KTR News: కన్నెపల్లి పంప్‌హౌస్‌ పర్యటనకు కేటీఆర్‌.. లారీలు అడ్డుపెట్టిన పోలీసులతో బీఆర్ఎస్ నేతల వాగ్వాదం

Kannepally Pump House | కన్నెపల్లి పంప్ హౌస్ పర్యటనకు వెళ్తున్న బీఆర్‌ఎస్ వర్కింగ్ ప్రెసిడెంట్ కేటీఆర్ కాన్వాయ్ ని పోలీసులు అడ్డుకుంటున్నారని బీఆర్ఎస్ నేతలు ఆగ్రహం వ్యక్తం చేస్తున్నారు.

కేటీఆర్ కాన్వాయ్‌ని అడ్డుకున్న పోలీసులు

Source : X.com

Show Quick Read

Key points generated by AI, verified by newsroom

• లక్ష్మీ పంప్‌హౌస్ వెళ్లే కేటీఆర్ కాన్వాయ్‌ను పోలీసులు అడ్డుకున్నారు.
• కన్నెపల్లి వద్ద లక్ష క్యూసెక్కులు గోదావరి జలాలు వృథాగా పోతున్నాయి.
• ప్రభుత్వం అడ్డుకోవటం వృథా జలాలను దాచడానికేనని కేటీఆర్ ఆరోపించారు.

జనగామ/వరంగల్: జయశంకర్ భూపాలపల్లి జిల్లాలో గల మహదేవ్‌పూర్ మండలం కన్నెపల్లి వద్ద ఉన్న లక్ష్మీ పంప్ హౌస్ పర్యటనకు వెళ్తున్న బీఆర్‌ఎస్ వర్కింగ్ ప్రెసిడెంట్ కేటీఆర్ కాన్వాయ్ ని జనగామ జిల్లా పెంబర్తి వద్ద బారీకేడ్లు పెట్టి పోలీసులు అడ్డుకున్నారు. కన్నెపల్లి వద్ద ప్రస్తుతం ఒకటి కాదు రెండు కాదు.. ఏకంగా లక్ష క్యూసెక్కుల గోదావరి నీరు కిందకు సముద్రంలోకి వృధాగా పోతోందని ఆవేదన వ్యక్తం చేశారు. కింద నీరు వృధాగా పోతుంటే, పైన ఉన్న మిడ్ మానేరుతో సహా కాళేశ్వరం ప్రాజెక్టులోని ప్రతి రిజర్వాయర్ నీళ్లు లేక నోరెళ్లబెట్టి చూస్తోందని అన్నారు. నీటి లభ్యత లేక తెలంగాణవ్యాప్తంగా రైతులు కనీసం నాట్లు వేసే పరిస్థితి కూడా లేదని, పంటలు ఎండిపోతున్నాయని ఆరోపించారు.

జనగాం జిల్లా కొమల్ల చెక్ పోస్ట్ వద్ద లారీలు అడ్డం పెట్టి మరోసారి కేటీఆర్ కాన్వాయ్‌ను పోలీసులు అడ్డుకున్నారు. కాళేశ్వరం ప్రాజెక్టులో భాగమైన కన్నెపల్లి పంప్ హౌస్ నుంచి లక్షల క్యూసెక్కుల నీరు వృథాగా సముద్రంలోకి పోతుందని, నీళ్లను రైతుకు సాగుకోసం అందించాలని కేటీఆర్ డిమాండ్ చేశారు.  జనగామ టోల్ గేట్ వద్ద అడ్డుకున్న పోలీసులతో మాజీ మంత్రి, ఎమ్మెల్యే జగదీష్ రెడ్డి వాగ్వాదానికి దిగారు. భారీగా మోహరించి పోలీసులు అడ్డంకులు సృష్టించినా... తీవ్ర వాగ్వాదానికి దిగి కేటీఆర్ కాన్వాయ్‌ను ముందుకు పంపించారు. ప్రతిచోటా బీఆర్ఎస్ నేతలు భారీగా తరలివచ్చి కేటీఆర్ కాన్వాయ్ కి దారివ్వాలని పోలీసులతో గొడవకు దిగుతున్నారు. కేటీఆర్ కన్నెపల్లి పంప్ హౌస్ పర్యటన నేపథ్యంలో జనగాం, వరంగల్ జిల్లాల వ్యాప్తంగా బీఆర్ఎస్ నాయకులను పోలీసులు ముందస్తు అరెస్ట్ చేశారు.

