Sharmila on Kavitha: కవితమ్మా ఢిల్లీలో కాదు, రాష్ట్రంలో సీట్లు ఇచ్చే దమ్ము ఉండాలి: వైఎస్ షర్మిల

Sharmila on Kavitha: కవితమ్మా.. ఢిల్లీలో కాదు రాష్ట్రంలో సీట్లు ఇచ్చే దమ్ము ఉండాలని వైఎస్సార్ తెలంగాణ పార్టీ అధ్యక్షురాలు వైఎస్ షర్మిల అన్నారు. 

కవితమ్మా ఢిల్లీలో కాదు రాష్ట్రంలో సీట్లు ఇచ్చే దమ్ము ఉండాలి: వైఎస్ షర్మిల

Source : YS Sharmila

Sharmila on Kavitha: మహిళలకు 33 శాతం రిజర్వేషన్లకు చిత్తశుద్ధితో పార్టీలు కలిసి రావాలని చిలక పలుకులు పలుకుతున్న కవితమ్మా.. నీ చిత్తశుద్ధి ఏమైందంటూ వైఎస్సార్ తెలంగాణ పార్టీ అధ్యక్షురాలు ఎమ్మెల్సీ కవితపై ఫైర్ అయ్యారు. రాష్ట్రంలో 115 సీట్లలో 7 స్థానాలు ఇచ్చిన మీకు చిత్తశుద్ది ఉన్నట్లా అని ప్రశ్నించారు. ఆకాశం, అధికారం సగం సగం అని శ్రీరంగ నీతులు చెప్పిన మీరే 6 శాతం ఇస్తే చిత్తశుద్ధి చూపినట్లు అవుతుందా అంటూ అవాకులు చవాకులు పేల్చారు. కవితమ్మా "Be the change you want to see " అంటూ ట్విట్టర్ వేదికగా రాసుకొచ్చారు.

ఢిల్లీలో దొంగ దీక్షలు కాదు.. రాష్ట్రంలో సీట్లిచ్చే దమ్ము ఉండాలి అని ప్రశ్నించారు. తెలంగాణ జనాభాలో 50 శాతం మహిళలు ఉన్నా క్యాబినెట్ లోనూ ప్రాధాన్యత దక్కలేదని చెప్పుకొచ్చారు. లిక్కర్ బిజినెస్, రియల్ ఎస్టేట్ బిజినెస్ ల గురించి కాకుండా మీ నాన్నతో మాట్లాడి క్యాబినెట్ లో, పెద్దల సభలో, నామినేటెడ్ పదవుల్లో మహిళలకు రిజర్వేషన్ ఇప్పించమంటూ సూచించారు. 

33 శాతం రిజర్వేషన్లకు చిత్తశుద్ధితో పార్టీలు కలిసి రావాలని చిలక పలుకులు పలుకుతున్న కవితమ్మ.. ఎక్కడ పాయె మీ చిత్తశుద్ధి? 115 సీట్లలో 7 స్థానాలు ఇచ్చిన మీకు చిత్తశుద్ది ఉన్నట్లా? ఆకాశం,అధికారం సగం సగం అని శ్రీరంగ నీతులు చెప్పిన మీరే 6 శాతం ఇస్తే చిత్తశుద్ధి చూపినట్లా? కవితమ్మ "Be…

— YS Sharmila (@realyssharmila) August 22, 2023

లిక్కర్ స్కాం పక్కదారి పట్టించేందుకు ఎత్తుకున్న నినాదమే 33 శాతం రిజర్వేషన్లు తప్ప.. మీకెక్కడిది మహిళల పట్ల చిత్తశుద్ధి అంటూ వైఎస్ షర్మిల ఆగ్రహం వ్యక్తం చేశారు. రాష్ట్రంలో మహిళలపై జరుగుతున్న దాడుల పైన ఒక్కసారి కూడా స్పందించిన పాపాన పోలేదని వివరించారు. రాజధాని నడిబొడ్డున ఆడపడుచులపై అత్యాచారాలు జరుగుతున్నా, మీ పోలీసులు మహిళా రైతులకు బేడీలు వేసినా, స్టేషన్ లో పెట్టి థర్డ్ డిగ్రీ ప్రయోగించినా మీకు పట్టదంటూ ఫైర్ అయ్యారు. మీ దృష్టిలో మహిళలు వ్రతాలు చేసుకోవడానికి, ఓటు బ్యాంకుగా మాత్రమే పనికొస్తారు కానీ రాజకీయాలకు కాదు అంటూ తెలిపారు. నిజంగా మీకు మహిళా రిజర్వేషన్లపై గౌరవం ఉంటే.. సార్వత్రిక ఎన్నికల్లో 33 శాతం అమలు చేయించాలన్నారు. సిట్టింగులకు ఇచ్చిన సీట్లలో 33 స్థానాలు మహిళా అభ్యర్థులకు అవకాశం ఇప్పించి కవితమ్మ చిత్తశుద్ధి నిరూపించుకోవాలని అన్నారు.

నిన్నటికి నిన్న కేసీఆర్ పై ఫైర్ అయిన షర్మిల

వచ్చే తెలంగాణ అసెంబ్లీ ఎన్నికల కోసం బీఆర్ఎస్ పార్టీ అధినేత కేసీఆర్ రెండు స్థానాల నుంచి పోటీ చేయడంపై విపక్షాల నుంచి విమర్శలు ఎదురవుతున్నాయి. ఆయన ఓటమికి భయపడే కామారెడ్డి నుంచి కూడా పోటీకి రెడీ అయ్యారంటూ రేవంత్ రెడ్డి ఇప్పటికే వ్యాఖ్యానించారు. తాజాగా వైఎస్ఆర్ తెలంగాణ పార్టీ అధ్యక్షురాలు వైఎస్ షర్మిల కేసీఆర్ రెండు చోట్ల పోటీ చేస్తుండడంపై స్పందించారు. సీఎంపై సెటైర్లు వేశారు. గజ్వేల్ ప్రజలు కేసీఆర్‌ను తన్ని తరిమేస్తారని ఆయనకు అర్థం అయినట్లు ఉందని వైఎస్ షర్మిల అన్నారు. వచ్చే ఎన్నికల్లో BRS పార్టీకి డిపాజిట్లు కూడా రావు అనడానికి సంకేతం ఇదని అన్నారు. రాష్ట్రానికే ముఖ్యమంత్రిని అన్న అహంకారంలో కేసీఆర్ గజ్వేల్ కి ఎమ్మెల్యే అన్న సంగతి ఏనాడో మరిచిపోయిండని ఎద్దేవా చేశారు.. కేసీఆర్ కు నిజంగా దమ్ముంటే.. గజ్వేల్ నుంచే గెలిచి చూపించాలని సవాలు విసిరారు.