్రవ్యాల కొనుగోలుదారులను ఎందుకు చర్యలు తీసుకోలేదు? రాష్ట్ర ప్రభుత్వం నిజంగా మాదకద్రవ్యాలను నిర్మూలించాలనుకుంటే, అకున్ సభర్వాల్ వంటి సమర్థులైన అధికారులకు దర్యాప్తును పునరుద్ధరించాలి, కేసును దాని తార్కిక ముగింపుకు తీసుకెళ్లాలన్నారు. టోకెన్ కేసులు, అప్పుడప్పుడు జరిగే కఠిన చర్యలు తెలంగాణలో మాదకద్రవ్యాలను నిర్మూలించవచ్చన్నారు . బండి సంజయ్ అప్పటి కేసును తెరపైకి తీసుకు రావడం హాట్ టాపిక్ గా మారింది.
టాప్ హెడ్ లైన్స్
ట్రెండింగ్ వార్తలు