బీఆర్‌ఎస్ వర్కింగ్ ప్రెసిడెంట్ కేటీఆర్ నాయకత్వంలో ఆ పార్టీ ప్రజాప్రతినిధులు, వరంగల్, కరీంనగర్, నల్లగొండ జిల్లాల సీనియర్ నేతలతో కూడిన బృందం హైదరాబాద్ నుంచి కన్నెపల్లి పంప్ హౌస్ పరిశీలనకు బయలుదేరింది. మధ్యాహ్నం 1:30 గంటల ప్రాంతంలో అక్కడకు చేరుకుని వృధాగా పోతున్న జలాలను పరిశీలించి, మధ్యాహ్నం 2 నుంచి 3 గంటల మధ్య మీడియా సమావేశం నిర్వహించాలని బీఆర్‌ఎస్ భావించింది. అయితే, ఈ పర్యటనను అడ్డుకునేందుకు కాంగ్రెస్ ప్రభుత్వం, పోలీసులు ప్రయత్నించడంపై కేటీఆర్ తీవ్ర ఆగ్రహం వ్యక్తం చేశారు. జనగామ వద్ద తమ వాహనాలను అడ్డుకోవడంపై మండిపడ్డారు.

బారీకేడ్లు బద్దలు కొట్టి కన్నెపల్లి పంప్ హౌస్ వైపు దూసుకెళ్తున్న బీఆర్ఎస్ వర్కింగ్ ప్రెసిడెంట్ కేటీఆర్, బీఆర్ఎస్ శ్రేణులు 🔥

కాళేశ్వరం ప్రాజెక్టు, కన్నెపల్లి పంప్ హౌస్ పర్యటనకు వెళ్తున్న @KTRBRS బృందాన్ని హైదరాబాద్ - వరంగల్ హైవేపై పెంబర్తి వద్ద బారికేడ్లను పెట్టి అడ్డుకున్న… pic.twitter.com/FKVSqXVYZ9

— BRS Party (@BRSparty) July 5, 2026

మేడిగడ్డ బ్యారేజీ గేట్లతో సంబంధం లేకుండా, 93.5 మీటర్ల ఎత్తులో గోదావరి ప్రవహిస్తే చాలు.. కన్నెపల్లి పంప్ హౌస్ మోటర్లు ఆన్ చేసి తెలంగాణ మొత్తాన్ని సస్యశ్యామలం చేసేలా కేసీఆర్ ఈ ప్రాజెక్టును డిజైన్ చేశారని కేటీఆర్ గుర్తుచేశారు. కానీ, ఒకవేళ నీళ్లిస్తే యూరియా ఇవ్వాలని, పంటను మద్దతు ధరతో కొనాలని, బోనస్ ఇవ్వాల్సి వస్తుందనే భయంతో చేతగాని సీఎం రేవంత్ రెడ్డి రైతులను కావాలనే ఎండబెడుతున్నారని కేటీఆర్ విమర్శించారు. ప్రభుత్వం చేస్తున్న ఈ దొంగతనం బయటపడుతుందనే భయంతోనే రేవంత్ రెడ్డి సూచనల మేరకు పోలీసులు తమను అడ్డుకుంటున్నారని ఆయన మండిపడ్డారు. ఎన్ని అడ్డంకులు సృష్టించినా తాము కన్నెపల్లి పంప్ హౌస్ వద్దకు చేరుకుని తీరుతామని, వృధా జలాలను రైతులకు, రాష్ట్ర ప్రజలకు చూపిస్తామని కేటీఆర్ స్పష్టం చేశారు.

మరిన్ని చదవండి

MLC Shambhipur Raju: కేటీఆర్ కాన్వాయ్‌లో ప్రమాదం.. ఎమ్మెల్సీ శంభీపూర్ రాజుకు తీవ్ర గాయాలు.. కిమ్స్ ఆసుపత్రికి తరలింపు!

లొట్టలేసుకుంటూ తింటున్నారా.. హైదరాబాద్‌లో 100 రోజుల్లో 121 టన్నుల కల్తీ ఆహార పదార్థాలు సీజ్